Filipe 2:8 - MUKANDA WA MYIDI MUKULU

⁸ Uvua musue kudipuekesha. Kutumikilaye too ne ku lufu, too ne ku lufu lua ku mutshi mutshiamakane.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Ne hakamuenekeye mu tshifuanyikishi tshia muntu, yeye wakadihuekesha, wakalua mutumikidi tô ne ku lufu, ku lufu mene lua ha mutshi mutshiamakane.

Filipe 2:8 ပူးပေါင်းရင်းမြစ်များ

Misambu 22:16

Muminu mmungume, ludimi lulamate mu tshilakalaka. Wewe kunshiya mu lupuishi bu tshitalu!

Nsumuinu 15:33

Udi utshina Maweja-Nangila udi upeta meji. Udi udipuekesha ke udi mua kupeta lumu.

Matayi 17:2

Yezu kuandamuka mpala, balongi bende bamone. Mpala wende kukenka bu diba. Bilamba biende kutoka too.

Matayi 26:39

Yezu kupengama katantshi, kudiela mpala panshi, utendelela, wamba ne: — Tatu wanyi, pikalabi mua kuenzeka, ungumushile dikopu edi dia dikenga. Kadi bienzeke muudi musue wewe, kabienzeki mundi musue meme.

Matayi 26:42

Ke Yezu kuya kutendelela ku luseke musangu muibidi, wamba ne: — Tatu wanyi, bu dikopu edi kadiyi mua kumuka kundi, tshiyi mudinue, bienzeke amu muudi musue!

Luke 9:29

Patshivuaye utendelela, mpala wende kuandamuka, bilamba kukenka bikole, bibalakana.

Yowanane 10:18

Kakuena muntu udi unnyenga muoyi wanyi, kadi ndi ngufila mundi musue. Ndi ne bumfumu bua kuufila, kabidi ne bumfumu bua kuwangata tshiakabidi. Ke mukenji udi Tatu mungelele bua meme kuenza.

Yowanane 14:31

Kadi bidi bimpe bua ba pa buloba bamanye ne: ndi munange Tatu, kabidi ndi ngenza mudi Tatu untumina diyi. Jukayi, tumukayi apa!

Yowanane 15:10

Panudi nutumikila mikenji yanyi, nenushale mu dinanga dianyi, mumvua mutumikile mikenji ya Tatu, nshala mu dinanga diende.

Yowanane 4:34

Yezu kubambila ne: — Tshianyi tshiakudia nkukumbaja dijinga dia uvua muntume, kabidi nkujikija mudimu uvuaye mumfundile bua kuenza.

Bienzedi 8:33

Bavua bamupepeja, banyanga tshilumbu tshiende. Udi mua kuakula bua ndelanganyi yende nnganyi? Bualu bavua bamushipe pa buloba.

Rome 5:19

Bu muvua dibenga kutumikila dia muntu umue dipisha bantu bonsu ku mesu kua Mvidi Mukulu, ke mudi butumike bua muntu umue bubingisha kabidi bantu bonsu kumpala kuende.

2 Korente 8:9

Bualu nudi bamanye dinanga divua Mfumu wetu Yezu Kristu mutuleje. Uvua ne biuma, kadi mmudienze mupele bualu buenu, bua kununemesha ku bupele buende.

Ngalate 3:13

Kristu uvua mudienze muena tshibawu pa muaba wetu, bua kutupikula ku tshibawu tshituha natshi bualu bua mikenji. Bualu Mikanda ya tshijila idi yamba ne: “Muntu udibu balembeleja ku mutshi mmuena tshibawu.”

Dielulula 21:23

tshitalu atshi katshiladi kulu butuku to. Nutshijike amu dituku adi. Bualu tshitalu tshishale mushindu awu, tshidi mua kukebela bena ditunga dinyoka kudi Mvidi Mukulu. Nanku nudimuke, ditunga didi Maweja-Nangila Mvidi Mukulu wenu munupe bua kukuata, kanudinyangakaji ne mikiya to.

Tite 2:14

Yeye mene uvua mudifile buetu tuetu, bua kutupikula ku bubi buonsu, kutulengeja, kutuenza bantu bende badi bamuitaba amu Yeye, benza midimu mimpe ne disuminyina.

Ebrewu 12:2

Tutangile Yezu, mfuki wa ditaba dietu, udi mua kudifikisha kabidi ku bujima buadi. Bua kupeta disanka divuabu bamulamine, kuitabaye bua bamushipe ku mutshi mutshiamakane, kayi umvua bundu bua lufu lua mushindu ewu. Mpindiewu udi musombe ku dia balume dia nkuasa wa butumbi wa Mvidi Mukulu.

Ebrewu 12:4

Bualu nudi nuluisha mibi, kadi kanuena banji kuluangana too ne ku lufu.

1 Petro 2:24

Kristu mene uvua muambule pambidi pende mibi yetu pa mutshi mutshiamakane, bua tuetu, bafue bua bubi, tuende ne muoyi, tuenze bidi Mvidi Mukulu musue. mBanuondape ku mputa ivuabu bamutape.

1 Petro 3:18

Bualu Kristu mene mmufue musangu umue bua kashidi, bualu bua mibi ya bantu. Yeye, uvua kayi ne bualu, mmufuile bena tshibawu, bua kunufikisha kudi Mvidi Mukulu. mBamushipe, bualu uvua muntu. Kadi mbamubishe ku bafue ku bukole bua Mueyelu wa Tshijila.