Filipe 3:5 - MUKANDA WA MYIDI MUKULU

⁵ Bualu bavua banteke panshi, pamvua mukumbaje lumingu lujima. Ndi muena Izrayele mufukila. Ndi wa mu tshisamba tshia bena Binyamine. Ndi muena Ebrewu menemene. Bua bidi bitangila dikumbaja dia mikenji, mvua Muparushe.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Bakantengula dituta dia muanda mukulu; nakadi Muena Isalele, wa tshisamba tshia Benyamina, Muena Ebelu wa Bena Ebelu; mu bualu bua mikenshi nakadi Mufalese;

Filipe 3:5 ပူးပေါင်းရင်းမြစ်များ

Genese 14:13

Muntu uvua munyeme mu mvita ayi, kuya kumanyisha Abrame, muena Ebrewu lumu alu. Abrame uvua muase pabuipi ne mitshi ya tshijila ya Mambre, muena Amore. Mambre ne bana babu Eshekole ne Anere bavua batue ndondu ne Abrame.

Genese 17:12

Bana benu ba balume bamane kukumbaja matuku muanda mukulu, badi ne bua kubateka panshi, nansha bapika badibu balelela muebe, nansha bapika benyi baudi musumbe, badi kabayi ba mu diku diebe.

Genese 40:15

Mbangumushishe ku bukole kuetu ku bena Ebrewu. Mbamfikishe kunu, bangela mu nzubu wa lukanu, tshiyi ne bualu bundi muenze.

Genese 41:12

Nsongalume mukuabu mupika, muena Ebrewu, uvua netu mu nzubu wa lukanu amu, wenzela mulombodi wa bena mvita ba mu bukalenga mudimu. Tuetu kumuawila ndota yetu. Yeye kujinguluila muntu yonsu ndota yende.

Yona 1:9

Yona kubandamuna ne: — Ndi muena Ebrewu, ndi nnemeka Maweja-Nangila, Mvidi Mukulu wa mu diulu, uvua mufuke mayi manene, ne buloba.

Luke 1:59

Muana kukumbaja lumingu lujima, bantu kufika bua kumuteka panshi. Bavua basue kumuinyika dina dia tatuende Zekarya.

Luke 2:21

Lumingu lujima lumane kupita, tshikondu tshia kuteka muana panshi kukumbana. Kuinyikabu muana dina dia Yezu, divua mutumibue muambe, mamuende wa Yezu kayi muanji kuimita difu.

Luke 5:38

Kadi mbimpe kuela nwinyo mupiamupia mu milondu ya biseba bipiabipia.

Bienzedi 22:3

— Ndi muena Yuda. mBandele mu Tarse wa mu Silisiya. Kadi ndi mukolele mu Yerushalayime emu. Ngamaliyele, ke uvua mundongeshe bimpe bitambe mikenji ya bankambua betu. Mvua mukuatshile Mvidi Mukulu mudimu ne disuminyina, amu munudi nuenu bonsu benza lelu.

Bienzedi 23:6

Bu muvua Polu mumanye ne: mu Tshipangu mudi Basaduke ne Baparushe, ke kuelaye diyi dikole, wamba ne: — Bana betu, meme ndi Muparushe, muana wa Baparushe. mBamfunde ku tshilumbu, bualu ndi ngitaba, ntekemena ne: bafue nebabike!

Bienzedi 6:1

Matuku makese apita, bu muvua bungi bua balongi buvulangana, bena Yuda bavua bakula tshiena ngreke, kujana bena Yuda ba mu ditunga. Bavua bamba ne: bena ditunga badi balengulula bakamba betu, padibu bababanyina biakudia ku dituku ku dituku.

Rome 11:1

Nanku ndi ngebeja ne: Mvidi Mukulu mmubenge bantu bende anyi? Nansha kakese! Bualu meme mene ndi muena Izrayele, wa ku ndelanganyi ya Abrahame, muena tshisamba tshia Binyamine.

2 Korente 11:22

Badi bena Ebrewu menemene anyi? Meme kabidi! Badi bena Izrayele anyi? Meme kabidi! Badi bantu ba ku ndelanganyi ya Abrahame anyi? Nansha meme!

1 Samuele 4:6

Bena Peleshete bumvua bibingu abi, kukonkanganabu ne: — Bibingu bikole bidi mu mitanda ya bena Ebrewu mbia tshinyi? Bena Peleshete kujadika ne: mushete wa Maweja-Nangila wafiki mu mitanda ya bena Izrayele.