Filipe 3:19 - MUKANDA WA MYIDI MUKULU

¹⁹ Kadi nebabutuke, bualu mvidie wabu ke difu diabu. Badi baditemba mu bivua mua kubafuisha bundu. Badi bela meji anu ku bia panu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁹ kunshikidilu kuabo didi dibutuka, nzambi wabo ndifu diabo, butumbi buabo budi mu bundu buabo; badi belangana meshi a malu a ha buloba.

Filipe 3:19 ပူးပေါင်းရင်းမြစ်များ

Misambu 17:14

Ubabutule, ubajikije mu bantu. Ubanuishe lulengu luuvua mubalamine. Bana babu banue buukute, biikulu babu balabule luvua lushale!

Misambu 52:1

Musambu wa mu mukanda wa mulombodi wa bena misambu. Kasala ka mu mukanda wa misambu ya Davide.

Yirmeya 44:17

Netuenze anu tshitu-vua balaye. Netuambule Astarte, mvidie wetu, Mukalenga mukaji wa diulu, milambu ya manananshi ne ya maluvu a mvinyo. Ke mutuvua benza tuetu, ke muvua kabidi bankambua betu, bakalenga betu ne balombodi betu ba bukalenga benza mu bimenga bia Yuda ne mu misesu ya mu Yerushalayime. Nanku tuvua ne biakudia bungi bukumbane. Bionsu bivua bienda amu bimpe. Katuvua tukenga nansha.

Yezekiyele 13:19

Nudi numpepeja ku mesu a bantu banyi, anu bua kupeta dianza dia bukula ne bipesa bia mampa. Panudi nutshimbisha bantu banyi, bena bitabataba, nudi nukebela badi kabayi ne bualu lufu, kadi nudi nulama ne muoyi badi bakanyina lufu.

Yezekiyele 34:3

Kadi nuenu nudi nulengulula mikoku. Nudi nunua mabele ayi, nuvuala bilamba bienza ne miosa yayi, nushipa mikoku ya manyi.

Osheya 4:7

Batuangaji bonsu mbangenzele bibi, kabena batumikila mikenji imvua mubambile. Mbambenge meme Maweja-Nangila, uvua butumbi buabu, bua kutendelela mvidie ya patupu.

Mika 3:11

Bakoshi ba nsambu badi balumbuluisha bantu, amu padibu bamane kudia mabuejila. Batuangaji badi balongesha mikenji, amu bua kupeta difutu. Bambi badi bambila bantu malu, amu bamane kupeta makuta. Kadi badi badiamba ne: “Tudi bantu ba Maweja-Nangila! Maweja-Nangila udi netu! Bualu bubi nansha bumue kabuena mua kutukuata.”

Mika 3:5

Telejayi bidi Maweja-Nangila wamba, bua bambi badi badinga bantu banyi. Udi wamba ne: “Bambi badi bambila bantu ne: ditalala didiku, amu padibu babafuta difutu dia bungi. Kadi muntu udi kayi ubapesha biakudia, badi bamuluisha mvita.

Malaki 1:12

Kadi nuenu nudi numpetula. Kanuena nuangata tshilambuilu tshia Maweja-Nangila ne mushinga. Nudi nulambuilapu biakudia bidi kabiyi bimpe.

Matayi 16:23

Kadi Yezu kukudimuka, kuambila Petro ne: — Umbuka kundi, uye kule, diabolu! Udi ukeba kundenduisha! Bualu meji audi wela ki nga kudi Mvidi Mukulu to, kadi nga kudi bantu.

Matayi 25:41

Pashishe mukalenga neambile bantu badi ku diende dia bakaji ne: “Umbukayi pandi, nuenu badi Mvidi Mukulu muele mulawu! Nuye mu kapia ka tshiendelele, kavuabu balongoluele diabolu ne batumibue bende!

Luke 12:19

Nengambe ne: Disanka kaayi! Ndi ne bintu bivule bidi mua kungambuluisha bidimu ne bidimu. Mpindiewu ndi mua kuikisha, kudia, kunua, kuondoloka.”

Luke 16:19

— Kuvua muena biuma uvuala bilamba bimpe bia mushinga mukole. Dituku dionsu uvua udia bilenga, usanka.

Luke 18:4

Mukoshi wa nsambu kubenga matuku a bungi. Kadi pashishe kudielaye meji ne: “Nansha meme tshiyi ntshina Mvidi Mukulu, tshiyi nnemeka bantu,

Rome 16:18

Bualu bantu ba mushindu ewu kabena bakuatshila Kristu Mfumu wetu mudimu, kadi amu difu diabu! Badi bamanye mua kuakula bimpe, balongesha ne miaku ya lubombu. Ke mudibu badinga bantu badi ne lungenyi lutekete.

Rome 6:21

Kadi panuvua benze malu adi anufuisha bundu mpindiewu, tshinuvua bapete ntshinyi? Malu a nanku adi afikisha ku lufu!

1 Korente 3:3

bualu nutshidi nusomba bu bantu ba panu. Nudi nubabangana, nutandangana. Ke bidi bileja ne: nudi bantu ba panu, nuenza amu bidi bantu bakuabu bonsu benza.

1 Korente 5:2

Kadi munudi nuditemba kabidi mmunyi? Nuvua ne bua kubungama, kumusha muntu awu munkatshi muenu.

1 Korente 5:6

Tshinudi mua kuditambishila ntshinyi? Nudi bamanye lusumuinu lua ne: “Buanga bukese bua mampa budi butuntumuna tshitapitapi tshionsu.”

2 Korente 11:12

Nengenze amu mundi ngenza mpindiewu. Bualu tshiena musue bua bapostolu benu ba kalanda musenga abu bambe ne: “Tudi tukuata mudimu mushindu wa momumue ne Polu.”

