Filipe 4:18 - MUKANDA WA MYIDI MUKULU

¹⁸ Ndi nnujadikila ne: nkadi mupete bionsu binuvua bantumine. Bidi bikumbane bipite. Bu mudi Epafrodite muntuadile mpindiewu bimuma basue kumpesha, bionsu bindi nkengela, ndi nabi. Bintu bienu bidi bu mulambu wa dipembu dimpe, udi Mvidi Mukulu wanyisha, umusankisha.

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Kadi ndi ne bintu bionso ne bitamba; nakukuta bualu bua nakangata bintu kudi Epafodito biakafuma kunudi, muhuya wa dihembu dimpe, mulambu muitabushibue, udi usankisha Nzambi.

Filipe 4:18 ပူးပေါင်းရင်းမြစ်များ

Ekesode 29:18

Woshe bintu bionsu abi, bua bikale mulambu wa kuosha wa dipembu dimpe udi unsankisha meme Maweja-Nangila.

Dibadika 15:3

nungoshile nyama mijima bua kundambula. Nundambule kabidi milambu ya bobumue. Nuenze nanku bua kukumbaja malaya, nansha anu ku budisuile buenu, nansha kabidi bua bibilu. Milambu ayi, ikale ya ngombe, mbuji nansha mikoku. Nenganyishe mupuya muimpe wayi.

Bienzedi 10:4

Korneliyuse kutangila mutumibue wa Mvidi Mukulu ne bowa, kumuebeja ne: — Mukalenga, udi wamba bishi? Mutumibue kuandamuna ne: — Mvidi Mukulu udi ukuvuluka, ukuanyisha bua dimutendelela diebe, kabidi ne bua bintu biudi upesha bapele.

Rome 12:1

Bana hetu, padi Mvidi Mukulu muleje nanku mudiye utufuila luse, ndi nnusengelela bua nudifile kudiye bu mulambu udi ne muoyi, bu mulambu wa tshijila, udi umusankisha. Ke mushindu muimpe unudi ne bua kumutendelela.

2 Korente 11:8

Pamvua nkuata mudimu kuenu, mvua muanyishe bua bamfute kudi Bisumbu bikuabu bia bena ditaba. Tuambe ne: mvua mubashiye bianza bitupu, bua mmone mua kunuambuluisha nuenu!

2 Korente 9:12

Bualu mudimu unudi nukuata awu kawena wambuluisha amu bena tshisamba tshia Mvidi Mukulu. Kadi netupete kabidi tshipeta tshikuabu tshipite bimpe, bualu bantu ba bungi nebele Mvidi Mukulu tuasakidila.

Efeze 5:2

Nulonde njila wa dinanga. Vulukayi muvua Kristu mutunange, mudifile bualu buetu, bu mulambu wa dipembu dimpe, uvua usankisha Mvidi Mukulu.

Filipe 4:12

Nkadi muibidilangane ne bupele, nansha ne biuma. Ndi mulonge mua kumvua bimpe miaba yonsu, kabidi ne bionsu bidi bingenzekela. Nansha meme ne biakudia bikumbane, nansha ngu-mvua nzala, nansha meme ne bintu bivule, nansha tshiyi nabi bikumbane, ndi ngumvua amu bimpe.

2 Tesalonike 1:3

Bana hetu, tudi tuela Mvidi Mukulu tuasakidila bualu buenu, katuyi tupungila. Bidi bimpe bua tuetu kuenza nanku, bualu ditaba dienu didi diya amu kumpala, dinanga kabidi didi yonsu wa kunudi munange nadi bakuabu didi didiunda amu kudiunda.

Ebrewu 13:16

Kanupu muoyi bua kuenza malu mimpe, kabidi bua kuambuishangana, bualu milambu ya nenku ke idi isankisha Mvidi Mukulu.

1 Petro 2:5

Nudifile bu mabue a muoyi, bua Mueyelu wa Tshijila umone mua kuibaka nenu nzubu wa Mvidi Mukulu. Nanku nenuikale tshisumbu tshia batuangaji ba tshijila, badi ne bua kulambula Mvidi Mukulu milambu, idi imusankisha bualu bua Yezu Kristu.