Filipe 3:1 - MUKANDA WA MYIDI MUKULU

¹ Nanku bana hetu, nusanke bua panudi badisange ne Mfumu. Kabiena bintonda bua kunufundila amu malu a momumue. Bualu malu awu adi anulengelela.

Mukanda wa Nzambi Dihungila Dikulukulu ne Dihungila Dihia-dihia 2003

¹ Tshiashadidi mpindiu, bana betu, nusanke mu Mukelenge. Kunufundila malu momumue kakuena kuntonda, kadi kudi kunukuatshisha nuenu.

Filipe 3:1 ပူးပေါင်းရင်းမြစ်များ

1 Kulondolola 15:28

Bena Izrayele bonsu kufika ne mushete wa tshijila mu Yerushalayime, batua tshianga, badidisha miadi ya mpungi mishilangane, ya ndibu, ya nkombe ne ya nzenze.

1 Kulondolola 16:10

Sankayi, nudisue, bualu tudi bantu bende. Nuditembe bualu yeye ke Mvidi Mukulu wa tshijila. Nuenu badi batendelela Maweja-Nangila, sankayi.

1 Kulondolola 29:22

Dituku adi, bena Izrayele kudia, kunua kumpala kua Maweja-Nangila, bikale ne disanka dinene. Ewu ke musangu muibidi, udibu baleja bantu mudi Shelomu muana wa Davide, mukalenga wabu. Kumulababu manyi a bukalenga, bua akuatshile Maweja-Nangila mudimu. Amu diba adi kujidilabu Sadoke bua ikale mutuangaji munene.

Nehemya 8:10

Ezra kubambila ne: — Pinganayi kuenu. Nudie bimpe, nunue bintu bisheme. Nuabanyangane ne badi kabayi ne tshintu, bualu lelu ndituku dia tshijila dia Maweja-Nangila wetu. Kanubungami, bualu disanka didi difuma kudi Mvidi Mukulu nedinupe bukole.

Yobe 22:26

Nanku, neumone mua kutekemena kudi Mvidi Mukulu wa bukole buonsu, neumujoje amu yeye ne mimuemue pa mpala pebe.

Misambu 149:2

Izrayele, usanke, bualu Maweja-Nangila udi mukufuki webe. Bena Siyone nusanke, bualu udi mukalenga wenu.

Misambu 32:11

Maweja-Nangila anusankishe nuenu, bantu bende. Nuenu badi bamuitaba, katshilayi, tuayi tshianga.

Misambu 33:1

Nuenu bantu ba Maweja-Nangila, mukobuelayi! Amu nuenu badi bakumbaja bidiye musue, ke badi mua kumutumbisha!

Misambu 37:4

Disanka diebe dikale amu kudi Maweja-Nangila. Nanku neakupeshe bionsu biudi umulomba.

Misambu 42:4

Butuku ne munya tshianyi tshiakudia ke binsonji. Badi bankonka matuku onsu ne: “Mvidi Mukulu webe udi penyi?”

Misambu 5:11

Mvidi Mukulu wanyi, ubanyoke, mbena tshibawu. Mateyi avuabu batuteya, abakuate bafue. Ubipate muaba uudi, bualu bubi buabu mbupite. Badi anu bakutombokela.

Misambu 97:1

Maweja-Nangila udi mukalenga, buloba bujima busanke, bantu bonsu badi kule basanke!

Yeshaya 41:16

Neupepule mikuna, lupepele neluye nayi! Mvunde neayitangalaje. Kadi wewe neusanke, bualu meme ndi Maweja-Nangila webe, ndi nkusankisha. Neungele tuasakidila muvule, bua bidi Wa tshijila wa bena Izrayele ukuenzela.

Yeshaya 61:10

Ndi ngela Maweja-Nangila tuasakidila muanyi muonsu. Ndi ntumbisha Mvidi Mukulu wanyi ne musangelu, bualu dingambuluisha diende didi bu tshivualu tshidiye umvuadika. Lupandu ludiye untuadila, ludi bu tshinkutu tshidiye umbuikila. Ndi ne disanka bu dia musedianganyi mupiamupia, udi wasa tshifulu tshia tshibilu, nansha bu dia nsongakaji udi ubuela mu dibaka, uvuala bilengejilu biende.

Yeshaya 65:14

Nebikale ne disanka dinene, nebele mbila bua diakalenga didibu nadi. Kadi nuenu, yenu mbila neikale ya dikenga. Nenukengakane ne muadi, muoyi neunushikile munda.

Yowele 2:23

Nuenu badi basomba mu Siyone, sankayi bualu bua Maweja-Nangila Mvidi Mukulu wenu, udi unulokeshila mvula mbedi unuvua nukengela, unulokeshila mvula ya bungi pa bikondu biayi, muvuaye munuenzele kale.

Sefanya 3:14

Tshimenga tshia Siyone, sankaku! Bena Izrayele, elayi tunkunduluila. Yerushalayime, sanguluka ne muoyi webe mujima.

