Genese 41:1 - MUKANDA WA MYIDI MUKULU

¹ Kupita bidimu bibidi, mukalenga wa bena Ejipitu kulota tshilota: uvua ku muelelu wa musulu wa Nile.

Mukanda wa Nzambi Dihungila Dikulukulu ne Dihungila Dihia-dihia 2003

¹ Hakahita bidimu bibidi bijima, Palô wakalota tshiota, yeye wakadi muimane hehi ne musulu.

Genese 41:1 ပူးပေါင်းရင်းမြစ်များ

Genese 20:3

Butuku abu, Mvidi Mukulu kumuenekela Abimeleke mu tshilota, kumutandisha ne: — Wewe udi mudikebele lufu bua mukaji wa bende uudi munyenge ku bukole.

Genese 28:12

Pawaye mulale, kulotaye tshilota. Kumonaye tshibandilu tshitue mulu tshitue panshi. Batumibue ba Mvidi Mukulu bavua babanda bapueka ku tshibandilu atshi.

Genese 29:14

Labane kuambila Yakobe ne: — Wewe udi mulele wanyi, tudi mufu umue. Yakobe kusomba ku mbelu aku ngondu mujima.

Genese 31:21

Uvua munyeme ne bintu bionsu bivuaye mupete. Kusabukaye lukasa musulu wa Perate. Pashishe kuyaye ku mikuna ya Ngilaade.

Genese 40:23

Kadi mutangidi wa balongolodi ba maluvu a mukalenga, uvua mupue Yozefe muoyi kashidi.

Genese 40:5

Bena lukanu babidi abu, kulota bilota bishilangane dituku dimue.

Genese 41:2

Kumonaye ngombe muanda mutekete ya mubidi muimpe, ipatuka ku musulu wa Nile, yenda idia bisosa ku muelelu wa mayi.

Estere 6:1

Butuku abu, mukalenga kawa mumone tulu kuisu to. Kutumaye diyi bua bamutuadile mukanda udi ulondolola malu avua menzeke mu bukalenga. Bobu kumutuadilawu, kuubalabu.

Ekesode 1:22

Kadi mukalenga wa bena Ejipitu, kuambila bantu bende bonsu ne: — Muana wa balume yonsu udi bena Izrayele balele, numuele mu musulu wa Nile. Nulekele anu bana ba bakaji ne muoyi.

Ekesode 4:9

Kadi pikala bena Izrayele kabayi bakuitaba bua bishima bibidi ebi, utunte mayi a mu musulu wa Nile, witshikije panshi. Mayi awu neandamuke mashi.

Yeshaya 19:5

Mayi a mu musulu wa Nile adi enda akama, musulu neume menemene.

Yezekiyele 29:3

Meme Maweja-Nangila Mvidi Mukulu ndi mmumanyisha ne: “Nenkunyoke wewe mukalenga wa bena Ejipitu. Udi bu ngandu munene wa tshidika, udi musombe munkatshi mua misapa ya Nile. Udi ujadika ne: musulu wa Nile nguanyi, bualu meme ngudi mudienzele wu.

Yezekiyele 29:9

Mu Ejipitu nemushale bu mu tshipela, kamuyi bantu. Nebamanye ne: meme ndi Maweja-Nangila. “Wewe uvua muambe ne: musulu wa Nile nguanyi, meme ke udi muwenze.

Matayi 27:19

Pavua Pilate mu kabadi ulumbuluisha, mukajende kumutumina mukenji ne: “Kubuelakanyi mu tshilumbu tshia muntu udi kayi ne bualu awu. Bualu butuku bua lelu, ndi mukenge bikole mu tshilota bualu buende.”

Dielulula 11:10

Ditunga dinudi nukuata mpindiewu, kadiena bu ditunga dia Ejipitu dinudi bumuke to. Bualu mu Ejipitu, panuvua nukuna ntete, nuvua numbula mikidi bua kufikishisha mayi mu budimi amu, bu mudibu benza mu lupangu lua biseki.