Genese 37:7 - MUKANDA WA MYIDI MUKULU

⁷ Tuvua baye bonsu kunowa bia mu madimi. Tuvua tusuika bisumbu bia bikunyibua bivua ne ntete ya kuenza bukula. Diakamue tshisumbu tshianyi kubanduluka kuimana. Bisumbu bienu bionsu kutshiela munkatshi, bitshikukuila.

Mukanda wa Nzambi Dihungila Dikulukulu ne Dihungila Dihia-dihia 2003

⁷ bualu bua monai, biakadi basuika bisumbu bia blé mu budimi, ne monai, tshisumbu tshianyi tshiakabika, tshiakimana, ne bisumbu bienu biakela tshianza munkatshi, biakatshikukuila.

Genese 37:7 ပူးပေါင်းရင်းမြစ်များ

Genese 27:29

Bisamba bia bantu bikukuatshile mudimu. Bantu bonsu bakukukuile. Wikale mfumu wa bana benu, bana benu ba mamuebe bakukukuile. Muntu udi ukuela lupemba, nebamuele lupemba. Muntu udi ukukebela diakabi, neikale muena diakabi.”

Genese 37:6

Yozefe kubambila ne: — Telejayi tshilota tshindi mulote.

Genese 42:6

Bafika mu Ejipitu, kudielabu mpala panshi kumpala kua Yozefe, bualu yeye ke uvua utangila ditunga adi dijima, usumbisha bantu benyi bonsu biakudia.

Genese 42:9

Yozefe kuvuluka bilota bivuaye mulotele bana babu. Kubambilaye ne: — Nuenu nudi batentekedi. Nudi bafike munemu bua kumanya miaba ya kubuelela ne mvita mu ditunga edi.

Genese 43:26

Yozefe ufika ku nzubu kuende, kudielabu panshi kumpala kuende, kumulambula bintu biabu.

Genese 43:28

Kumuandamunabu ne: — Tatu, muntu webe, udi anu bimpe. Udi ne muoyi. Kudielabu panshi tshiakabidi.

Genese 44:14

Yuda ne bana babu kufika ku mbelu kua Yozefe, kumusangana amu, muaba awu. Kudielabu panshi kumpala kuende.

Genese 44:18

Yuda kusemena pabuipi ne Yozefe, kumuambila ne: — Mukalenga, ndi musue kukuambila bualu. Kumfikidi munda to. Wewe udi mulongu umue ne mukalenga wa bena Ejipitu.

Genese 44:19

Uvua mutukonke musangu wa kumpala ne: “Nudi ne tatuenu, nansha muanenu wa balume mukuabu anyi?”

Genese 50:18

Bana babu ne Yozefe kuya kudiela panshi ku makasa ende, bamuambila ne: — Tudi bapika bebe.

Filipe 2:10

Nanku bonsu badi mu diulu, badi pa buloba, nansha badi munda mua buloba, batue binu, banemeke dina dia Yezu,

Kolose 1:18

Tshisumbu tshia bena ditaba tshidi mubidi, Yeye udi mutu watshi. Kudiye ke kudi muoyi mupiamupia wa mubidi awu utuadija. Bualu Yeye ke Muanabute, wa kumpala muabu babishe ku bafue, bua kuikalaye wa kumpala mu bionsu.