Genese 13:2 - MUKANDA WA MYIDI MUKULU

² Abrame uvua mubanji. Uvua ne mikoku, mbuji, ngombe, biamu bia mpawungi, ne biamu bitoke bia mushinga mukole kabidi.

Mukanda wa Nzambi Dihungila Dikulukulu ne Dihungila Dihia-dihia 2003

² Abalama wakadi ne bubanji be bua bimuna ne argent ne or.

Genese 13:2 ပူးပေါင်းရင်းမြစ်များ

Genese 12:16

Pashishe mukalenga kupesha Abrame bintu bia bungi mu dina dia Sarayi: mikoku, mbuji, ngombe, tumelu, nyama ya mpunde milume ne mikaji, bapika balume ne bakaji.

Genese 13:6

Bua bungi bua bimuna bivuabu nabi, mpata awu kavua mukumbane bua Abrame ne Lote kusomba kaba kamue to.

Genese 24:1

Abrahame kukola kukulakaja. Maweja-Nangila uvua anu mumuele lupemba mu malu onsu.

Genese 24:35

Mfumuanyi Abrahame mmupete diakalenga. Maweja-Nangila mmumunemeshe ne bintu bia bungi: ke mikoku, ngombe, mbuji, tumelu, mpunde, biamu bitoke bia mushinga mukole, biamu bia mpawungi, ne bapika balume ne bakaji.

Genese 26:14

kumuna bimuna, ngombe, mikoku ne mbuji. Uvua kabidi ne bena mudimu ba bungi. Bua bungi bua bintu biende, bena Peleshete kumvuila Izake lubabu.

Genese 30:43

Yakobe kupeta bubanji bua bungi. Uvua ne bapika balume ne bakaji, bimuna bipite bungi, tumelu ne mpunde kabidi.

Yobe 1:10

Wewe udi mumulame bimpe, ne diku diende ne bintu biende bionsu. Udi mumututshishe dikasa dimpe mu bintu biende bionsu. Bimuna biende mbitangidika ditunga dijima.

Yobe 1:3

Uvua ne mikoku binunu muanda mutekete, nyama ya tumelu binunu bisatu, nyama ya ngombe milume ne mikaji tshinunu, ya mpunde mikaji nkama itanu. Uvua kabidi ne bena mudimu bavule. Bantu bonsu bavua basombe ku luseke lua Palestine ludi diba dipatukila, amu yeye ke uvua mubapite ku bubanji ne ku biuma.

Nsumuinu 10:22

Kabiena kuluila. Maweja-Nangila nkayende ngubipapa bantu.

Matayi 6:33

Nuenu bangabanga nuditatshishe bua Bukalenga bua Mvidi Mukulu; nukumbaje tshidi Mvidi Mukulu musue. Nanku Yeye neanusakidile bikuabu bionsu abi.

Dielulula 8:18

Numanye ne: Maweja-Nangila Mvidi Mukulu wenu ke udi unuambuluisha, bua nupete diakalenga. Udi wenza nanku, bualu too ne lelu utshidi ulama ndondu wende, uvua-ye mutue ne bankambua benu.

1 Timote 4:8

Manaya a kuibidija mubidi adi mimpe, alengelela bantu, kadi amu kakese. Kadi kutumikila Mvidi Mukulu kudi kubambuluisha mu bionsu, bualu kudi kutulaya muoyi bua mpindiewu, ne bua matuku atshidi kumpala.

1 Samuele 2:7

Maweja-Nangila udi uvuija muntu mupela nansha mubanji. Udi umupuekesha milongu, nansha umubandisha.