Filipe 3:7 - MUKANDA WA MYIDI MUKULU

⁷ Kadi bionsu abi bimvua mutangile bu bia mushinga, ndi mbitangila mpindiewu bu bia kuimansha bualu bua Kristu.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Kadi malu akadi a mushinga muimpe kundi, nguou au nakabala bu tshintu tshijimina bua Kilisto.

Filipe 3:7 ပူးပေါင်းရင်းမြစ်များ

Genese 19:17

Bobu bamane kupatuka mu ditunga, mutumibue wa Mvidi Mukulu mukuabu kuambila Lote ne: — Nyema, kolesha bua kudipandisha. Kutangidi panyima, kuimanyi pa muaba. Uye kusokoma ku mukuna bua kuvu kubutuka.

Genese 19:26

Mukaji wa Lote kutangila panyima. Kuandamukaye lupingu lua luepu.

Yobe 2:4

Mufundianganyi kuandamuna Mvidi Mukulu ne: — Umutete mushindu mukuabu. Tshionsu tshidi muntu natshi, udi utshifila bua kudisungidila.

Nsumuinu 13:8

Misangu mikuabu muena biuma udi ufuta makuta bua kudipandisha. Kadi mupele kena ne badi mua kumukanyina.

Nsumuinu 23:23

Ikala muntu udi wamba malu malelela, muedi wa meji, muntu mudimuke ne wa lungenyi. Wewe mumane kupeta ngikadilu eyi, kuyinyangi to.

Muambi 3:6

Kudi tshikondu tshia kukeba, ne tshikondu tshia kujimija; tshikondu tshia kulama ne tshia kuimansha,

Matayi 16:26

Muntu udi upeta buloba bujima, kadi ujimija muoyi wende, nebimuambuluishe ku tshinyi? Kakuena tshidi muntu mua kufila bua kupeta tshiakabidi muoyi wende.

Marke 10:50

Mpofu kuimansha tshilamba tshiende tshivuaye natshi pambidi, kutupika uya kudi Yezu.

Luke 14:26

— Muntu udi undonda, udi ne bua kunnanga meme bipite tatuende, mamuende, mukajende, bana bende, bana babu ba balume nansha ba bakaji, nansha bipite mene mudiye mudinange. Yeye kayi wenza nanku, kena mua kuikala mulongi wanyi to.

Luke 14:33

Nanku ndi nnuambila ne: muntu nansha umue wa kunudi, kena mua kuikala mulongi wanyi, padiye kayi mubenge bionsu bidiye nabi.

Luke 16:8

Ke Mfumu kutumbisha mulami wa bintu ewu, bualu mmukuate mudimu ne budimu. Bualu bantu ba panu badi badimukila binabu, bapite mudi bantu badi benda mu butoke benza.

Bienzedi 27:38

Bantu bamane kudia kuukuta, kuimanshabu ntete mikuabu mu mayi, bua majuwa apepele.

Ebrewu 11:26

Utata muele meji ne: bobu bampetule mutotabu bapetule Kristu, ndi mpeta tshiuma tshidi tshipite biuma bia mu Ejipitu. Bualu mesu ende avua atangila amu difutu divuaye muindile kumpala.