Genese 1:9 - MUKANDA WA MYIDI MUKULU

⁹ Dituku disatu Mvidi Mukulu kuamba ne: “Mayi onsu adi muinshi mua tshibuashibuashi adisange muaba umue, buloba bume bumueneke.” Kuenzekabi nanku.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Nzambi wakamba ne Mai adi muinshi mua diulu asangile kaba kamue, buloba bume bumueneke, bualu ebu buakenjibua:

Genese 1:9 ပူးပေါင်းရင်းမြစ်များ

Genese 1:8

Kuinyikaye tshibuashibuashi ne: “Ndiulu”.

Nehemya 9:6

Wewe nkayebe ke udi Maweja-Nangila! Udi mufuke diulu dialabale, ne mitotu yonsu! Udi mufuki wa buloba ne bionsu bidipu, wa mayi manene ne bionsu bidi binyungamu. Udi upesha tshifukibua tshionsu muoyi. Makole onsu a mu diulu adi akukukuila.

Yobe 26:10

Uvua mufunde tshitangu tshinyungulule mayi manene, tshidi mukalu pankatshi pa butoke ne miidima.

Yobe 26:7

Amu Mvidi Mukulu ke udi mubalule tshibuashibuashi, mubalule buloba bulembelela anu tshianana.

Misambu 104:3

Udi muase nzubu webe wa mulu pa mayi, udi ubanda pa mavuba bu pa ditempu diebe, udi uya ne lupepele bu mapuapua.

Misambu 33:7

Udi usangisha mayi manene muaba umue. welela mayi manene nkila.

Misambu 95:5

Mayi manene kabidi ngende, bualu yeye nguvua muafuke, ne buloba yeye nguakabufuka.

Muambi 1:7

Mayi a misulu yonsu adi apueka, adiela mu mayi manene. Kadi mayi manene katshia kaena muwule to. Nansha nanku, mayi a misulu adi adiela amu kudiela mu mayi manene.

Yirmeya 5:22

Maweja-Nangila udi ukonka ne: Kanuena nuvuluka bukole buanyi anyi? Kanuena nuntshina bua tshinyi? Meme ndi muteke lusenga bua luikale mukalu wa mayi manene. Ludi bu nkila muasa bua kashidi. Mayi kaena mua kusambuka nkila awu to. Adi atuuta ku nkila, kadi nkila kena ubumbuka to. Mavuala adi atuutaku ne tshiona tshikole, kadi kaena asambuka nkila to.

Yona 1:9

Yona kubandamuna ne: — Ndi muena Ebrewu, ndi nnemeka Maweja-Nangila, Mvidi Mukulu wa mu diulu, uvua mufuke mayi manene, ne buloba.

2 Petro 3:5

mBapue muoyi ku bukole muvua Mvidi Mukulu muakule ku kale, mufuke diulu ne buloba ku muaku wende. Bavua bapatule buloba mu mayi; mpindiewu budi bulelemapu.

Didimanyisha 10:6

uditshipa mu dina dia Mvidi Mukulu udi ne muoyi kashidi, uvua mufuke diulu ne bionsu bidimu, buloba ne bionsu bidimu, mayi manene ne bionsu bidimu, wamba ne: — Kakuena dituku dikuabu to, amu lelu!