Genese 37:9 - MUKANDA WA MYIDI MUKULU

⁹ Yozefe kulota tshilota tshikuabu, kutshiawila bana babu, ubambila ne: — Mvua mulote: diba, ngondu ne mitotu dikumi ne umue bilua kunkukuila.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Yeye wakalota tshilota tshikuabo, wakatshiawila bana babo, wakabambila ne, Monai, nakulota tshilota tshikuabo, nakumona diba ne ngondo ne mitoto dikumi ne umue, biakunkukuila.

Genese 37:9 ပူးပေါင်းရင်းမြစ်များ

Genese 20:3

Butuku abu, Mvidi Mukulu kumuenekela Abimeleke mu tshilota, kumutandisha ne: — Wewe udi mudikebele lufu bua mukaji wa bende uudi munyenge ku bukole.

Genese 37:10

Yozefe kuawila kabidi tatuende tshilota atshi. Awu kumutandisha, wamba ne: — Atshi ntshilota kayi? Udi musue ne: meme, mamuebe ne bana benu bonsu tukutuile binu anyi?

Genese 37:7

Tuvua baye bonsu kunowa bia mu madimi. Tuvua tusuika bisumbu bia bikunyibua bivua ne ntete ya kuenza bukula. Diakamue tshisumbu tshianyi kubanduluka kuimana. Bisumbu bienu bionsu kutshiela munkatshi, bitshikukuila.

Genese 37:8

Bakulu bende kumukonka ne: — Udi musue kushala mukalenga wetu, ututumina diyi anyi? Ke kupitabu kumufikila munda bikole bua tshilota atshi ne bua bivuaye wamba abi.

Genese 41:25

Yozefe kuambila mukalenga ne: — Bilota biebe bibidi bidi bileja bualu bumue. Mvidi Mukulu udi ukumanyisha malu adiye musue kuenza.

Genese 41:32

Paudi mulote ndota ayi mishindu ibidi ya momumue, umanye ne: Mvidi Mukulu mmumane kujadika bualu ebu, kabidi neabukumbaje lukasa.

Genese 42:6

Bafika mu Ejipitu, kudielabu mpala panshi kumpala kua Yozefe, bualu yeye ke uvua utangila ditunga adi dijima, usumbisha bantu benyi bonsu biakudia.

Genese 43:26

Yozefe ufika ku nzubu kuende, kudielabu panshi kumpala kuende, kumulambula bintu biabu.

Genese 43:28

Kumuandamunabu ne: — Tatu, muntu webe, udi anu bimpe. Udi ne muoyi. Kudielabu panshi tshiakabidi.

Genese 44:14

Yuda ne bana babu kufika ku mbelu kua Yozefe, kumusangana amu, muaba awu. Kudielabu panshi kumpala kuende.

Genese 44:19

Uvua mutukonke musangu wa kumpala ne: “Nudi ne tatuenu, nansha muanenu wa balume mukuabu anyi?”

Genese 45:9

Nanku pinganayi lukasa bua kuangata tatu wanyi. Numuambile ne: “Yozefe webe udi wamba ne: Tatu afike kuneku lukasa, bualu Mvidi Mukulu mmunteke mulombodi wa ditunga dijima dia Ejipitu.

Genese 46:29

Yozefe kuangata ditempu diende, kuya mu Ngoshene bua kumonangana ne tatuende. Bamonangana, Yozefe kupukila tatuende, kudila musangu mule, mumuele mu tshitupa.

Genese 47:12

Yozefe uvua wambuluisha tatuende, bana babu ne bonsu ba mu diku diabu ne biakudia bilondeshile bungi bua bantu.

Danyele 8:10

Kuluishalu kabidi bia mu diulu. Kuelalu bivule bia kudibi panshi, kabidi ne mitotu ya bungi. Kubidiatakajabu ku makasa.

Dibadika 12:6

Maweja-Nangila kubambila ne: — Nuteleje bimpe tshindi nnuambila. Pikala muntu wa kunudi muambi, meme Maweja-Nangila nendimanyishe kudiye, mmuleje malu mu lungenyi, nansha mu tshilota.

Filipe 2:15

Ke munudi mua kuikala bantu bimpe, ba munda mutoke. Nenusombe panu munkatshi mua bantu babi, bapambuke, bu bana ba Mvidi Mukulu, badibu kabayi mua kudiwula. Nudi ne bua kukenka munkatshi muabu bu mitotu ya mu diulu,