Filipe 2:25 - MUKANDA WA MYIDI MUKULU

²⁵ Ndi muele meji ne: mbimpe kunupingajila muanetu Epafrodite. Uvua mukuate nanyi mudimu, muendakane nanyi mu mvita. Yeye ke unuvua bantumine bua angambuluishe mu dikenga dianyi.

Mukanda wa Nzambi Dihungila Dikulukulu ne Dihungila Dihia-dihia 2003

²⁵ Kadi nakuelangana meshi ne, Bualu buakunkuata bua kunutumina Epafodito, muanʼetu wa mu Kilisto ne muena mudimu nʼanyi ne disalayi nʼanyi ne musheshe wenu ne mukuatshishi wanyi ne bintu bindi nkengela.

Filipe 2:25 ပူးပေါင်းရင်းမြစ်များ

Nsumuinu 25:13

Bu mudi mayi matalala akolesha muntu tshikondu tshia luya tshidibu banowa bia pa madimi, ke mudi muntu udi ukumbaja bualu budibu bamutumine ukolesha mfumuende ku muoyi.

Yowanane 13:16

Ndi nnujadikila ne: muena mudimu kena mua kuikala ku mutu kua mfumuende. Kabidi mutumibue kena mua kuikala ku mutu kua uvua mumutume nansha.

Yowanane 17:18

Mvua mubatume pa buloba, muuvua muntume pa buloba.

Rome 16:3

Elayi Priskila ne Akuila muoyi. Ke bantu batudi tukuatshila nabu Kristu mudimu.

Rome 16:9

Elayi Urbene, utudi tukuatshila nende Kristu mudimu, muoyi. Kabidi ne Stakise wanyi musuibue.

1 Korente 3:9

Bualu tudi tukuatshila Mvidi Mukulu mudimu amu umue, kabidi nuenu nudi budimi bua Mvidi Mukulu. Tudi mua kuamba kabidi ne: nudi nzubu wa Mvidi Mukulu.

2 Korente 2:13

Kadi mvua mupampakane bikole, bualu tshivua musangane muanetu Tite. Ke mumvua mulayangane ne bena mu Trowase, bua kuya ku Masedoniya.

Filipe 2:26

mMunusamine bonsu muoyi, mulubakane kabidi, bualu nuvua bumvue ne: udi usama.

Filipe 4:18

Ndi nnujadikila ne: nkadi mupete bionsu binuvua bantumine. Bidi bikumbane bipite. Bu mudi Epafrodite muntuadile mpindiewu bimuma basue kumpesha, bionsu bindi nkengela, ndi nabi. Bintu bienu bidi bu mulambu wa dipembu dimpe, udi Mvidi Mukulu wanyisha, umusankisha.

Filipe 4:3

Wewe kabidi, Sizikuse, muena mudimu nanyi wa diyi dimue, ndi nkulomba ne: ubambuluishe. Bualu bobu bavua bangambuluisha bikole bua kutangalaja Lumu lua Disanka, pamue ne Kleman, kabidi ne bena mudimu nanyi bakuabu bonsu. Mena abu adi mu mukanda wa muoyi.

Kolose 1:7

Epafrase, udi wenzela Kristu mudimu pamue netu, ke uvua munulongeshe bualu abu. Mu mudimu udiye unukuatshila, udi ulamata Kristu ne muoyi umue.

Kolose 4:11

Yezu, udi dina dikuabu Yustuse, udi kabidi unuela muoyi. Ku bena Yuda amu bantu basatu aba, ke bavua bitabe Kristu. Tudi tukuata nabu mudimu wa kutantshisha Bukalenga bua Mvidi Mukulu. Bavua bakamba bikole be.

1 Tesalonike 3:2

Tuvua banutumine Timote. Yeye ke muanetu utudi tukuatshila nende Mvidi Mukulu mudimu wa kumanyisha bantu Lumu lua Disanka lua Kristu. Tuvua banutumineye bua anukankamike, anukoleshe ku muoyi mu ditaba dienu.

Filemone 1:24

Marke, Aristarke, Demase ne Luke, badi bakuata nanyi mudimu, badi banuela kabidi muoyi.

Ebrewu 3:1

Nanku, bana hetu bena ditaba, nuenu batata Mvidi Mukulu mubikile kabidi, nutangile Yezu utata Mvidi Mukulu mutume bua kuikalaye mutuangaji munene utudi tutonda mu ditaba dietu.