Filipe 2:26 - MUKANDA WA MYIDI MUKULU

²⁶ mMunusamine bonsu muoyi, mulubakane kabidi, bualu nuvua bumvue ne: udi usama.

Mukanda wa Nzambi Dihungila Dikulukulu ne Dihungila Dihia-dihia 2003

²⁶ Bualu bua yeye wakanujinga buonso buenu, ne wakabungama bikole bua nuenu nuakunsua lumu ne, Yeye udi usama.

Filipe 2:26 ပူးပေါင်းရင်းမြစ်များ

2 Samuele 13:39

Kanyinganyinga kavua mukalenga Davide naku, bua lufu lua Amnone kamane kujika, tshiji tshivuaye mutekele Absalome kujika patshi.

2 Samuele 24:17

Davide mumane kumona mutumibue uvua ubutula bena Izrayele, kuambilaye Maweja-Nangila ne: — Meme ndi muena tshibawu. Meme ndi muenze bibi. Kadi bantu aba kabena benza bualu bubi to. Nanku mbimpe unyoke meme, ne bena nzubu wanyi.

Yobe 9:27

Meme kuamba ne: mbimpe kupua ntatu yanyi muoyi, meme kusanka, kutua mimuemue.

Misambu 69:20

Udi mumanye mudibu bampenda, bamfuisha bundu, bampetula; udi mumone kumpala kuanyi baluishi banyi bonsu.

Nsumuinu 12:25

Ntatu idi itekesha muntu mu maboku. Muaku muimpe udi umukolesha ku muoyi.

Yeshaya 61:3

bua kusankisha bena mu Siyone badi badila muadi. Ndi ne bua kubasa tshifulu tshia lumu, pa mutu pa butu buvuabu babalabe ku mitu. Ndi ne bua kubalaba mafuta a mupuya muimpe, bua kumusha dibungama didi pa mpala yabu. Ndi ne bua kubavuadika tshilamba tshia tshibilu, bua kumusha kanyinganyinga kadi mu muoyi wabu. Nanku nebabafuanyikije ne mitshi idi isankisha Mvidi Mukulu, nansha ne lupangu luimpe ludi luleja butumbi bua Maweja-Nangila.

Matayi 11:28

Vuayi kundi, nuenu bonsu badi bapungile ne bujitu bunudi nuambula. Meme nelumpeteshe dikisha.

Matayi 26:37

Ke Yezu kuya ne Petro, kabidi ne bana babidi ba Zebede. Kutuadijaye kubungama ne kupampakana.

Bienzedi 21:13

Kadi yeye kutuandamuna ne: — Nudi nudila, nukeba kuntekesha mu maboku bua tshinyi? Meme ndi nganyisha ki amu bua bansuike mionji, apu kabidi ne bua kutuila Mfumu Yezu mu Yerushalayime.

Rome 1:11

Bualu ndi njinga bikole kunumona, bua kunutuadila mapa makuabu a Mueyelu wa Tshijila adi mua kunukolesha mu ditaba.

Rome 12:15

Sankayi ne badi basanka, nudile ne badi badila.

Rome 9:2

ndi ne dibungama dinene, ngumvua dikenga tshiyi mpeta dikisha.

1 Korente 12:26

Padi tshidimba tshia mubidi tshimue tshisama, bidimba bionsu bidi bisama pamue natshi. Padibu batumbisha tshidimba tshimue, bidimba bikuabu bionsu bidi bisanka pamue natshi.

2 Korente 9:14

Nebanulombele kudi Mvidi Mukulu. Nebanunange bikole, padibu bamona mudi Mvidi Mukulu mupite kunuenzela bimpe.

Ngalate 6:2

Ambuluishanganayi bua kuambuishangana majitu. Ke munudi nutumikila mikenji ya Kristu nanku.

Efeze 3:13

Ke pandi nnulomba bua kanuteketshi mu maboku, bua mabika ne mala andi mmona bualu buenu. Neanupeteshe diakalenga ne lumu.

Filipe 1:3

Ndi ngela Mvidi Mukulu wanyi tuasakidila misangu yonsu indi nnuvuluka.

Filipe 1:8

Mvidi Mukulu mmujadike bulelela bua bindi ngamba ebi se: ndi mununange bonsu ne dinanga dinene didi Yezu ununanga nadi.

Filipe 2:25

Ndi muele meji ne: mbimpe kunupingajila muanetu Epafrodite. Uvua mukuate nanyi mudimu, muendakane nanyi mu mvita. Yeye ke unuvua bantumine bua angambuluishe mu dikenga dianyi.

Filipe 2:27

Bushuwa uvua musame bikole, muambe kufua. Kadi Mvidi Mukulu mmumufuile luse. Ki mmumufuile amu yeye nkayende luse; mmutufuile ne meme kabidi, bua tshipetshi dibungama dinene dipite.

Filipe 4:1

Bana hetu basuibue, ke munudi mua kuikala bantu bashindame, badi badisanga ne Mfumu. Ndi njinga bikole kumonangana nenu. Nudi nunsankisha. Ndi nditemba kabidi bualu buenu.

1 Petro 1:6

Ke munudi nusanka, nansha munudi ne bua kubungama mpindiewu amue matuku bua makenga a mishindu yonsu adi anukuata.