Genese 48:9 - MUKANDA WA MYIDI MUKULU

⁹ Yozefe kumuambila ne: — Bana aba mbanyi, badi Mvidi Mukulu mumpeshe munu mu Ejipitu. Yakobe kuambila Yozefe ne: — Basemeja apa, mbele lupemba.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Yosefe wakambila tatu wandi ne, Aba mbana bakumpa Nzambi kunoko Yeye wakamba ne, Ulue nʼabo kundi, nembavudishile disanka.

Genese 48:9 ပူးပေါင်းရင်းမြစ်များ

Genese 27:4

Undambile nyama mushindu undi munange. Umpeshe bua meme kudia. Pashishe nenkuele lupemba, tshiyi muanji kukushiya.

Genese 30:2

Yakobe kufikila Rakele munda, umuambila ne: — Meme tshiena Mvidi Mukulu udi mukukandike ne: kuledi to!

Genese 33:5

Esawu ubanduluka, kumona bakaji ne bana. Kukonka Yakobe ne: — Baudi muende nabu mbanganyi? Yakobe kuandamuna ne: — Mbana bandi mupete ku luse lua Mvidi Mukulu.

Genese 49:28

Bana bonsu aba, ke badi benza bisama dikumi ne bibidi bia bena Izrayele. Tatuabu uvua muele muana yonsu lupemba ne miaku ayi. Yakobe kulayangana ne muana yonsu wende mushindu.

1 Kulondolola 25:5

Bana bonsu aba bavua ba Emane. Emane uvua ne mudimu wa kuambila mukalenga bivua Mvidi Mukulu mumumanyishe, bua kutumbisha bukole bua Mvidi Mukulu. Mvidi Mukulu uvua mupeshe Emane bana ba balume dikumi ne banayi, ne ba bakaji basatu.

Misambu 127:3

Bana, ke tshiuma tshilelela tshia bena nzubu, ndifutu didi Maweja-Nangila ubapesha!

Yeshaya 8:18

Meme ne bana badi Maweja-Nangila mumpeshe, tudi bimanyinu bidi bilongesha bantu mu Izrayele malu a kudi Maweja-Nangila muena bukole buonsu, udi usomba mu nzubu wende pa mukuna wa Siyone.

Dielulula 33:1

Moshe, muntu wa Mvidi Mukulu kayi muanji kufua, kuelaye bisamba dikumi ne bibidi bia Izrayele lupemba, wamba ne:

Ebrewu 11:21

Amu bua ditaba, Yakobe utata muele bana bonsu babidi ba Yozefe lupemba pavuaye upunga ne lufu. Utata mueyemene ku lusongu lua dikombu diende, utendelela Mvidi Mukulu.

1 Samuele 1:20

Ke Ane kuimita difu, kulela muana wa balume. Ane kuamba ne: — Muana ewu ndi mmuinyika ne: Samuwele, bu alu ndi mumulomba kudi Maweja-Nangila.

1 Samuele 1:27

Muana umvua ndomba mu ditendelela nyeye ewu. Maweja-Nangila wamumpeshi.