Genese 4:26 - MUKANDA WA MYIDI MUKULU

²⁶ Shete kulela muana wa balume, kumuinyika dina dia Enoshe. Tshikondu atshi ke tshivua bantu batuadija kutendelela Mvidi Mukulu, batela dina dia Maweja-Nangila.

Mukanda wa Nzambi Dihungila Dikulukulu ne Dihungila Dihia-dihia 2003

²⁶ Sheta wakalela muana mulume kabidi, wakamuidika dina ne, Enosha Etshi ntshibangidilu tshiakabikilabo dina dia Yehowa.

Genese 4:26 ပူးပေါင်းရင်းမြစ်များ

Misambu 116:17

Nenkulambule mulambu bua kukuela tuasakidila, kabidi nentumbishe dina diebe.

1 Bakalenga 18:24

Bambi ba Baale nebalombe mvidie wabu, meme nendombe Maweja-Nangila. Nanku, Mvidi Mukulu witaba ku malomba, watemesha kapia, asangane Mvidi Mukulu mulelela kuenza anyi? Bantu bonsu ne: — Enzee.

Sefanya 3:9

“Pashishe nenkudimune bantu; nengumushe mikiya idi ku mishiku yabu. Nebantendelele meme Maweja-Nangila, nebankukuile ne muoyi umue.

Genese 12:8

Abrame umbuka aku, kuyaye ku mikuna ivua ku dia balume dia tshimenga tshia Betele. Kuasaye mitanda yende pankatshi pa Betele ne Ayi. Betele uvua ku luseke ludi diba dibuelela, Ayi ku luseke ludi diba dipatukila. Muaba awu kuenzaye tshilambuilu tshikuabu, utendelela Mvidi Mukulu, utela dina dia Maweja-Nangila.

Luke 3:38

Enoshe, Shete, Adame. Adame ke muana wa Mvidi Mukulu.

Yirmeya 33:16

Nenku bukalenga bua Yuda kabuakuikala kabidi mu bianza bia baluishi babu nansha. Bena Yerushalayime nebasombe talalaa. Nanku, nebinyike Yerushalayime ne: “Maweja-Nangila ke udi utusungidila.”

Genese 26:25

Izake kuenza tshilambuilu, kutendelela Mvidi Mukulu, utela dina dia Maweja-Nangila. Kuibakaye ntenta yende. Bena mudimu bende kumbula tshiina tshia mayi tshikuabu.

1 Korente 1:2

tudi tunufundila, nuenu bena Tshisumbu tshia bena ditaba tshia Mvidi Mukulu badi mu Korente, mukanda ewu. Tudi tunuela muoyi nuenu bonsu badi Mvidi Mukulu mubikile, bua nuikale bende, nuikale kabidi bantu ba tshijila, panudi nudisanga ne Yezu Kristu. Mukanda ewu mmufundila kabidi bantu bonsu ba miaba yonsu badi bitaba Yezu Kristu, udi Mfumu wabu, ne wetu kabidi.

Rome 10:13

Ke padi Mukanda wa tshijila wamba ne: “Yonsu udi ubikila Mfumu, nebamusungidile.”

Bienzedi 11:26

Umusangana kupinganaye nende ku Antiyokiya. Kushalabu koku tshidimu tshijima bonsu babidi mu Tshisumbu tshia bena ditaba atshi. Bavua balongesha bantu bavule malu a ditaba. Mu Antiyokiya ke muaba uvua bena ditaba badianze kupetela dina dia bena Kristu.

Bienzedi 2:21

Kadi muntu yonsu wabila Maweja-Nangila, neapande.”

Yeshaya 63:19

Kukadi bidimu bivule, tudi amu bamueneke bu bantu baudi kuyi uludika, baudi kuyi muinyike dina diebe. Eyi! Bu wewe mua kupanda diulu, bu wewe mua kupueka panuapa! Mikuna ivua mua kuzakala kumpala kuebe.

Yeshaya 48:1

Nuenu tshisamba tshia Yakobe, telejayi. Nudi nudisua, bua panudi ne dina dia Izrayele, bua panudi ndelanganyi ya Yuda. Nudi nutshipa, nutela dina dia Maweja-Nangila, nutela Mvidi Mukulu wa Izrayele. Kadi kanuena nuditshipilamu, kanuena ne muoyi wa kukumbaja tshinudi nulaya ne mutshipu.

Yeshaya 44:5

Diba adi, muntu neambe ne: ‘Ndi muntu wa Maweja-Nangila.’ Mukuabu neajinge, bua bamuinyike dina dia Yakobe. Munga neafunde pa tshianza tshiende ne: ‘Ntshia Maweja-Nangila.’ Neasanke bua kubuela mu tshisumbu tshia bena Izrayele.”