Filipe 2:19 - MUKANDA WA MYIDI MUKULU

¹⁹ Pasua Mfumu Yezu, ndi ntekemena kunutumina Timote lukasa, bua papinganaye, antuadile ngumu ya kuenu, ankoleshe ku muoyi.

Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Ndi ntekemena mu Mukelenge Yesu bua kunutumina Timote tshituha tshihi bua meme kuikala ne busambi buimpe hanamanya malu enu.

Filipe 2:19 ပူးပေါင်းရင်းမြစ်များ

Yirmeya 17:5

Maweja-Nangila udi wamba ne: — Ndi ndiwula muntu yonsu udi umbenga meme, utekemena kudi muntu mukuabu, ukeba bukole anu kudi bantu badi kabayi nabu.

Matayi 12:21

Bisamba bionsu nebitekemene kudiye.”

Bienzedi 16:1

Polu kufika mu Derbe, pashishe mu Listra. Muine amu muvua muena ditaba, dina diende Timote. Mamuende uvua muena Yuda mumane kubuela mu Tshisumbu tshia bena Kristu. Tatuende uvua muena Ngreke.

Rome 15:12

Yeshaya kabidi udi wamba ne: “Muntu wa ku ndelanganyi ya Ishayi neafike, neajuke bua kulombola matunga. Bisamba bionsu nebimutekemene amu yeye.”

Rome 16:21

Timote, utudi tukuata nende mudimu, udi unuela muoyi, kabidi ne Lukiyuse, Yazone ne Sosipatere, bana hetu.

1 Korente 4:17

Ke mundi nnutumina Timote, muananyi munanga, wa diyi dimue munda mua Mfumu. Yeye neanuvuluije bindi ngenza mu didisanga dianyi ne Yezu Kristu. Neanulongeshe malu andi ndongesha miaba yonsu mu Bisumbu bionsu bia bena ditaba.

Efeze 1:13

Nuenu kabidi diba dinuvua bumvue muaku mulelela, Lumu lua Disanka ludi lunupetesha lupandu, nuvua bitabe Kristu. Diba adi Mvidi Mukulu uvua munupe Mueyelu wende uvuaye mulaye, munutue tshitampi tshiende, bua kunuleja munudi bantu bende menemene.

Filipe 1:1

Meme Polu ne Timote, badi bakuatshila Yezu Kristu mudimu, tudi tunufundila, nuenu bonsu badi bitaba Yezu Kristu mu Filipe, kabidi ne bamfumu ne babambuluishi babu ba mu Tshisumbu tshienu, mukanda ewu.

Filipe 2:18

Nuenu kabidi nudi ne bua kusanka, kumbueja mu disanka dienu.

Filipe 2:28

Ke pandi musue kunutumina Epafrodite lukasa, bua nusanke panuamonangana nende, kabidi bua dibungama dianyi dijike.

1 Tesalonike 3:2

Tuvua banutumine Timote. Yeye ke muanetu utudi tukuatshila nende Mvidi Mukulu mudimu wa kumanyisha bantu Lumu lua Disanka lua Kristu. Tuvua banutumineye bua anukankamike, anukoleshe ku muoyi mu ditaba dienu.

1 Tesalonike 3:5

Nanku bu mumvua tshiyi mua kuindila kabidi, meme kutuma Timote, bua adijadikile munudi nutungunuka mu ditaba. Mvua ntshina ne: bumue diabolu udi mua kunuteta, kunyanga mudimu wonsu utuvua benze.

2 Tesalonike 1:3

Bana hetu, tudi tuela Mvidi Mukulu tuasakidila bualu buenu, katuyi tupungila. Bidi bimpe bua tuetu kuenza nanku, bualu ditaba dienu didi diya amu kumpala, dinanga kabidi didi yonsu wa kunudi munange nadi bakuabu didi didiunda amu kudiunda.

2 Timote 1:12

Ke pandi ne bua kukenga nanku. Kadi tshiena nteketa mu maboku, bualu ndi mumanye undi mutekemene. Ndi mushindike ne: udi ne bukole bua kulama bimpe bivuaye mumpeshe, too ne ku dituku dia Tshilumbuluilu.

Yakobe 4:15

Nuvua mua kuamba ne: “Pasua Mvidi Mukulu, netuikale ne muoyi, netuenze etshi, netuenze tshiatshia.”

1 Petro 1:21

Kudi Kristu ke kunudi nuitabila Mvidi Mukulu, uvua mumubishe ku lufu, mumupe butumbi buende. Ke panudi nuitaba Mvidi Mukulu, nutekemena kabidi kudiye.