Genese 38:17 - MUKANDA WA MYIDI MUKULU

¹⁷ Yuda kumuandamuna ne: — Nenkonde lukungulu lua mbuji lua ku bimuna bianyi. Tamare kuanyisha, umulomba ne: — Kadi wanji kungeyeka tshintu bua nshale mutekemene.

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Yeye wakamuambila ne, Nenkutumine muanʼa mbushi wa mu tshisumbu tshinyi. Mukashi wakamuebesha ne, Wewe neungeyeke tshieya to ne hawamutuma, anyi?

Genese 38:17 ပူးပေါင်းရင်းမြစ်များ

Genese 38:16

Yuda kutantshila kudi Tamare ku muelelu wa njila, umuambila ne: — Ndi musue tuye nebe. Yuda uvua umuambisha, bualu kavua mumanye ne: mmukaji wa muanende Ere to. Tamare kuandamuna ne: — Kadi neungonde tshinyi?

Genese 38:18

Yuda kumukonka ne: — Udi musue nkueyeka tshinyi? Tamare kumuambila ne: — Ungeyeke tshitampi tshiebe tshia mu nshingu, ne nshinga uudi mutshiela. Ungeyeke kabidi dikombu diebe. Yuda kumupesha bintu abi. Kumubuelelaye mu nzubu. Tamare kuimita difu.

Genese 38:20

Yuda kutuma mulunda wende Ira wa mu Adulame ne mbuji wa lukungulu bua kupikula bintu biende bivuaye mueyeke mukaji awu. Kadi Ira kena musangane mukaji awu kabidi to.

Nsumuinu 20:16

Pikala muntu mudieyeke kuudi bua dibanza dia muntu uudi kuyi mumanye, ukuate tshilamba tshiende lukole, bua muntu uudi kuyi mumanye.

Yezekiyele 16:33

Bakaji bonsu bena tshiendenda, badi babafuta, kadi wewe mene utua onda bananga bebe. Wewe kubafuta, bua balume ba miaba yonsu baku-vuile bua balale nebe.

Luke 16:8

Ke Mfumu kutumbisha mulami wa bintu ewu, bualu mmukuate mudimu ne budimu. Bualu bantu ba panu badi badimukila binabu, bapite mudi bantu badi benda mu butoke benza.

Balombodi 15:1

Matuku mamane kupita, tshikondu tshia kunowa ntete ya kuenza bukula, Shimeshone kuya kumonangana ne mukajende. Uvua mumutuadile lukungulu lua mbuji. Shimeshone kulomba bua kubuela mu nzubu mua mukajende. Kadi tatuende muenu kubenga.