Genese 41:56 - MUKANDA WA MYIDI MUKULU

⁵⁶ Tshiyole tshia nzala atshi kutampakana mu ditunga dijima dia Ejipitu. Nanku Yozefe kunzulula nzubu ya mayeba, bua bantu basumbe biakudia. Kadi tshiyole tshivua tshienda tshipite bukole mu ditunga dia Ejipitu.

Mukanda wa Nzambi Dihungila Dikulukulu ne Dihungila Dihia-dihia 2003

⁵⁶ Tshiole tshiakadi ku nseke yonso ya buloba, ne Yosefe wakunzulula bibi bia mayeba onso, wakamanyisha Bena Ejipitu, tshiole tshiakatamba bukole mu buloba bua Ejipitu.

Genese 41:56 ပူးပေါင်းရင်းမြစ်များ

Genese 12:10

Tshiyole tshia nzala kupatuka mu ditunga dia Kenaane. Ke muvua Abrame uya mu ditunga dia Ejipitu, bua kuanji kusombamu.

Genese 41:30

Kadi bidimu bikuabu muanda mutekete bidi bilonda, biakudia bionsu nebijike. Bantu kabakuvuluka kabidi ne: tuvua ne biakudia bivule mu Ejipitu to. Tshiyole tshikole tshia nzala atshi netshibutule ditunga.

Genese 41:35

Basangishe biakudia ebi mu bidimu ebi muanda mutekete bidi kumpala. Bunguije ntete ya kuenza bukula mu mayeba mu bimenga, bayilamemu, wewe wikale ubatangila.

Genese 41:55

Diba diabuedi tshiyole tshia nzala mu ditunga dia Ejipitu, bena Ejipitu kulomba biakudia kudi mukalenga wabu. Yeye kubatuma kudi Yozefe, ubandamuna bonsu ne: “Lombayi kudi Yozefe. Nuenze bidiye unuambila.”

Genese 41:57

Bu muvua tshiyole atshi tshikole, tshibutula buloba bujima, bantu ba matunga onsu kufika kudi Yozefe mu Ejipitu bua kusumba biakudia.

Genese 42:6

Bafika mu Ejipitu, kudielabu mpala panshi kumpala kua Yozefe, bualu yeye ke uvua utangila ditunga adi dijima, usumbisha bantu benyi bonsu biakudia.

Genese 43:1

Tshiyole tshia nzala kupita bukole mu Kenaane.

Yeshaya 23:17

Padi bidimu makumi muanda mutekete bipite, Maweja-Nangila neambuluishe tshimenga tshia Tire. Netshituadije kabidi kupeta makuta ku buendenda ne makalenga mashilangane onsu a pa buloba.

Zekâya 5:3

Ke yeye kungambila ne: — Mu mukanda ewu mudi miaku ya mulawu wa kuela ditunga dijima: luseke lumue lua muvungu wa mukanda mbafunde ne: nebipate bivi bonsu mu ditunga, luseke lukuabu mbafunde ne: nebipate kabidi bonsu badi baditshipa mitshipu ya dishima.

Luke 21:35

bu mudi buteyi bukuata nyama. Bualu dituku adi nedijikidile bantu bonsu ba pa buloba bujima diakamue.

Bienzedi 17:26

Udi mufuke bisamba bionsu, bifumine kudi muntu umue, mubitangalaje pa buloba bujima. Kufundilaye tshisamba tshionsu tshikondu tshia kusomba panu, ne mikalu ya miaba idi tshi mua kuasa.