Genese 38:23 - MUKANDA WA MYIDI MUKULU

²³ Yuda kuamba ne: — Mvua mutumine mukaji ewu mbuji umvua mumulaye. Mbikumbane. Patupu, bantu nebatuseke. Paudi mumukebe kuyi mumusangane, nanku alame bintu bidiye nabi abi.

Mukanda wa Nzambi Dihungila Dikulukulu ne Dihungila Dihia-dihia 2003

²³ Yuda wakamba ne, Yeye ashale nʼatshi, bua bundu kabutukuatshi, mona, nakamutumina muana wa mbushi eu, ne wewe kuakamusangana.

Genese 38:23 ပူးပေါင်းရင်းမြစ်များ

Genese 38:22

Ira kupingana kudi Yuda, umuambila ne: — Tshiena musangane mukaji awu to. Kabidi bena musoku badi bajadika ne: katshia muabu kamuvua mukaji mudisombele to.

Genese 38:24

Kupita anu ngondu isatu muntu kampande kuambila Yuda ne: — Tamare, mukaji wa muanebe, ukadi mudisombele. Kabidi udi mumane kuimita ne difu. Yuda kutuma diyi ne: — Bamupatule pa mbelu, bamoshe mu kapia, abutuke.

2 Samuele 12:9

Kadi wewe, kuena munemeke mikenji yanyi bua tshinyi? Udi muenze bindi mbenga bua tshinyi? Udi mushipe Uriya, muena Iti, ku muela. Eyowa, udi muenze muebe muonsu, bua bena Amone bashipe Uriya. Pashishe wewe kuangata mukajende, kumusela.

Nsumuinu 6:33

Nebamutuute, bamudiwula kabidi. Neashale ne bundu kashidi.

Rome 6:21

Kadi panuvua benze malu adi anufuisha bundu mpindiewu, tshinuvua bapete ntshinyi? Malu a nanku adi afikisha ku lufu!

2 Korente 4:2

Tukadi bamane kubenga malu a mu musokoku adi atufuisha bundu. Katuena tukuata mudimu ne budimu. Katuena tuandamuna muaku wa Mvidi Mukulu bua kuwenza wa dishima. Kadi tudi mmanyisha bantu patoke malu a Mvidi Mukulu amu pa wowu. Ke patudi basue kudileja kudi muntu yonsu udi witaba Mvidi Mukulu bilondeshile kondu ka munda muende.

Efeze 5:12

(Bidi bienza bundu mene bua kuamba malu adi bantu abu benza mu musokoku.)

Didimanyisha 16:15

Mfumu udi wamba ne: “Teleja! Ndi mfika bu muivi. Muntu udi ushala mutabale, kayi ukopola bilamba biende, mmuena diakalenga, bualu kakuenda butaka, kakumvua bundu, pikalabu bamumona nanku.”