Genese 2:2 - MUKANDA WA MYIDI MUKULU

² Mvidi Mukulu mumane kujikija mudimu uvuaye muenze, kuikishaye dituku dia muanda muteketa.

Mukanda wa Nzambi Dihungila Dikulukulu ne Dihungila Dihia-dihia 2003

² Mu dituku dia muanda mutekete Nzambi wakadi mumane kushikisha mudimu wandi wakenzeye, yeye wakikisha dituku dia muanda mutekete ku mudimu wonso wakenzeye

Genese 2:2 ပူးပေါင်းရင်းမြစ်များ

Genese 1:31

Mvidi Mukulu kukenketa bintu bionsu bivuaye mufuke, kumonaye ne: bidi bimpe bitambe.

Genese 2:3

Dituku dia muanda muteketa kushala diende dia tshijila, bualu ndituku divuaye muikishe kunyima kua midimu yende ya Mufuki.

Ekesode 23:12

“Nuenze midimu yenu matuku asambombu. Kadi nuikishe dituku dia muanda mutekete, bua bapika benu ne benyi benu badi banukuatshila mudimu bamone mua kuikisha, kabidi bua nyama yenu ya mpunde ne ya ngombe imone mua kuikisha payi.

Ekesode 31:15

Nuenze mudimu mu matuku asambombu, kadi dituku dia muanda mutekete nuikishe, bualu ndituku dia tshijila dia kunnemeka meme Maweja-Nangila Mvidi Mukulu wenu. Muntu yonsu udi wenza mudimu dituku dia Dikisha, nebamushipe.

Ekesode 31:17

Dituku edi nedikale tshimanyinu tshia diumvuangana didi pankatshi panyi ne bena Izrayele. Bualu meme Maweja-Nangila mvua mufuke diulu ne buloba mu matuku asambombu, meme kuikisha dituku dia muanda mutekete.

Yeshaya 58:13

Maweja-Nangila udi wamba ne: “Panudi nulekela mudimu dituku dia Dikisha, nulekela kudienzela malu dituku dianyi dia tshijila, panudi nutangila dituku dia Dikisha bu dituku dia disanka, dia kungenzela mudimu, bu dituku dia kunnemeka, panudi nudinemekelamu bushiwa, nulekela mudimu, nubenga kudienzela malu, nubenga kuakula bia tshianana,

Yowanane 5:17

Kadi Yezu kubandamuna ne: — Tatu wanyi udi ukuata mudimu diba dionsu. Meme kabidi ndi nkuata mudimu.

Dielulula 5:14

Dituku dia muanda mutekete ndia Dikisha, dia kunnemeka anu meme, Maweja-Nangila Mvidi Mukulu wenu. Nanku, nuenu bena Izrayele, bana benu, ngombe yenu, mpunde yenu, bimuna bienu bikuabu, nansha benyi badi ku mbelu yenu, kanuenji mudimu dituku adi. Too ne bena mudimu benu, balume ne bakaji, badi ne bua kuikisha, bu munudi nuikisha nuenu.

Ebrewu 4:10

Bualu muntu yonsu udi ubuela muaba udi Mvidi Mukulu mulongolole bua kuikisha, udi ujikija mudimu wende, wikisha, muvua Mvidi Mukulu mujikije mudimu wende, muikishe.

Ebrewu 4:4

Bualu mu Mukanda wa tshijila, kaba kakuabu, bua dituku dia muanda mutekete, badi bamba ne: “Mvidi Mukulu kujikija mudimu onsu, kuikisha dituku dia muanda mutekete.”