Genese 18:16 - MUKANDA WA MYIDI MUKULU

¹⁶ Bantu abu kujuka batangile ku Sodome. Abrahame kuya kubashindikija.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Bantu aba bakabika, bakatangila ku Sodoma, ne Abalahama wakaya kubashindikila mu nshila.

Genese 18:16 ပူးပေါင်းရင်းမြစ်များ

Genese 18:15

Sara kumvuaye buowa, kuyila wamba ne: — Tshiena museke to. Maweja-Nangila kumujadikila ne: — Bulelela uvua useka.

Genese 18:2

Abrahame ukenzakana, kumona bantu balume basatu bimane pabuipi nende. Kujukaye lubilu bua kubakidila. Kuinyikaye mutu panshi.

Genese 18:22

Benyi babidi kutungunuka ne luendu kuya ku Sodome. Kadi Maweja-Nangila kushala muaba uvua Abrahame.

Genese 19:1

Batumibue babidi kufikamu Sodome dilolu. Kusanganabu Lote musombe ku tshibuelelu tshia tshimenga. Lote ubamona, kujukaye bua kubakidila. Kuinyikaye mutu panshi, wamba ne:

Bienzedi 15:3

Tshisumbu tshia bena ditaba kubambuluisha bua kuya ku luendu alu. Bavua bapitshila mu Fenisiya ne mu Samariya, balondela bena matunga aa, muvua bantu ba mu bisamba bikuabu bitabe Mvidi Mukulu. Bualu abu buvua busankisha bena ditaba bonsu bikole.

Bienzedi 20:38

Bavua ne dibungama, nangananga bualu uvua mubambile ne: katuakumonangana kabidi kashidi. Pashishe kumushindikijabu too ne ku majuwa.

Bienzedi 21:5

Kadi lumingu alu lujika, tuetu kutungunuka ne luendu luetu. Bena ditaba bonsu, bakaji babu ne bana, kuya kutushindikija too ne ku mpenga kua tshimenga. Tuetu kutua binu ku muelelu wa mayi manene, kutendelela Mvidi Mukulu.

Rome 15:24

Mvua musue kupitshila kuenu, pakumbana luendu luanyi lua kuya ku Espanye. Bualu ndi ntekemena kufika kuenu mu luendu alu bua kumonangana nenu. Ndi musue kushala nenu amue matuku, njinga kabidi bua nungambuluishe, bua mmone mua kufika ku ditunga dia Espanye.

3 Yone 1:6

Bavua bamanyishe Tshisumbu tshietu tshia bena ditaba, muudi unanga bana hetu. Nanku ndi nkulonda ne: ubambuluishe, bua bamone mua kutungunuka ne luendu luabu, mushindu udi mua kusankisha Mvidi Mukulu.