Genese 41:52 - MUKANDA WA MYIDI MUKULU

⁵² Kuinyikaye muana muibidi ne: Efrayime, wamba ne: “Mvidi Mukulu mmumpe lulelu mu ditunga edi, dimvua musombe mu dikenga dinene.”

Mukanda wa Nzambi Dihungila Dikulukulu ne Dihungila Dihia-dihia 2003

⁵² Wakidika muana mukuabo dina ne, Efelayima, bualu bua wakamba ne, Nzambi wakunkumbasha mu buloba bua dikenga dianyi.

Genese 41:52 ပူးပေါင်းရင်းမြစ်များ

Genese 17:6

Nemvudije ndelanganyi yebe. Ku ndelanganyi aku nekupatuke bisamba bia bungi, nekupatuke kabidi bakalenga banene.

Genese 28:3

Mvidi Mukulu wa bukole buonsu akuele lupemba mu dibaka diebe. Ulele bana ba bungi, ushale nkambua wa bisamba bivule.

Genese 41:51

Yozefe kuinyika muanende muanabute ne: Menashe, wamba ne: “Mvidi Mukulu mmumpe tshipua muoyi bua makenga anyi, ne bua dishiyangana dianyi ne bena kuetu.”

Genese 41:53

Bidimu muanda mutekete bia biakudia bia bungi kupita.

Genese 48:1

Malu onsu aa mamane kujika, kumanyishabu Yozefe bua disama dia tatuende. Yozefe kuangata bana bende ba balume babidi: Efrayime ne Menashe, kuya nabu.

Genese 48:14

Kadi, Yakobe kupindakaja bianza, kuteka tshianza tshia balume pa mutu pa Efrayime, muana wa mukala, tshia bakaji pa mutu pa Menashe muanabute.

Genese 48:5

Yakobe kuamba kabidi ne: — Mpindiewu, ndi ngangata Efrayime ne Menashe, bana bebe baudi mulele, meme tshiyi muanji kufika mu Ejipitu, bua bikale bana banyi meme, amu bu Rubene ne Shimeyone.

Genese 49:22

Yozefe udi bu mutshi udi udiunda bimpe, utoloka ku mpokolu wa mayi. Matamba awu adi alepa, apita bimana bia nzubu.

Genese 50:23

Yozefe kumona bana ba Efrayime, kumona kabidi ndelanganyi yabu. Yozefe kuangata bana ba muikuluende Makire, muana wa Menashe, bu bende.

Amosa 6:6

Nudi nunuina maluvu mu makopu manene. Nudi nudilaba pambidi mafuta a dipembu dimpe. Kadi kanuena nunyingalala bua bisamba bia Yozefe, bidi biamba kubutuka.

Dibadika 26:28

Tshisamba tshia Menashe ne tshia Efrayime, ke ndelanganyi yonsu ya Yozefe.

Bienzedi 7:10

Kumusungidilaye ku makenga ende onsu. Kumuambuluishaye bua mukalenga wa bena Ejipitu, amunange, anyishe meji ende. Ke mukalenga awu kumuteka mulombodi wa ditunga dia Ejipitu, ne wa nzubu wende mujima wa bukalenga.

Yoshua 14:4

Bualu ndelanganyi ya Levi kayivua ne bua kupeta buloba nansha bukese to. Ku ndelanganyi ya Yozefe kuvua bisamba bibidi ebi: tshia Menashe ne tshia Efrayime. Kadi bena Levi bavua bapeta anu bimenga bia kuasamu, ne maloba a kumpenga kua bimenga ebi bua kudishamu bimuna, ne kutekamu bintu biabu bikuabu.

Yoshua 16:4

Nanku ndelanganyi ya Yozefe, mmumue ne: bena tshisamba tshia Menashe, ne tshia Efrayime, bavua babanyangana buloba abu.

Yoshua 17:1

Ndelanganyi ya Menashe, muanabute wa Yozefe, kupetayi wayi muaba. Bakavua bamane kupesha ndelanganyi ya Makire, muanabute wa Menashe, tshilobu tshia mvita, muikale kabidi tatuende wa Ngilaade, tshitupa tshia buloba: ke ditunga dia Ngilaade ne dia Bashane, luseke ludi diba dipatukila lua Yardene.

1 Samuele 1:20

Ke Ane kuimita difu, kulela muana wa balume. Ane kuamba ne: — Muana ewu ndi mmuinyika ne: Samuwele, bu alu ndi mumulomba kudi Maweja-Nangila.