Genese 21:1 - MUKANDA WA MYIDI MUKULU

¹ Maweja-Nangila kusankisha Sara, kumukumbaja bionsu bivuaye mumulaye.

Mukanda wa Nzambi Dihungila Dikulukulu ne Dihungila Dihia-dihia 2003

¹ Yehowa wakahingana kudi Sala bu muakambeye, ne wakenzela Sala bu muakambeye.

Genese 21:1 ပူးပေါင်းရင်းမြစ်များ

Genese 17:16

Ndi mmuela lupemba. Neakulelele muana wa balume. Neikale mamuende wa bisamba bia bungi. Bakalenga ba bisamba bishilangane nebapatukile ku ndelanganyi yende.

Genese 17:19

Mvidi Mukulu kumuandamuna ne: — Nansha! Mukajebe Sara nealele muana wa balume. Neumuinyike ne Izake. Meme nentue nende ndondu wa kashidi kabidi ne ndelanganyi yende yonsu.

Genese 17:21

Kadi nentue ndondu ne Izake, muana walelabu kudi mukajebe Sara tshidimu tshidi kumpala etshi.

Genese 18:10

Umue wa kudibu kulaya Abrahame ne: — Tshidimu tshialonda, ngondu wa momumue nempingane kuebe eku. Diba adi mukajebe Sara neikale mumane kulela muana wa balume. Sara uvua musombe mu mushiku wa mbelu wa ntenta, panyima pa bayende. Uvua muteleje bivuabu bamba abi.

Genese 18:14

Kakuena tshidi mua kukolela Maweja-Nangila to. Tshidimu tshiavua, ngondu wa momumue, nempingane apa. Diba adi mukajebe Sara neikale mumane kulela muana wa balume.

Genese 24:36

Sara, mukaji wa mfumuanyi Abrahame, mmumulelele muana wa balume wa ku bukunda. Bubanji buonsu bua mfumuanyi Abrahame budi anu mu dina dia muanende awu.

Genese 50:24

Yozefe kulayangana ne bana abu, ubambila ne: — Meme nkadi mikolu ku tshiina. Kadi Mvidi Mukulu neanuambuluishe. Neanunuishe mu ditunga edi, anufikishe mu ditunga divuaye mulaye Abrahame, Izake ne Yakobe.

2 Bakalenga 4:17

Mukaji awu, kuimita difu. Tshidimu tshikuabu, anu tshikondu tshia mumue atshi, kulelaye muana wa balume muvua muambi Elisha mumuambile.

Misambu 106:4

Maweja-Nangila, wewe udi upita kufuila bantu bebe luse, utuvuluke. Wewe musungidi, utusungidile.

Misambu 12:6

Kadi Maweja-Nangila udi wamba ne: “Mpindiewu ndi mfika bua kuambuluisha bapele badibu bakengesha ne bena dikenga badi batua mikemu. Nempikule badibu badiombola.”

Ekesode 20:5

Kukukuidi mpingu ya nanku. Kuyitendeledi, bualu meme ndi Maweja-Nangila Mvidi Mukulu webe. Ndi musue kuikala Mvidi Mukulu webe, meme nkayanyi. Nennyoke bantu bonsu badi bankina too ne ku ndelanganyi yabu ya musangu muisatu nansha muinayi.

Ekesode 3:16

Ndaku, ubikile bakulu ba bena Izrayele bonsu, ubambile ne: “Maweja-Nangila, Mvidi Mukulu wa bankambua benu, wa Abrahame, wa Izake ne wa Yakobe mmummuenekele. Mmungambile ne: Ndi mumone mudibu banukengesha kudi bena Ejipitu.

Ekesode 4:31

Bantu bamona nanku, kuitababu. Kujadikabu ne: Maweja-Nangila wamonyi makenga etu, watusambi. Kutuabu binu panshi bua kumutendelela.

Matayi 24:35

Diulu ne buloba nebijimine. Kadi miaku yanyi kashidi kayena ijimina to.

Luke 1:68

— Maweja-Nangila Mvidi Mukulu wa bena Izrayele atumbe! mMuvue kusamba ne kupikula bantu bende.

Luke 19:44

Wewe ne bantu bebe nebanubutule muebe butubutu. Kabakukushila dibue ditentekaja pa dikuabu. Bualu wewe kuena mujingulule tshikondu tshivua Mvidi Mukulu mufike bua kukusamba!

Ngalate 4:23

Muana muabu bamulelele kudi Agare, mmulela bu bantu bonsu. Kadi muana muabu bamulelele kudi Sara, mmulela bualu bua dilaya divua Mvidi Mukulu mulaye.

Ngalate 4:28

Bana hetu, bu mmuabu balele Izake bualu bua dilaya divua Mvidi Mukulu mulaye, ke mudibu banulele nuenu.

Tite 1:2

Ke mudibu mua kutekemena muoyi wa kashidi, udi Mvidi Mukulu, udi kayi ushima, mudianze kutulaya kumpala kua bidimu bionsu.

Rute 1:6

Patshivuabu mu Mowabe, Nowemi kumvua ne: Maweja-Nangila mmutuadije kutabalela bena tshisamba tshiabu, mubavudijile biakudia mu madimi. Nanku, kudilongololaye bua kumuka mu buloba bua Mowabe ne bakaji ba bana bende, kupingana mu buloba bua Yuda.

1 Samuele 1:19

Butshia dinda, Elkana ne bena nzubu wende bonsu kuya kutendelela Maweja-Nangila. Pashishe kupinganabu kuabu mu Rama. Elkana kubuelela mukajende Ane mu nzubu. Maweja-Nangila kuitaba dilomba dia Ane.

1 Samuele 2:21

Maweja-Nangila kuambuluisha Ane. Kulelaye bana ba balume bakuabu basatu ne ba bakaji babidi. Kadi Samuwele muana uvua wenda ukola kumpala kua Maweja-Nangila.