Filipe 2:3 - MUKANDA WA MYIDI MUKULU

³ Kanuenji bualu nansha bumue ne meji a lubabu, nansha a kuditemba patupu. Kadi nudipuekeshe kudi bakuabu. Muntu yonsu atangile bantu bakuabu bu badi bamupite.

Mukanda wa Nzambi Dihungila Dikulukulu ne Dihungila Dihia-dihia 2003

³ Kanuenji muanda bua ditahuluka anyi bua kuditumbisha kua hatuhu; kadi mu mitshima mihuekela muntu ne muntu abale mukuabo bu muntu udi umutamba yeye buimpe.

Filipe 2:3 ပူးပေါင်းရင်းမြစ်များ

Nsumuinu 13:10

Diditambisha didi dikeba matandu. Muntu udi uteleja mibelu udi ne meji.

Luke 18:14

Ndi nnujadikila ne: muntu ewu mmupingane kuende, mutokela Mvidi Mukulu ku muoyi, kadi mukuabu awu to. Bualu muntu yonsu udi uditambisha, nebamupuekeshe. Kadi yonsu udi ndipuekesha, neapete lumu.

Rome 12:10

Nanganganayi, mudi bana ba muntu umue banangangana. Nunemekangane ne disuminyina.

Rome 13:13

Tuenze malu mimpe, bu bantu bakadi benda mu butoke bua dituku. Tulekelayi budiavi, bunuavi, malu a bundu, ne buenzavi bukuabu, matandu ne lubabu.

Rome 2:8

Kadi bavua bamutombokela, babenga bulelela, badifila ku malu mabi, neabaleje tshiji tshiende ne kanyinganyinga kende.

1 Korente 15:9

Bulelela, ndi mushadile kudi bapostolu bonsu, tshiena nansha mukumbane bua bambikile mupostolu, bualu mvua mukengeshe Tshisumbu tshia bena ditaba.

1 Korente 3:3

bualu nutshidi nusomba bu bantu ba panu. Nudi nubabangana, nutandangana. Ke bidi bileja ne: nudi bantu ba panu, nuenza amu bidi bantu bakuabu bonsu benza.

2 Korente 12:20

Ndi ntshina ne: pangafika, tshiakunusangana mushindu undi musue. Tshiyi munusangane nanku, nuenu kabidi kanuakunsangana mushindu unudi basue. Bumue nensangane amu mvita ne lubabu, tshiji ne difuilakana dia mianzu, bipendu ne buakulavi, ditambisha ne buenzavi. Ke tshindi ntshina.

Ngalate 5:15

Kadi panudi nusumangana, nusunsulangana, bu nyama ya lonji, nudimuke, tshianana nenubutulangane.

Ngalate 5:26

Kanuditambishi, katufikishanganyi munda, katutekedianganyi lubabu.

Efeze 4:2

Diba dionsu nudipuekeshe. Nuikale ne lutulu, kabidi ne diyi dimpe. Nulengululangane bilema, nunangangane.

Efeze 5:21

Bu munudi nunemeka Mfumu, nutumikilangane.

Filipe 2:14

Enzayi bionsu, kanuyi nudiabakena, kanuyi nutontolola.

Kolose 3:12

Nudi bena Tshisumbu tshia bantu ba Mvidi Mukulu. Mvidi Mukulu mmununange; mmunusungule bua nuikale bende. Nanku nudi ne bua kuikala ne muoyi wa luse, wa dinanga, wa bupuekele, wa bupole, ne wa lutuulu.

Kolose 3:8

Kadi mpindiewu bengayi bionsu ebi: tshiji, difika munda, tshikisu. Kanupendi muntu, kanuakudi miaku mibi.

1 Timote 6:4

muntu awu mmuena ditambisha. Kena mumanye tshintu to. Udi ujinga kuelangana mpata ya bupale, ne kutandangana amu bua miaku. Ke kudi kufuma lubabu, matandu, bipendu, dielela muntu meji mabi,

1 Petro 3:8

Mu tshikosu, bonsu buenu nuikale ne lungenyi lumue, kabidi ne muoyi umue. Nunangangane bu bana ba tatu ne mamu. Nuikale bantu ba muoyi mulenga, badi ne bupuekele munkatshi muabu.

1 Petro 5:5

Nuenu kabidi bansonga, nutumikile bakulumpe. Kadi nuenu bonsu nudipuekeshe, nuambuluishangane. Bualu mbafunde mu Mukanda wa tshijila ne: “Mvidi Mukulu udi uluisha bena ditambisha. Kadi udi wambuluisha ne disanka badi badipuekesha.”