Filipe 4:9 - MUKANDA WA MYIDI MUKULU

⁹ Nukumbaje bimvua munulongeshe, binuvua bapete kundi, binuvua bumvue ngamba, binuvua bamone ngenza. Nanku Mvidi Mukulu, mutupi wa bupole, neikale nenu.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Malu â kabidi anuakayila ne anuakangata ne anuakunvua ne anuakatangila kundi, nuikale nuenze malu â; ne Nzambi wa ditalala neikale nʼenu.

Filipe 4:9 ပူးပေါင်းရင်းမြစ်များ

Yeshaya 41:10

Mpindiewu, lekela kutshina, bualu ndi nebe. Lekela kukenzakana nseke yonsu ne dipampakana, bualu meme ndi Mvidi Mukulu webe. Ndi mufike bua kukukolesha ku muoyi. Ndi mufike bua kukuambuluisha. Ndi nkulama. Udi mu tshianza tshianyi tshia bukole.

Yeshaya 8:10

Elayi meji a kuenza bualu kampanda, kadi kanuakubukumbaja munudi basue. Umvuanganayi, kadi kanuena ne tshinuenza. Bualu Emanuwele udiku, mmumue ne: Mvidi Mukulu udi netu.

Matayi 1:23

“Nsongakaji utshidi kamama neimite difu, nealele muana wa balume. Nebamuinyike dina ne: Emanuwele,” (mmumue ne: “Mvidi Mukulu udi netu.”)

Matayi 28:20

Nubalongesha kabidi mua kukumbaja bionsu bimvua munuambile. Manyayi ne: Meme nengikale nenu matuku onsu, too ne ku ndekelu kua bidimu.

Matayi 7:21

— Bantu badi bambikila ne: “Mfumu, Mfumu,” kabena babuela bonsu mu Bukalenga bua mu diulu to, amu badi benza tshidi Tatu wanyi udi mu diulu musue.

Luke 6:46

“Nudi numbikila ‘Mfumu, Mfumu,’ kanuyi nuenza mundi munuambile bua tshinyi?

Luke 8:21

Ke Yezu kuambila bantu bonsu ne: — Mamu ne bana betu mbantu badi bateleja muaku wa Mvidi Mukulu, baukumbaja.

Yowanane 13:17

Mpindiewu nudi bamanye bualu ebu. Nuenu benze nanku, nenuikale ne disanka.

Yowanane 15:14

Nudi balunda banyi, panudi nuenza mundi munuelele mukenji.

Yowanane 2:5

Mamuende wa Yezu kuambila bena mudimu ne: — Nuenze muonsu muanuambilaye.

Bienzedi 9:6

Kadi, juka, buela mu tshimenga. Nebakuambilemu tshiudi ne bua kuenza.

Rome 15:33

Mvidi Mukulu, udi ufila bupole, ikale nenu bonsu. Amene.

Rome 16:20

Mvidi Mukulu, udi utupa bupole, neaboze amu mpindiewu diabolu muinshi mua makasa enu. Dinanga dia Mfumu wetu Yezu Kristu dishindame munda muenu!

1 Korente 10:31

Ke mundi ngamba ne: nansha nudia, nansha nunua, nansha nuenza bualu bukuabu, nuenze bionsu bua kutumbisha Mvidi Mukulu.

1 Korente 14:33

Bualu Mvidi Mukulu kena mutubikile bua kusomba mu tshimvundu, kadi amu mu bupole. Bu mudibi bienzeka mu Bisumbu bionsu bia bena ditaba,

1 Korente 4:16

Ke pandi nnusengelela ne: ngidikijayi.

2 Korente 13:11

Mpindiewu, bana hetu, kolayi! Nulonde amu njila mululame. Nukoleshangane ku muoyi. Nuenze tshintu tshimue. Sombayi ne bupole. Nanku Mvidi Mukulu udi utunanga, neatupe bupole buende. Neikale nenu.

Dielulula 5:1

Moshe kubikila bena Izrayele bonsu, kubambila ne: — Bena Izrayele, telejayi meyi ne mikenji, bindi nnuambila lelu. Nubilonge, nubikumbaje.

Filipe 3:17

Bana hetu, ndondayi bonsu mu makasa. Tuvua banuleje tshilejilu. Nanku tangilayi bikole badi bidikija tshilejilu etshi.

Filipe 4:7

Bu munudi badisange ne Kristu, Mvidi Mukulu nealame mioyi yenu ne meji enu mu bupole buende, budi bupite bionsu bidi muntu mua kujingulula.

1 Tesalonike 1:6

Nuvua bidikije tshituvua benze, ne tshivua Mfumu wenza. Nansha banukengeshe bikole, nuvua bitabe muaku wa Mvidi Mukulu, ne disanka didi Mueyelu wa Tshijila ufila.

1 Tesalonike 2:14

Bana hetu, malu avua menzekele bena ditaba ba mu Yudeya, badi balamata Mvidi Mukulu, bitaba Yezu Kristu, ke avua manuenzekele. Bualu bana benu bavua banukengesha, amu muvua bena Yuda bakengeshe bana babu bena ditaba.

1 Tesalonike 5:23

Mvidi Mukulu udi utupa bupole, anuambuluishe bua nuikale bantu bende menemene. Anulame ne mueyelu wenu, muoyi, ne mubidi, bua kanuikadi ne bubi, too ne dituku diafika Mfumu wetu Yezu Kristu.

2 Tesalonike 3:4

Mu dina dia Mfumu, tudi tutekemena kunudi, tujadika mene ne: nansha lelu, nansha matuku atshidi kumpala, nudi amu nukumbaja bituvua banuambile.

2 Timote 4:22

Mfumu ikale nebe. Dinanga dia Mvidi Mukulu dishindame munda muenu.

Yakobe 1:22

Kanudidingi: kanuena mua kuteleja muaku wa Mvidi Mukulu patupu, kanuyi nuenza mene bidiwu unulomba.

2 Petro 1:10

Bana hetu, Mvidi Mukulu mmunubikile, mmusungule. Nanku enzayi muenu muonsu bua makanyine dibikila edi. Nuenu benze nanku, kanuakupambuka mu njila mululame.

1 Yone 3:22

Bionsu bitudi tulomba, tudi tubipeta kudiye, bualu tudi tulonda mikenji yende, tuenza tshidiye musue.