Genese 41:54 - MUKANDA WA MYIDI MUKULU

⁵⁴ Bidimu bikuabu muanda mutekete bia tshiyole tshia nzala kutuadija bu muvua Yozefe mumane kuamba. Tshiyole kufika mu matunga makuabu onsu. Kadi biakudia bivua mu Ejipitu.

Mukanda wa Nzambi Dihungila Dikulukulu ne Dihungila Dihia-dihia 2003

⁵⁴ Bidimu bia tshiole muanda mutekete biakabanga kulua bu muakamba Yosefe, biole biakadi mu maloba onso, kadi mu Ejipitu muakadi mushale bintu bia kudia.

Genese 41:54 ပူးပေါင်းရင်းမြစ်များ

Genese 41:27

Ngombe mikuabu minyane muanda mutekete ne miepu ya mponda muanda mutekete ivua mifubishe kudi lupepela, bidi bileja kabidi bidimu muanda mutekete, kadi mbia tshiyole tshia nzala.

Genese 41:30

Kadi bidimu bikuabu muanda mutekete bidi bilonda, biakudia bionsu nebijike. Bantu kabakuvuluka kabidi ne: tuvua ne biakudia bivule mu Ejipitu to. Tshiyole tshikole tshia nzala atshi netshibutule ditunga.

Genese 41:53

Bidimu muanda mutekete bia biakudia bia bungi kupita.

Genese 42:2

Ndi mumvue bamba ne: mu Ejipitu mudi ntete ya kuenza bukula. Ndayi nutusumbile ntete ayi bua tumone mua kushala ne muoyi. Katuena basue kufua to.

Genese 43:1

Tshiyole tshia nzala kupita bukole mu Kenaane.

Genese 45:11

Kuneku meme nemmudishe bimpe, kayi mua kukenga tshintu, yeye ne bena diende bonsu, kabidi ne bimuna biende. Bualu bidimu bikuabu bia tshiyole bitshidi bishale bitanu.”

Genese 47:13

Mu ditunga dia Ejipitu ne dia Kenaane muvua tshiyole tshikole. Biakudia kabiyi bimueneka, bantu bonsu bavua bakeba kufua nzala.

2 Bakalenga 8:1

Dituku dikuabu, muambi Elisha kuambila mukaji, muena muana uvuaye mubishe ku lufu, ne: — Umuka munemu ne bena nzubu webe, nuye kusomba muaba unudi basue. Bualu Maweja-Nangila mmusue kutuma tshiyole tshia nzala mu ditunga dia bena Izrayele. Tshiyole atshi, tshikadi tshituadija anu mpindiewu. Netshinenge bidimu muanda mutekete.

Misambu 105:16

Kubatuminaye tshiyole mu ditunga, biakudia kukepela.

Bienzedi 7:11

Tshiyole tshia nzala kubuela mu ditunga dijima dia Ejipitu ne dia Kenaane. Bantu kukenga bikole. Bankambua betu kabavua ne tshiakudia.