Sefanya 3:17

Maweja-Nangila Mvidi Mukulu webe udi nebe, udi tshilobu, mukuluidi wa mvita. Udi usanka bualu buebe. Udi ukunanga; nanku neakuenze muntu mupiamupia. Udi uja maja bu dituku dia tshibilu, wimba misambu ne disanka bualu buebe.”

Zekâya 10:7

Bena Efrayime nebikale bakole, bu bena mvita ba bukitu. Nebasanke bu bantu bamane kunua maluvu. Pamona bana babu bidi bienzeke ebi, nebasanke. Nebumvue musangelu munda muabu, bua bidi Maweja-Nangila muenze.

Matayi 5:12

Sankayi, sangalayi, bualu Mvidi Mukulu neanusankishe bikole mu diulu. Bambi bavua banudianjidile, bavua babakengesha amu mushindu ewu.

Luke 1:47

Ndi nsankidila bikole Mvidi Mukulu, mumpandishi wanyi.

Rome 5:11

Ki ngamu nanku to! Kadi tudi mua kuditumbisha kabidi munda mua Mvidi Mukulu, bualu bua Mfumu wetu Yezu Kristu, uvua mupingaje mpindiewu diumvuangana pankatshi petu ne Mvidi Mukulu.

2 Korente 13:11

Mpindiewu, bana hetu, kolayi! Nulonde amu njila mululame. Nukoleshangane ku muoyi. Nuenze tshintu tshimue. Sombayi ne bupole. Nanku Mvidi Mukulu udi utunanga, neatupe bupole buende. Neikale nenu.

Efeze 6:10

Nanku, kebayi bukole pa kudisanga ne Mfumu, bualu buende mbupite!

Dielulula 12:18

Bintu bia tshijila abi, nuenu, bana benu, bena mudimu benu, ne bena Levi, badi mu bimenga bienu, nenubidile amu muaba wa tshijila, wikale Maweja-Nangila Mvidi Mukulu wenu musungule. Nanku muaba awu nenuikale ne disanka dia bungi, bua bionsu binuikala bakumbaje.

Dielulula 16:11

Nuye ku nzubu wikale Maweja-Nangila musungule bua nuenu kumonangana nende. Muaba wa tshijila awu, nuenu bena Izrayele, nusanke ne bana benu, bena midimu benu, bena Levi, benyi banudi nabu, bana ba nshiya, ne bakaji bakamba badi munkatshi muenu.

Filipe 3:3

Bualu badibu bateka panshi menemene mu bulelela ntuetu, ki mbobu nansha. Bualu tuetu tudi tutendelela Mvidi Mukulu ku bukole bua Mueyelu wende. Tudi tuditemba amu bua Yezu Kristu. Katuena tutekemena ku bidi bantu benza.

Filipe 4:4

Sankayi matuku onsu, bualu nudi badisange ne Mfumu. Ndi ngambulula ne: sankayi.

Filipe 4:8

Nanku bana hetu, nutambe kutabalela bionsu bidi bimpe, kabidi bidi bantu mua kupa lumu: ke bionsu bidi bia bulelela, bidi bantu mua kunemeka, bidi biakane, bidi kabiyi ne kalema, bidi bisankisha bantu, bidi bantu mua kutumbisha.

1 Tesalonike 4:1

Bana hetu, tuvua banulongeshe binudi ne bua kuenza, bua nusankishe Mvidi Mukulu. Bushuwa nukadi nuenza nanku. Kadi mpindiewu tudi Umulomba, tunusengelela mu dina dia Mfumu Yezu ne: nuenze nupitshishe.

1 Tesalonike 5:16

Sankayi diba dionsu.

Yakobe 1:2

Bana hetu, nudimone bena diakalenga menemene, padi makenga a mishindu yonsu anukuata.

1 Petro 3:8

Mu tshikosu, bonsu buenu nuikale ne lungenyi lumue, kabidi ne muoyi umue. Nunangangane bu bana ba tatu ne mamu. Nuikale bantu ba muoyi mulenga, badi ne bupuekele munkatshi muabu.

1 Petro 4:13

Panudi nudisanga ne Kristu mu makenga ende, nusanke. Nanku pamueneka butumbi buende, nenusanke kabidi nutshionkomoka.

2 Petro 3:1

Bana hetu basuibue, ke mukanda muibidi undi nnufundila ewu. Mu mikanda yonsu ibidi, mvua musue kunutabuluja, bua nupete meji makane ku malongesha andi nnuvuluija.

1 Samuele 2:1

Ane kutendelela Maweja-Nangila, wamba ne: Maweja-Nangila mmunsankisha bikole. Ndi ne disanka bua bionsu bidi Maweja-Nangila mungenzela, tuambilambila, tuafua bundu. Ndi ne musangelu, Mvidi Mukulu mmungambuluishe.