Genese 1:3 - MUKANDA WA MYIDI MUKULU

³ Mvidi Mukulu kuamba ne: “Butoke buenzeke!” Butoke kuenzekabu.

Mukanda wa Nzambi Dihungila Dikulukulu ne Dihungila Dihia-dihia 2003

³ Nzambi wakamba ne, Munya wikale, ne munya wakikala.

Genese 1:3 ပူးပေါင်းရင်းမြစ်များ

Genese 2:4

Ke muvua Mvidi Mukulu mujikije mudimu wa kufuka diulu ne buloba nanku. Dituku divua Maweja-Nangila Mvidi Mukulu mufuke diulu ne buloba,

Yobe 36:30

Amu Mvidi Mukulu ke udi utuma mikenyi ya mvula, panshi pa mayi manene mpashale anu pafike.

Yobe 38:19

Udi mumanye muaba udi butoke busombe anyi? Nansha kaba kadibu mua kupeta miidima anyi?

Misambu 104:2

Udi muvuale butoke bu tshinkutu, udi muadije diulu bu ntenta.

Misambu 118:27

— Maweja-Nangila udi Mvidi Mukulu nkayende. Atutokeshe ne butoke buende! — Elayi tshijengu too ne ku tshilambuilu.

Misambu 148:5

Bintu bionsu bitumbishe Maweja-Nangila, bualu wakabitumina diyi, biobi kuenzeka.

Misambu 33:6

Maweja-Nangila mmufuke diulu ku muaku wende, mmufuke bia mulu bionsu ku mueyelu wa mukana muende.

Misambu 33:9

Udi wakula, etshi tshienzeka! Utuma diyi, tshiatshia tshipatuka!

Misambu 97:11

Munya udi utema bua bantu bakane, bantu ba mioyi miakane, bobu badi ne disanka.

Yeshaya 45:7

Ndi ngenza munya, mfuka miidima kabidi. Ndi mpetesha diakalenga, mfila ne dikenga. Eyowa, ke Meme Maweja-Nangila, udi wenza malu onsu aa.

Yeshaya 60:19

Bua wewe kuikala ne butoke, kuakukengela kabidi diba mu munya, nansha ngondu butuku. Bualu meme Maweja-Nangila Mvidi Mukulu webe, nentekeshe muebe matuku onsu, nenkukenkeshe ne butoke buanyi buonsu.

Matayi 8:3

Yezu kuolola tshianza, kumulenga, wamba ne: — Ndi musue, disama diebe dijike! Diakamue disama diende dia nsudi kujikadi.

Yowanane 1:5

Butoke budi bukenka mu miidima. Kadi miidima kayivua mibuanyishe.

Yowanane 1:9

Butoke ebu ke butoke bulelela budi bufika pa buloba bua kutokesha bantu bonsu.

Yowanane 11:43

Yezu mumane kuamba nanku, kuelaye diyi dikole ne: — Lazare, patuka!

Yowanane 3:19

Telejayi mudi tshilumbu pa buloba: butoke mbufike pa buloba, kadi bantu kunanga bikole miidima kumpala kua butoke, bualu badi benza malu mabi.

2 Korente 4:6

Mvidi Mukulu uvua muambe ne: “Butoke bukenke mu miidima!” Ke muvuaye mukenkeshe butoke buende mu mioyi yetu, bua mmanye butumbi bua Mvidi Mukulu budi bubalakana pa mpala wa Kristu.

Efeze 5:14

Bualu bidibu basokolola patoke, bidi bienza butoke. Ke mudibu bamba ne: “Wewe udi mulale, tabala, juka ku bafue. Kristu neakuludike mu butoke buende.

Efeze 5:8

Kale nuvua mu midima. Mpindiewu nudi mu butoke, bualu nudi badisange ne Mfumu. Enzayi malu adi bantu badi benda mu butoke ne bua kuenza.

1 Timote 6:16

Yeye nkayende kena ufua. Udi musombe mu butoke budi muntu kayi mua kusemena pabuipi. Muntu nansha umue ki mmuanji kumumona, kena kabidi mua kumumona. Lumu ne bukole bidi kudiye kashidi. Amene.

1 Yone 1:5

Yezu Kristu uvua mutumanyishe lumu lutudi Umuambila elu ne: Mvidi Mukulu udi butoke. Munda muende kamuena miidima to.

1 Yone 2:8

Kadi mukenji undi nnufundila udi amu mupiamupia, bualu bulelela buawu budi bumueneka munda mua Kristu, ne munda muenu kabidi. Bualu miidima idi yumuka, butoke bulelela bukadi bukenka.