Filipe 4:7 - MUKANDA WA MYIDI MUKULU

⁷ Bu munudi badisange ne Kristu, Mvidi Mukulu nealame mioyi yenu ne meji enu mu bupole buende, budi bupite bionsu bidi muntu mua kujingulula.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Ne ditalala dia Nzambi didi ditamba dijingulula dionso dia bantu, nedilame mitshima yenu ne meshi enu mu Kilisto Yesu.

Filipe 4:7 ပူးပေါင်းရင်းမြစ်များ

Nehemya 8:10

Ezra kubambila ne: — Pinganayi kuenu. Nudie bimpe, nunue bintu bisheme. Nuabanyangane ne badi kabayi ne tshintu, bualu lelu ndituku dia tshijila dia Maweja-Nangila wetu. Kanubungami, bualu disanka didi difuma kudi Mvidi Mukulu nedinupe bukole.

Yobe 22:21

Utue ndondu ne Mvidi Mukulu. Nanku bionsu nebiende bimpe. Ke muudi mua kupeta diakalenga tshiakabidi.

Yobe 34:29

Kadi padi Mvidi Mukulu kayi unyoka muntu, udi mua kumupisha nnganyi? Yeye musue kusokoma, udi mua kumumona nnganyi?

Misambu 29:11

Maweja-Nangila apeshe bantu bende bukole, abele lupemba, abasombeshe mu bupole.

Misambu 85:8

Maweja-Nangila, utuleje buimpe buebe, utuambuluishe.

Nsumuinu 2:11

Dijingulula dia malu nedikuepule ku ntupakanyi. Lungenyi nelukulame.

Nsumuinu 4:6

Kulekedi meji, nanku neakuambuluishe. Wananga, nanku neakulame.

Nsumuinu 6:22

Neakuambuluishe kuudi uya, ne kuudi ufuma. Nebikukube mu tulu. Paudi ubika ku tulu nebikuambile tshia wewe kuenza.

Yeshaya 26:12

Maweja-Nangila, neumpeshe tshionsu tshitudi tukengela. Bualu wewe ke udi mutuenzele bionsu bituvua bakumbaje.

Yeshaya 26:3

Bualu ke bantu badi bajadika malu ne muoyi umue. Wewe Maweja-Nangila udi ubalama ne bupole, bualu badi batekemena kuudi.

Yeshaya 45:7

Ndi ngenza munya, mfuka miidima kabidi. Ndi mpetesha diakalenga, mfila ne dikenga. Eyowa, ke Meme Maweja-Nangila, udi wenza malu onsu aa.

Yeshaya 48:18

Eyi! bu wewe munteleje bimpe, bu wewe mukumbaje tshimvua mukutumine diyi! Nanku musulu wa diakalenga uvua mua kukupuekela. Lupandu luvua mua kufika kuudi, bungi bu mavuala a mayi manene!

Yeshaya 48:22

Kadi Maweja-Nangila udi wamba ne: diakalenga edi, kadiena bua bantu badi kabayi bitaba, kabayi balama mikenji.

Yirmeya 32:16

Meme mumane kufila mukanda wa disumba budimi kudi Baruke, ke meme kutendelela Maweja-Nangila ngamba ne:

Yirmeya 33:6

Kadi, ndi ngondapa tshimenga etshi, mudibu bondapa muntu ne mputa. Nentshiondape, ntshipesha bukole bua mubidi. Nemfile bupole ne ditalala kudi bantu batshi.

Dibadika 6:26

Maweja-Nangila anuakidile bimpe, anupe bupole!”

Luke 1:79

Butoke abu nebutokeshe badi mu miidima ne mu dijimba dia lufu, nebuludike makasa etu mu njila wa bupole.

Luke 2:14

“Butumbi buonsu budi kudi Mvidi Mukulu mulu mu diulu, bupole buende budi pa buloba, kudi bantu badiye munange!”

Yowanane 14:27

Ndi nnushila ditalala. Ndi nnupesha ditalala dianyi. Tshiena nnupeshadi bu mudi ba pa buloba badipeshangana. Kanupampakanyi. Kanutshinyi.

Yowanane 16:33

Mvua munuambile bionsu ebi bua nuikale ne ditalala, badisange nanyi. Nenukenge pa buloba. Kadi nukoleshe muoyi! Nkadi mumane kutshimuna ba pa buloba!

Rome 1:7

Nuenu bonsu badi mu Rome, badi Mvidi Mukulu unanga, badiye mubikile bua nuikale bende ba tshijila, ndi nnutumina mukanda ewu. Dinanga ne bupole bia kudi Mvidi Mukulu Tatu wetu, ne bia kudi Mfumu Yezu Kristu, bishindame munda muenu.

Rome 14:17

Bualu Bukalenga bua Mvidi Mukulu kabuena ku biakudia nansha ku biakunua. Kadi budi ku malu mimpe, ku bupole, ne ku disanka didi Mueyelu wa Tshijila utupesha.

