Genese 2:24 - MUKANDA WA MYIDI MUKULU

²⁴ Ke padi mulume ushiya tatuende ne mamuende, ulamata mukajende, bua bonsu babidi bikale anu muntu umue.

Mukanda wa Nzambi Dihungila Dikulukulu ne Dihungila Dihia-dihia 2003

²⁴ Bua bualu ebu mulume neashiye tatuʼandi ne mamu andi, nealamate mukashi wandi, bubidi buabo nebikale mubidi umue.

Genese 2:24 ပူးပေါင်းရင်းမြစ်များ

Genese 4:19

Lemeke kusela bakaji babidi: dina dia mukalenga muadi divua Ada, dia mutu wa lubanza divua Sila.

Misambu 45:10

Bana ba bakaji ba bamfumu badi bannyungulukila. Ku diebe dia balume kudi mukalenga mukaji, muvuale bilengejilu bia mpawungi muimpe.

Nsumuinu 12:4

Mukaji wa bukitu udi ukebela bayende lumu. Mukaji mubi udi bu disama didi didia mifuba ya bayende.

Nsumuinu 2:17

ya mukaji udi mutombokele bayende wa ku buana, mupule nanku ndondu uvuaye mutue ne Mvidi Mukulu.

Nsumuinu 31:10

Mukaji wa tshitembu, mbikole bua kumupeta! Udi mupite mabue a busanga ku mushinga.

Bienzedi 11:23

Ufika, kumonaye muvua Mvidi Mukulu mukumbaje mudimu ne dinanga munkatshi mua bena ditaba. Nanku kusankaye, ubabela bonsu bua bananukile ne muoyi mukole, bitabe Mfumu.

Rome 7:2

Tuangate tshilejilu tshia mukaji musela. Mikenji idi imusuikakudi bayende, amu patshidi mulume ne muoyi. Kadi padi bayende ufua, mukaji udi usuluka ku mikenji ivua mimusuike kudi bayende.

Dielulula 10:20

Nunemeke Maweja-Nangila Mvidi Mukulu wenu, numulamate amu yeye. Nuntendelele, nuditshipe anu mu dina diende.

Dielulula 4:4

Kadi nuenu bavua balamate Maweja-Nangila Mvidi Mukulu wenu, nutshidi bonsu ne muoyi too ne lelu.

1 Timote 5:14

Ke pandi musue bua bansongakaji badi bafuishe balume, baye ku mabaka, balele bana, bakuate midimu ya mu nzubu, bua baluishi hetu kabamonyi pa kutujanyina.

Yoshua 23:8

Nuitabe amu Maweja-Nangila Mvidi Mukulu wenu, bu munudi numuitaba too ne ku mpindiewu.

1 Samuele 25:43

Bangabanga Davide uvua mumane kusela Akinowame, muena Yizreyele. Nanku, Akinowame ne Abiyayile bonsu babidi kushala bakaji ba Davide.