Filipe 4:6 - MUKANDA WA MYIDI MUKULU

⁶ Kanusampakenyi bualu nansha bumue. Kadi mu malu onsu nutendelele Mvidi Mukulu, nulombe bionsu binudi nabi dijinga. Nubilombe ne muoyi wa dianyisha.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Lekelai kudiatshisha ku bualu bumue; kadi mu malu onso ku ditendelela ne ku disengelela numanyishe Nzambi bua milombu yenu ne disakidila.

Filipe 4:6 ပူးပေါင်းရင်းမြစ်များ

1 Bakalenga 8:28

Kadi, Maweja-Nangila Mvidi Mukulu wanyi, tangila kundi. Nteleja mundi nkusengelela. Eyowa, teleja mundi nkubikila lelu muanyi muomsu.

2 Kulondolola 32:20

Pashishe, mukalenga Izkiya ne muambi Yeshaya muana wa Amosa, kutendelelabu Maweja-Nangila, bamulomba diambuluisha.

Misambu 51:15

Badi bakutombokela, nembalongeshe mudibu mua kukulengelela, bua badilengeje, bitabe ku diyi diebe.

Misambu 55:17

Meme ndi mbikila Mvidi Mukulu, bua angambuluishe. Nanku Maweja-Nangila neampandishe.

Misambu 55:22

Miaku yende ya lubombu mmisheme bu buitshi, kadi udi welangana amu meji a kuluangana mvita. Miaku mipepele idi ipatuka mukana muende, kadi idi amu bu muele wa ntapa kubidi.

Misambu 62:8

Mvidi Mukulu neampandishe. Neampingajile lumu. Yeye ke lubuebue luanyi, muaba undi mua kusokomena.

Nsumuinu 15:8

Maweja-Nangila udi udiwula milambu ya bantu babi. Kadi udi wanyisha bikole dilomba dia bantu ba diyi dimue.

Nsumuinu 16:3

Uteke midimu yebe mu bianza bia Maweja-Nangila, nanku nenkumbaje biuvua muele meji.

Musambu wa Solomo 2:14

Musuibue wanyi, bu nkudimba udi musoksome mu mbuebue ne mu mulundu, patuka, nkumone. Akula, nteleje diyi diebe didi dinsankisha. Leja mpala webe udi mupite buimpe!”

Yirmeya 32:16

Meme mumane kufila mukanda wa disumba budimi kudi Baruke, ke meme kutendelela Maweja-Nangila ngamba ne:

Yirmeya 33:3

Umbikile meme, nenkuandamune. Nenkujinguluile malu manene masokoka audi kuyi mumanye to.

Danyele 3:16

Shadrake, Meshake ne Abede-Nego kuandamuna mukalenga Nebukadnesare ne: — Mukalenga, katuena basue kudibingisha kumpala kuebe to.

Danyele 6:10

Ke mukalenga wa bakalenga Daryaveshe kufunda dina diende pa mukanda, uvua ne mukenji awu.

Matayi 10:19

Pikalabu baye nenu kumpala kua balumbuluishi, kanupampakanyi bua tshinudi ne bua kuamba, ne bua mushindu unudi ne bua kuakula. Nenupete tshia kuamba anu diba adi.

Matayi 13:22

Ntete idi ipona mu mitshi ya meba, ke badi bumvua muaku wa Mvidi Mukulu. Kadi disumpakana dia malu a bukua panu, ne mutshima wa biuma bia panu, bidi bikutakaja muaku, biupangisha mua kukuama bimuma.

Matayi 6:34

Kanuditatshishi bua malu a maloba to. Patshiabu, malu a dituku adi neadikumbanyine. Lutatu ludi lumueneka ku dituku dionsu, ndukumbane bua dituku adi.

Matayi 6:8

Kanubidikiji to. Bualu Tatu wenu Mvidi Mukulu mmumanye bionsu binudi nabi dijinga, diambedi kanuyi banji kumulombabi.

Luke 10:41

Mfumu kumuandamuna ne: — Marte, Marte, udi ulubakana, utata bua malu a bungi.

Luke 12:22

Pashishe Yezu kuambila balongi bende ne: — Ke pandi nnuambila ne: kanutatshi bua biakudia binudi nabi dijinga, nansha bua bivualu bidi mubidi wenu ukengela.