2 Korente 11:15

Nanku katuena mua kukema bua padi badi bakuatshila diabolu mudimu, badisokoka, badileja bu bantu badi bakuatshila Mvidi Mukulu mudimu. Kadi ku ndekelu nebabanyoke bilondeshile mudimu uvuabubakuate.

Ngalate 6:13

Bantu aba badi batekangana panshi, kabena balonda mikenji mikuabu. Badi basue bua banuteke panshi, bua bamone mua kuditambisha ne: tuetu ke bavua babenzeje nanku.

Filipe 2:21

Bantu bakuabu bonsu badi batata anu bua bidi bibalengelela bobu nkayabu. Kabena bakeba bidi bilengelela Kristu.

Kolose 3:2

Elayi meji ku bia kulu, kanuedi meji ku bia panu.

2 Tesalonike 1:9

Nebapete dinyoka, babutuka kashidi. Kabakumonangana ne Mfumu; kabakumona bukole ne butumbi buende.

2 Tesalonike 2:12

Nenku bonsu bavua kabayi bitaba bulelela, bananga malu mabi, nebabanyoke.

2 Tesalonike 2:8

Diba adi Muena bubi neamueneke. Kadi Mfumu Yezu neamushipe ku mueyelu wa mukana muende. Neamubutule amu ku bukenke bua difika diende.

1 Timote 6:5

dielangana mpata ne munanunanu ne bantu badi ne lungenyi lunyanguke, kabatshiyi bamanye bulelela. Bualu badi bela meji ne: kuenzela Mvidi Mukulu mudimu mmuaba wa kupeta biuma.

2 Timote 3:4

Nebelangane bifufu bibi. Nebikale bantu ba tshiiji, bena lutambishi luvule. Nebanange milowu, pa mutu pa kunanga Mvidi Mukulu.

Yakobe 4:16

Kadi mpindiewu nudi nuditambisha, nudiela mulu. Budiambi bua nanku mbubi.

2 Petro 2:1

Ku kale bambi ba dishima bavua bapatuke munkatshi mua bantu. Ke muapatuka kabidi balongeshi ba dishima munkatshi muenu. Nebatangalaje malongesha a dishima adi atukebela bipupu. Nebabenge Mfumu uvua mubasungidile. Nanku nebadikebele diakamue kabutu.

2 Petro 2:13

Nebabakengeshe, muvuabu bakengeshe bakuabu. Badi badisankisha, benza malu mabi munda munya. Panudi nabu ku mesa badi banufuisha bundu, banubueja mu mbipishilu, basanka bua kunudinga.

2 Petro 2:3

Bu mudibu ne lukuka lua biuma, balongeshi ba dishima aba nebanuelele nsumuinu ifuma ku meji a bantu, bua bapete bintu bienu. Kadi Mukoshi wabu wa nsambu ukadi mumane kujadika tshibawu tshiabu. Neababutule lukasa, kayi ujingakana.

Yuda 1:10

Kadi bantu aba badi bapenda bidibu kabayi bamanye. Bu nyama ya muitu, mbamanye amu majinga a mubidi wabu. Ke tshidi ne bua kubafikisha ku kabutu.

Yuda 1:16

Bantu aba kabena baleja disanka dituku nansha dimue, badi batontolodi ba kashidi. Badi benza malu amu mudi nkuka yabu. Badi bakula ne dipetu, balabidila bantu bua kupeta bintu.

Yuda 1:4

Bualu, bamue bantu babi mbabuele mu musokoku munkatshi muetu. Badi bakudimuna dilongesha didi ditangila dinanga dia Mvidi Mukulu, bua kudibingisha nadi ku buenzavi buabu. Ke padibu babenga Yezu Kristu, Mukalenga ne Mfumu wetu umuepele. Kukadi matuku a bungi, Mikanda ya tshijila mmimane kujadika dinyoka didibu ne bua kunyoka bantu abu.

Didimanyisha 18:7

Numubungamije, munukengeshe, bilondeshile muvuaye uditemba bua lumu ne bubanji bivuaye nabi. Uvua udiamba ne: ‘Meme apa ndi Mukalenga mukaji. Tshiena mukamba to. Makenga kaakunkuata to.’

Didimanyisha 19:20

Kukuatabu nyama, pamue ne muambi wa dishima uvua muenze malu a dikema, nyama mutangile. (Uvua mudinge ne malu a dikema awu bavuabu batue tshitampi tshia nyama, bakukuile tshimfuanyi tshiende.) Bavua bela nyama ne muambi wa dishima, batshikale ne muoyi, mu mayi manene avua atema kapia ka mvuanda.

Didimanyisha 21:8

Kadi bena bukata, bantu badi bavila Mvidi Mukulu, bamutombokela, bashipianganyi, benji ba malu a bundu, benji ba malu a majimbu, batendeledi ba nwidie, ne bena dishima bonsu, nebabele mu mayi manene atema kapia ka mvuanda. Mayi manene aa ke lufu luibidi.

Didimanyisha 22:15

Kadi bantu badi batombokela Mvidi Mukulu, benza malu a majimbu, benza malu a bundu, bashipianganyi, batendeledi ba nwidie, ne bonsu badi bashimangana ku miaku nansha ku ngenzelu, kabakubuela mu tshimenga!

1 Samuele 2:29

Kadi kanuena nunemeka milambu ya nyama ne ya bintu bia mu madimi, imvua mutuma diyi bua kulambula muaba wa tshijila bua tshinyi? Munyinyi muimpe wa mafuta, udi bantu banyi bena Izrayele bandambula, nudi nuangata bua nuenu kudia, kudiunda bua tshinyi? Wewe Eli, udi unemeka bana bebe ba balume, kuyi unnemeka meme kumpala, bipite bua tshinyi.