Genese 10:2 - MUKANDA WA MYIDI MUKULU

² Bana ba balume ba Yefete badi: Ngomere, Magoge, Madayi, Yavane, Tubale, Mesheke ne Tirase.

Mukanda wa Nzambi Dihungila Dikulukulu ne Dihungila Dihia-dihia 2003

² Bana balume ba Yafete badi nunku Gome ne Magoga ne Madai ne Yawana ne Tubala ne Mesheka ne Tilasa.

Genese 10:2 ပူးပေါင်းရင်းမြစ်များ

Genese 10:1

Bana ba balume ba Nowa: Sheme, Kame ne Yefete ke badi bavudija ndelanganyi, mayi a tshipupu mamane kukama.

Genese 10:21

Sheme, mukulu wa Yefete, kulela bana. Udi nkambua wa bena Ebere bonsu.

Genese 9:27

Mvidi Mukulu asankishe Yefete, ndelanganyi ya Yefete isombe mu nzubu ya ntenta ya bena Sheme; Kenaane ikale mupika wa Yefete!”

2 Bakalenga 17:6

Osheya mumane kulala mu bukalenga bidimu tshitema, mukalenga wa bena Ashure kukuata tshimenga tshia Samariya. Kuyabu ne bena Izrayele mu bupika mu Ashure, kubapesha buloba bua Ala, ne bua Ngozane, muaba udi musulu wa Abore, kabidi ne bimenga bia Madayi bua kusombamu.

Misambu 120:5

Pandi nsomba mu ditunga dia Mesheke, ne mu nzubu ya ntenta ya bena Kedare, ndiakabi dianyi.

Yeshaya 66:19

Nembaleje mundi ne bumfumu. Kadi bantu bakuabu bandi mumane kupandisha, nembatume mu bisamba bia bena Tarshishe, bena Pule, bena Lude, — ke bantu badi bamanye bikole mua kuela mikete, — bia bena Tubale ne bena Yavane, ne mu bidiila bidi kulekule. Miaba yonsu ayi bantu kabena banji kumvua butumbi buanyi. Kadi bantu bambatuma, nebamanyishe bena bisamba ebi butumbi buanyi.

Yezekiyele 27:19

Biangatshile ku tshimenga tshia Uzale, bena Dane ne bena Yavane, batua bakufuta tshiamu tshifula mu ditanda, ne bintu bia muenyi muimpe.

Yezekiyele 27:7

Bavua batela bilamba bia buatu, ne buanda buimpe bua mitshi ya mu Ejipitu. Patshidi bantu kule, badi bamona mekala abi, bakumanya! Bilamba bifikuluke ne bikunze, bidi bifuma ku tshidiila tshia Shipre, bavua benza nabi nzubu ya wewe kuteka bintu biebe bia kupana.

Yezekiyele 32:26

“Bakalenga ba mu Mesheke ne ba mu Tubale badi muaba awu ne tshiluilu tshiabu. Badi balala munkatshi mua nkita ya bena mvita babu. Bantu aba, mbavuabu kabayi bateka panshi, mbafuile mu mvita. Bobu ke bavua bakuatshisha bantu bowa pa buloba!

Yezekiyele 38:15

Neutume mu ditunga diebe dia ku mutu wa ditunga. Neulombole biluilu bia bantu ba bisamba bionsu. Bonsu nebabande pa nyama ya tubalu. Nenuenze tshiluilu tshinene tshia bantu ba bungi.

Yezekiyele 38:2

— Muntu, tangila kudi Ngoge, mukalenga munene wa bantu badi basombe mu Tubale ne mu Mesheke mu ditunga dia Magoge. Umutandishe mu dina dianyi.

Yezekiyele 38:6

Bena mvita ba mu ditunga dia Ngomere, ne ba mu Bete-Togarma badi basomba ku mutu wa ditunga, nebaye nebe bisumbu ne bisumbu. Nansha bantu ba bungi kabidi ba bisamba bikuabu nebaye anu nebe.

Yezekiyele 39:1

Maweja-Nangila udi ungambila ne: — Muntu, ukanyine Ngoge mu dina dianyi. Meme Maweja-Nangila Mvidi Mukulu, ndi mmuambila ne: “Nenkuluishe wewe Ngoge, mukalenga munene wa mu Mesheke ne mu Tubale.

Didimanyisha 20:8

Neaye kudinga bantu bonsu ku ntengu inayi ya buloba, ke Ngoge ne Magoge. Neabasangishe bua kuluangana mvita. Nebikale bungi bu lusenga lua ku muelelu wa mayi manene.