Filipe 2:22 - MUKANDA WA MYIDI MUKULU

²² Nudi bamanye muvua Timote muleje patoke mudiye muntu wa muoyi umue. Bu mudi muana wambuluisha tatuende, ke mudiye ungambuluisha mu mudimu wa kutangalaja Lumu lua Disanka.

Mukanda wa Nzambi Dihungila Dikulukulu ne Dihungila Dihia-dihia 2003

²² Kadi nudi bamanye bujalami buandi ne, bu mudi muana ne tatu wandi, nunku yeye wakakuata nʼanyi mudimu wa mu lumu luimpe.

Filipe 2:22 ပူးပေါင်းရင်းမြစ်များ

Bienzedi 16:2

Bena ditaba ba mu Listra, ne ba mu Ikoniyume, bavua banyishe Timote bikole.

Rome 5:4

lutulu ludi lupetesha muoyi mukole mu mateta, muoyi mukole udi upetesha ditekemena.

1 Korente 16:10

Pikala Timote mufike, numuakidile bimpe muenu. Bualu udi ukuatshila Mfumu mudimu, mundi ngenza meme.

1 Korente 4:17

Ke mundi nnutumina Timote, muananyi munanga, wa diyi dimue munda mua Mfumu. Yeye neanuvuluije bindi ngenza mu didisanga dianyi ne Yezu Kristu. Neanulongeshe malu andi ndongesha miaba yonsu mu Bisumbu bionsu bia bena ditaba.

2 Korente 2:9

Bualu pamvua munufundile mukanda wanyi, mvua musue kunuteta kabidi, bua mmone ne: nutshidi amu basue kuitaba bindi nnufundila anyi?

2 Korente 8:22

Tudi tubatuma ne muanetu mukuabu, utuvua bamane kuteta misangu ya bungi. Tuetu kumusangana ne disuminyina misangu yonsu. Kadi mpindiewu udi ne disuminyina dipite, bualu udi munutekemene bikole.

2 Korente 8:24

Nubaleje munudi babanange bulelela, bua mu Bisumbu bionsu bia bena ditaba bantu bajadike ne: tuvua tuditemba bualu buenu amu pa bualu.

2 Korente 8:8

Tshiena nnuelela mukenji. Kadi ndi nnusonsola, nnuleja muvua bakuabu bakuata mudimu ne disuminyina, bua nuleje kabidi patoke munudi nunanga bantu.

Filipe 1:12

Bana hetu, ndi musue bua numanye ne: bivua bingenzekele bivua amu bitangalaja Lumu lua Disanka.

Filipe 1:16

Bobu abu badi benza nanku, bualu badi bannange, bamanye ne: Mvidi Mukulu mmumpeshe mudimu wa kulumbuluila Lumu lua Disanka.

Filipe 1:5

Bualu biangatshile ku dituku dia kumpala, too ne mpindiewu, nuvua bangambuluishe bikole bua kutangalaja Lumu lua Disanka.

Filipe 1:7

Ndi ngenda nenu bonsu mu muoyi. Nanku bindi ngumvua bualu buenu bidi amu pa bualu. Nansha lelu mundi mu lukanu, nansha diba dimvua ndumbuluila Lumu lua Disanka, njadika bulelela bualu, nudi amu nudisanga nanyi mu dinanga divua Mvidi Mukulu mundeje.

Filipe 2:20

Yeye nkayende ke udi utata pamue nanyi, unutatshila ne nuenu kabidi.

1 Timote 1:18

Timote wanyi, ndi nkupesha mudimu ewu, bilondeshile miaku ya bambi ivuabu bakule kale bualu buebe. Miaku eyi ikukoleshe mu maboku, bua uluangane mvita mimpe.

1 Timote 1:2

Timote, muananyi menemene mu ditaba, ndi nkufundila mukanda ewu, nkujingila ne: dinanga, luse, ne bupole, bia kudi Mvidi Mukulu Tatu ne Mfumu wetu Yezu Kristu, bishindame mu muoyi webe.

1 Timote 4:6

Paudi ulongesha bana hetu malu aa, newikale muena mudimu muimpe wa Yezu Kristu. Neuleje muudi ukeba tshiakudia tshiebe tshia muoyi, mu miaku ya ditaba, ne mu malongesha malelela avuabu bakulongeshe.

2 Timote 1:2

Timote, muananyi munanga, ndi nkutumina mukanda ewu, nkujingila ne: dinanga, luse, ne bupole, bia kudi Mvidi Mukulu Tatu ne Mfumu wetu Yezu Kristu bishindame munda muebe.

2 Timote 3:10

Kadi wewe uvua mundonde mu bimvua ndongesha, mu bimvua ngenza, kabidi ne mu bimvua ngipatshila. Uvua muidikije ditaba dianyi, lutuulu banyi, dinanga dianyi, muoyi mukole umvua nawu.

Tite 1:4

Wewe Tite udi muananyi mulelela mu ditaba didi didisanga nebe. Ndi nkufundila mukanda ewu, nkujingila ne: dinanga ne bupole bia kudi Mvidi Mukulu Tatu ne Yezu Kristu, Musungidi wetu, bishindame munda muebe.