Rome 15:13

Bu munudi nuitaba Mvidi Mukulu, udi utupa ditekemena, anuwuje kabidi ne disanka, kabidi ne bupole tshishiki, bua ditekemena dienu diye amu kumpala ku bukole bua Mueyelu wa Tshijila.

Rome 5:1

Nanku tuetu bamane kubinga ku mesu kua Mvidi Mukulu amu bua ditaba, mpindiewu pankatshi petu nende tudi ne bupole mu dina dia Mfumu wetu Yezu Kristu.

Rome 8:6

Kukeba bidi buntu buetu nkayabu bujinga, kudi kufikisha bantu ku lufu. Kadi kukeba bidi Mueyelu wa Tshijila musue, kudi kubafikisha ku muoyi ne ku ditalala.

2 Korente 10:5

Tudi tubumbula nabi ditambisha dionsu didi dijikila njila wa kumanya Mvidi Mukulu. Tudi tuela meji onsu mu nkanu, bua itabe Kristu.

2 Korente 13:11

Mpindiewu, bana hetu, kolayi! Nulonde amu njila mululame. Nukoleshangane ku muoyi. Nuenze tshintu tshimue. Sombayi ne bupole. Nanku Mvidi Mukulu udi utunanga, neatupe bupole buende. Neikale nenu.

Ngalate 5:22

Kadi bidi Mueyelu wa Tshijila upetesha ke dinanga, disanka, ditalala, lutulu, diyi dilenga, muoyi muimpe, diyi dimue,

Efeze 3:19

Bushuwa, muntu nansha umue kena mua kujingulula dinanga didi Kristu utunanga nadi mu bujima buadi. Kadi ndi njinga bua numanye dinanga adi, bua bukole bua Mvidi Mukulu buwule tente munda muenu.

Filipe 1:1

Meme Polu ne Timote, badi bakuatshila Yezu Kristu mudimu, tudi tunufundila, nuenu bonsu badi bitaba Yezu Kristu mu Filipe, kabidi ne bamfumu ne babambuluishi babu ba mu Tshisumbu tshienu, mukanda ewu.

Filipe 1:2

Dinanga ne bupole bia kudi Mvidi Mukulu Tatu wetu, ne bia kudi Yezu Kristu, Mfumu wetu, bishindame munda muenu.

Filipe 4:19

Bilondeshile biuma biende ne butumbi buende, Mvidi Mukulu neanupeshe kudi Yezu Kristu bionsu binudi nukengela.

Filipe 4:21

Bantu bonsu ba Mvidi Mukulu badi bitaba Yezu Kristu, belayi muoyi. Bena ditaba batudi nabu, badi banutumina muoyi.

Filipe 4:9

Nukumbaje bimvua munulongeshe, binuvua bapete kundi, binuvua bumvue ngamba, binuvua bamone ngenza. Nanku Mvidi Mukulu, mutupi wa bupole, neikale nenu.

Kolose 3:15

Bupole bunudi nupeta kudi Kristu, buludike meji enu, ne bionsu binudi nuenza. Ku bupole abu ke kudi Mvidi Mukulu munubikidile bonsu pamue, bua nuenze bidimba bia mubidi umue. Nuele Mvidi Mukulu tuasakidila bua bualu ebu.

2 Tesalonike 3:16

Mfumu udi ufila bupole, anupe ditalala diba dionsu ne mishindu yonsu. Mfumu ikale nenu bonsu.

Ebrewu 13:20

Mvidi Mukulu uvua mubishe ku lufu Mfumu wetu Yezu, udi mulami munene wa mikoku, ku mashi a mulambu wende, adi ajadika ndondu wa tshiendelele.

Yuda 1:1

Meme Yuda, muena mudimu wa Yezu Kristu, ne muanabu ne Yakobe, ndi mfundila bonsu badi Mvidi Mukulu mubikile, badiye Yeye Tatu wetu unanga, badi Yezu ulama bimpe, mukanda ewu.

Didimanyisha 1:4

Meme Yowanane, ndi mfundila Bisumbu muanda mutekete bia bena ditaba bidi mu buloba bua Aziya mukanda ewu: Dinanga ne bupole bia kudi Mvidi Mukulu, udiku, uvuaku, ne wafikaku, bia kudi mieyelu muanda mutekete idi kumpala kua nkuasa wende wa butumbi,

Didimanyisha 2:17

“Bidi Mueyelu wa Tshijila wambila Bisumbu bia bena ditaba, yonsu udi ne matshi a kumvua, asangane kumvua anyi? Umvue! “Badi batshimuna, nembapeshe mana masokome. Nempeshe kabidi yonsu wa kudibu lusoka lutoke lufunda dina dipiadipia, didi muntu kayi mumanye, amu udi udipeta.”