Genese 7:4 - MUKANDA WA MYIDI MUKULU

⁴ Bualu papita matuku muanda mutekete, nendokeshe mvula pa buloba matuku makumi anayi a munya ne a butuku. Nembutule bintu bionsu bidi ne muoyi, bindi mufuke pa buloba.”

Mukanda wa Nzambi Dihungila Dikulukulu ne Dihungila Dihia-dihia 2003

⁴ Haleha matuku muanda mutekete nendokeshe nvula ha buloba munya ne bufuku to matuku makumi anai, nenjimishe bintu bionso binakafuka ha buloba.

Genese 7:4 ပူးပေါင်းရင်းမြစ်များ

Genese 2:5

mitshi ne bisosa kabivua bianji kutoloka to. Bualu Maweja-Nangila Mvidi Mukulu kavua muanji kulokesha mvula, kabidi muntu kavuapu bua kudima buloba.

Genese 6:13

Nanku kuambilaye Nowa ne: “Tshikondu tshia kubutula bionsu bidi ne muoyi pa buloba tshiakumbanyi! Bualu buenzayi budi pa buloba bujima, mbufume anu kudi bantu. Nanku ndi musue kubabutula pa buloba.

Genese 6:17

Meme nenguwuje buloba ne mayi a tshipupu, bua kubutula bionsu bidi ne muoyi pa buloba. Tshintu tshionsu tshidi ne muoyi pa buloba netshifue.

Genese 6:3

Kadi Maweja-Nangila kuamba ne: “Bua buenzayi bua muntu pa buloba, ndi nkepesha bidimu biende, bishale anu lukama ne makumi abidi, bualu muntu udi anu wa mubidi. Tshiena musue bua Mueyelu wa muoyi undi mumupesha ushale kashidi munda muende.”

Genese 6:7

Kubungamaye wamba ne: “Nembutule muntu undi mufuke pa buloba. Nembutule kabidi nyama yonsu minene ne mikese too ne nyunyi yonsu idi ibuka mulu, bualu ndi ne kanyinganyinga bua pandi mubifuke.”

Genese 7:10

Matuku muanda mutekete mamane kupita, mayi a tshipupu kuwuja buloba.

Genese 7:12

Mvula kuloka pa buloba matuku makumi anayi a munya ne a butuku.

Genese 7:17

Mayi kuwuja buloba mu matuku makumi anayi. Mayi kuvulangana, kubandisha buatu kulu. Kushalabu bulelema pa mayi.

Genese 7:3

Ubuele kabidi ne nyunyi milume muanda mutekete ne nyunyi mikaji muanda mutekete, bua diminu dia nyunyi dishale kashidi pa buloba.

Genese 8:10

Kupita matuku muanda mutekete, Nowa kutuma nyunyi wa nkudimba tshiakabidi.

Genese 8:12

Kupita matuku muanda mutekete kabidi, Nowa kutuma nyunyi wa nkudimba musangu muisatu, nkudimba kuya kashidi.

Genese 8:2

Miaba yonsu ivua mayi apatukila muinshi mua buloba ne mulu kudikangayi, mela kukama.

Yobe 22:16

Bobu bakafua matuku abu kaayi manji kukumbana, amu bu tshimana tshidi mayi upula.

Yobe 28:25

Diba divuaye upima bujitu bua lupepele, ubujadika, ubushindika,

Misambu 69:28

Badika malu mabi abu onsu, kubafuidi luse ku kalu nansha kamue.

Yirmeya 28:16

Nenku Maweja-Nangila udi ukuambila ne: kuena kabidi ne muaba pa buloba apa to. Neufue tshidimu etshi katshiyi tshianji kujika, bualu udi usaka bantu bua batombokele Maweja-Nangila.

Amosa 4:7

Mvua mukandike mvula bua kaloki, tshikondu tshivua bia pa madimi bikengela mayi. Mvua mulokeshe mvula mu tshimenga kampande, mu tshimenga tshikuabu, mvua mumukandike. Budimi bumue buvua bupete mayi mavule, bukuabu buvua bufuba ne munanga.

Didimanyisha 3:5

Badi batshimuna, nebavuale bilamba bitoke. Tshiakukupula mena abu mu mukanda wa muoyi to. Nenjadikile Tatu wanyi ne batumibue bende ne: bantu aba mbanyi.