Filipe 2:16 - MUKANDA WA MYIDI MUKULU

¹⁶ diba dinudi nubalongesha muaku udi utupetesha muoyi. Nuenu benze nanku, nemmone mua kuditemba bualu buenu, dituku diafika Kristu. Bualu dituku adi nebimueneke ne: mudimu wanyi, ne lutatu luanyi, kabivua tshianana to.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ nuboluele dî dia muoyo; bua meme kuikala ne bua mua kutumbila nʼabu mu dituta dia Kilisto ne, Tshiakidikisha lubilu tshianana ne tshiakenza mudimu wanyi hatuhu.

Filipe 2:16 ပူးပေါင်းရင်းမြစ်များ

Misambu 40:9

Mvidi Mukulu wanyi, ndi musue kukumbaja biudi ujinga. Ndi mulame mikenji yebe mu muoyi wanyi.

Misambu 71:17

Mvidi Mukulu wanyi, udi mundongeshe biangatshile ku buana buanyi. Too ne lelu, ntshidi amu mmanyisha malu a dikema audi muenze.

Yeshaya 49:4

Kadi meme, mvua ngela meji ne: mvua mukuate mudimu wanyi tshianana, mvua mudibambe muanyi muonsu, kakuyi tshipeta nansha tshimue. Kadi Maweja-Nangila neapeshe bindi ne bua kupeta. Mvidi Mukulu wanyi neansankishe.

Matayi 10:27

Bualu bundi nnuambila mu midima, nubuambe patoke; bunudi numvua bamba mu musokoku, nubuambe, bantu bonsu bumvue.

Luke 12:8

— Ndi nnuambila ne: muntu yonsu udi wambila bantu patoke ne: Ndi ngitaba Muana wa muntu, meme kabidi kumpala kua batumibue ba Mvidi Mukulu nengitabe ne: muntu ewu ngwanyi!

Yowanane 6:63

Mueyelu wa Tshijila ke udi ufila muoyi. Muntu nkayende kena ne tshidiye mua kuenza nansha. Miaku imvua munuambile idi Mueyelu ne muoyi.

Yowanane 6:68

Simone Petro kumuandamuna ne: — Mfumu, netuye kudi nganyi? Wewe ke udi ne miaku idi ifila muoyi wa tshiendelele.

Bienzedi 13:26

Bana betu, nuenu ndelanganyi ya Abrahame, kabidi ne nuenu bena bisamba bikuabu bitabi ba Mvidi Mukulu, mbatutumine tuetu bonsu mukenji wa lupandu ewu.

1 Korente 1:8

Yeye neanuambuluishe, bua nushale bashindame ne ku ndekelu, bua muntu kamonyi mua kunuasa tshilumbu nansha tshimue, dituku diafika Mfumu wetu Yezu Kristu.

1 Korente 9:26

Ke pandi nnyema, ntangila tshindi ngipatshila. Tshiena bu mututshianganyi udi wela dinkomu kua patupu.

2 Korente 1:14

Ndi ntekemena ne: dinku dikuabu nenubijingulule bionsu, bua dinku dia Mfumu Yezu numone mua kuditemba bualu buen, mundi tuetu nditemba bualu buenu.

Ngalate 2:2

Mvidi Mukulu mene uvua mundeje mumvua ne bua kuyaku. Patuvua nkayetu mu tshisangilu ne balombodi ba Tshisumbu, mvua mubumvuije Lumu lua Disanka lundi ndongesha bantu ba bisamba bikuabu. Tshivua musue bua mudimu umvua nkuata kale, nansha undi nkuata lelu, wikale wa tshianana.

Ngalate 4:11

Ndi mpampakana bikole bualu buenu! Mudimu mukole undi munukuatshile, neupete tshipeta anyi?

Filipe 1:10

bua numone mua kujingulula bidi biakane. Nanku dituku diafika Yezu Kristu, nenuikale kanuyi kalema, kabayi mua kunudiwula.

Filipe 1:6

Mvidi Mukulu uvua mutuadije mudimu muimpe awu munkatshi muenu, ndi mujadike ne: neatungunuke nawu too ne muajikawu, dituku diafika Yezu Kristu.

1 Tesalonike 2:19

Bualu amu nuenu, nudi ditekemena ne disanka dietu, ki mbantu bakuabu to! Nuenu ke badi baleja bantu mutudi batshimune. Amu bualu buenu, ke mutuaditambishila pafika Mfumu wetu Yezu Kristu.

1 Tesalonike 3:5

Nanku bu mumvua tshiyi mua kuindila kabidi, meme kutuma Timote, bua adijadikile munudi nutungunuka mu ditaba. Mvua ntshina ne: bumue diabolu udi mua kunuteta, kunyanga mudimu wonsu utuvua benze.

Ebrewu 4:12

Bualu muaku wa Mvidi Mukulu udi muoyi kabidi ne bukole. Udi mutue mupite muele wa nkanza. Udi ubuela too ne muaba udi muoyi wa muntu ne mueyelu bipetangana, too ne muaba udi manungu ne bongu bua mu mifuba bilengangana. Udi upisha nansha ubingisha majinga ne meji adi mu muoyi wa muntu.

1 Petro 1:23

mBanulele tshiakabidi, ki nkudi batatu badi bafua, kadi kudi Tatu udi ne muoyi wa tshiendelele, ku muaku wa muoyi wa Mvidi Mukulu udi ushala kashidi.

1 Yone 1:1

Tudi tunufundila bua Muaku udi upetesha muoyi. Muaku awu uvuaku biangatshile ku tshibangidilu tshia bionsu. Tuvua bawumvue, baumone ne mesu etu, bautangile, baulenge ne bianza bietu.

Didimanyisha 22:17

Mueyelu wa Tshijila, ne Mukaji udi ubuela mu dibaka, badi bamba ne: “Luaku!” Udi mumvue muaku ewu, ambe kabidi ne: “Luaku!” Muntu udi ne nyota, asemene pabuipi. Muntu udi ujinga kunua mayi a muoyi, nebamupewu tshianana.