Filipe 2:17 - MUKANDA WA MYIDI MUKULU

¹⁷ Ndi kumpala kua Mvidi Mukulu bua kumulambula ditaba dienu. Pamue apa nebasakidile muoyi wanyi ku mulambu wenu. Nansha biobi bienzeka nanku, nensanke, nnubueje bonsu mu disanka adi.

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ E, bulelela, binahongolodibua ha mulambu ne ha ditendelela dia ditabusha dienu, ndi nsanka bianyi, ne ndi nsanka ne buonso buenu;

Filipe 2:17 ပူးပေါင်းရင်းမြစ်များ

Dibadika 28:6

Matuku onsu, nundambule mulambu wa kuosha mushindu umue ne mulambu unuvua bangoshile ku mukuna wa Sinayi, bua dipembu diawu dinsankishe.

Dibadika 28:7

Dinda nulambule muana wa mukoku muaba wa tshijila, pamue ne litre wa mvinyo umue ne tshitupa.

Bienzedi 20:24

Kadi kushala ne muoyi kakuena ne mushinga kundi. Tshidi ne mushinga tshidi anu kujikija mudimu wanyi, kukumbaja mudimu uvua Mfumu mungomekele: ke kukobola Lumu lua Disanka lua mudi Mvidi Mukulu mutunange, mutufuile luse.

Bienzedi 21:13

Kadi yeye kutuandamuna ne: — Nudi nudila, nukeba kuntekesha mu maboku bua tshinyi? Meme ndi nganyisha ki amu bua bansuike mionji, apu kabidi ne bua kutuila Mfumu Yezu mu Yerushalayime.

Rome 12:1

Bana hetu, padi Mvidi Mukulu muleje nanku mudiye utufuila luse, ndi nnusengelela bua nudifile kudiye bu mulambu udi ne muoyi, bu mulambu wa tshijila, udi umusankisha. Ke mushindu muimpe unudi ne bua kumutendelela.

Rome 15:16

dia meme kuikala muena mudimu wa Yezu Kristu bua bisamba bikuabu. Ndi nkumbaja mudimu wa tshijila wa mutuangaji ewu, pandi ndongesha Lumu lua Disanka lua Mvidi Mukulu, bua Mueyelu wa Tshijila ujidile bantu ba bisamba bikuabu, bikale bu mulambu udi ulengelela Mvidi Mukulu.

2 Korente 12:15

Ndi njinga kufila bionsu bindi nabi ne disanka bualu buenu. Nendifile ne meme mene bua kunuambuluisha. Kadi dinnanga dienu nedikepele, padi dinunanga dianyi dienda divulangana anyi?

2 Korente 4:12

Nunku lufu ludi luenza mudimu munda muetu, kadi muoyi udi wenza mudimu munda muenu.

2 Korente 6:10

Badi batubungamija, kadi tudi tuleja amu disanka. Tudi tumueneka bu bapele, kadi tudi tunemesha bantu bavule. Tudi tumueneka bu badi ku bianza kutupu, kadi tudi ne bionsu.

2 Korente 7:4

Ndi nnuambila malu onsu patoke! Ndi nditemba bualu buenu! Mu makenga etu onsu ndi mukoleshe amu muoyi, mumvue kabidi amu disanka dipite.

Filipe 1:20

Bualu ndi ngindila, ntekemena bikole ne: Mvidi Mukulu kakumfuisha bundu nansha. Matuku onsu, kadi nangananga lelu, nengikale amu ne muoyi mushindame. Nansha meme ne muoyi, nansha nkeba kufua, nentumbishe Kristu muanyi muonsu.

Filipe 2:18

Nuenu kabidi nudi ne bua kusanka, kumbueja mu disanka dienu.

Filipe 2:30

Bualu uvua wamba kufua bua mudimu wa Kristu. Uvua mudiele mu njiwu ya lufu, bua kungenzela mudimu unuvua nuenu kanuyi mua kunkuatshila.

Filipe 4:18

Ndi nnujadikila ne: nkadi mupete bionsu binuvua bantumine. Bidi bikumbane bipite. Bu mudi Epafrodite muntuadile mpindiewu bimuma basue kumpesha, bionsu bindi nkengela, ndi nabi. Bintu bienu bidi bu mulambu wa dipembu dimpe, udi Mvidi Mukulu wanyisha, umusankisha.

Kolose 1:24

Mpindiewu ndi nsanka bua makenga adi mankuate bualu buenu. Bualu ku makenga anyi, ndi nkumbaja makenga adi Kristu kayi muanji kumvua bua mubidi wende, momumue ne bua Tshisumbu tshia bena ditaba.

1 Tesalonike 2:8

Bu mutuvua banunange bikole, katuvua amu ne dijinga dia kunumanyisha Lumu lua Disanka lua kudi Mvidi Mukulu. Tuvua basue kabidi kufila nansha muoyi wetu mene bualu buenu. Bualu nukavua bantu ba mushinga kutudi.

2 Timote 4:6

Diba dianyi dia kumfilabu bu mulambu diakukumbana. Tshikondu tshia meme kufua tshiafiki.

1 Petro 2:5

Nudifile bu mabue a muoyi, bua Mueyelu wa Tshijila umone mua kuibaka nenu nzubu wa Mvidi Mukulu. Nanku nenuikale tshisumbu tshia batuangaji ba tshijila, badi ne bua kulambula Mvidi Mukulu milambu, idi imusankisha bualu bua Yezu Kristu.

1 Yone 3:16

Mutudi bamanye tshidi dinanga mmunyi? Bualu Yezu Kristu wakafua muoyi wende bualu buetu. Nanku tuetu kabidi tudi ne bua kufila muoyi wetu bua bana hetu.