Luke 12:29

Kanupampakanyi. Kanutatshi amu bua biakudia, nansha bua biakunua.

Luke 18:1

Pashishe bua kulongesha balongi bende mudibu ne bua kutendelela diba dionsu, kabayi batekesha mu maboku, Yezu kubelela lusumuinu ne:

Luke 18:7

Kadi Mvidi Mukulu kakukosa nsambu ya bena diende badi bamubila munya ne butuku pa yoyi anyi? Kakubambuluisha pa lukasa anyi?

1 Korente 7:21

Ne uvua mupika diba divua Mvidi Mukulu mukubikile, kupampakanyi nansha. Kadi paudi upeta mushindu wa kupatuka mu bupika, upatuke.

1 Korente 7:32

Mvua musue kunuepula ku ntatu yonsu. Udi kayi mu dibaka, udi usumpakana bua malu a Mfumu, ukeba kusankisha Mfumu.

2 Korente 1:11

Bualu nuenu nudi nuambuluisha, panudi nnulombela kudiye. Padi bann bavule banlombela kudi Mvidi Mukulu, neabateleje. Nanku neanele lupemba. Diba adi bann ba bungi kabidi nebamuele tuasakidila.

Efeze 5:20

Mu dina dia Mfumu wetu Yezu Kristu, elayi Mvidi Mukulu Tatu tuasakidila diba dionsu, ne bua malu onsu.

Efeze 6:18

Kanupu muoyi bua kutendelela Mvidi Mukulu. Nulombe bua anuambuluishe. Tendelelayi diba dionsu mudi Mueyelu wa Tshijila unusaka. Tabalayi, lombelayi bantu bonsu ba Mvidi Mukulu, kanuyi nulekela.

Kolose 3:15

Bupole bunudi nupeta kudi Kristu, buludike meji enu, ne bionsu binudi nuenza. Ku bupole abu ke kudi Mvidi Mukulu munubikidile bonsu pamue, bua nuenze bidimba bia mubidi umue. Nuele Mvidi Mukulu tuasakidila bua bualu ebu.

Kolose 3:17

Bionsu binudi nuenza, nansha binudi nuamba, nubikumbaje mu dina dia Yezu Kristu. Nuele amu kuela Mvidi Mukulu tuasakidila kudiye.

Kolose 4:2

Tendelelayi Mvidi Mukulu ne munanunanu. Mutendelelayi, numuele tuasakidila, kanuyi nupungila.

1 Timote 2:1

Bualu bua kumpala bundi ndomba: bantu batendelele Mvidi Mukulu, bamulombe, bamusengelele, bamuele tuasakidila mu dina dia bantu bonsu.

1 Timote 5:5

Mukaji mukamba menemene, udi kayi ne muntu wa kumulama, ke udi mutekemene anu kudi Mvidi Mukulu, umutendelela munya ne butuku, umulomba diambuluisha.

1 Petro 4:7

Nshikidilu wa bionsu ukadi pabuipi. Nusombe ne meji, batabale, bua numone mua kutendelela.

1 Petro 5:7

Muomekelayi ntatu yenu yonsu, bualu Yeye udi unulama.

1 Samuele 1:15

Ane kuandamuna ne: — Tshiena mukuatshika maluvu to. Ndi mukaji muena dikenga. Tshiena munue maluvu to. Ndi mufike muaba ewu bua kukuatshila Maweja-Nangila dikenga dianyi.

1 Samuele 30:6

Davide uvua ne kanyinganyinga kakole. Bualu bantu bavuaye nabu bavua basue kumuasa mabue bua kumushipa. Muntu yonsu uvua unyingalala, wela meji kudi bana bende ba balume ne ba bakaji. Kadi ku diambuluisha dia Maweja-Nangila Mvidi Mukulu wende, Davide kupeta bukole.

1 Samuele 7:12

Samuwele kuela diyi, wamba ne: “Maweja-Nangila ke udi mutuambuluisha too ne mpindiewu.” Samuwele kuambula dibue, kudimanyika pankatshi pa Mispa ne Shene. Kuinyikaye dibue adi dina ne: “Dibue-dia-diambuluisha.”