Filipe 2:15 - MUKANDA WA MYIDI MUKULU

¹⁵ Ke munudi mua kuikala bantu bimpe, ba munda mutoke. Nenusombe panu munkatshi mua bantu babi, bapambuke, bu bana ba Mvidi Mukulu, badibu kabayi mua kudiwula. Nudi ne bua kukenka munkatshi muabu bu mitotu ya mu diulu,

Mukanda wa Nzambi Dihungila Dikulukulu ne Dihungila Dihia-dihia 2003

¹⁵ bua nuenu nulue bantu badi kabai ne bualu ne badi ne mitshima mitoke, bu bana ba Nzambi badi kabai ne tshilema munkatshi mua bena tshikondo tshikonyangala ne tshia tshishiku; banudi numueneka munkatshi muabo du minda ya ha buloba,

Filipe 2:15 ပူးပေါင်းရင်းမြစ်များ

Misambu 122:5

Muebe kabidi ke mudi nkuasa wa bumfumu, udi muana wa Davide usomba, bua kukosa nsambu.

Ekesode 34:35

Kadi pavua bena Izrayele balengame batangile mpala wa Moshe bu muvuaye ukenka, Moshe uvua ubuikila tshilamba pa mpala too ne papinganaye kabidi kudi Mvidi Mukulu.

Nsumuinu 4:18

Njila udi bantu bakane balonda, udi bu butoke bua mu dinda, budi buenda buvulangana too ne mudi munya ukola.

Nsumuinu 8:8

Ndi ngamba malu anu mudiwu, tshiena nshima, tshiena ndinga bantu to.

Yeshaya 60:1

Yerushalayime, juka, ukenke bu diba! Bualu meme ndi mfika, meme butoke buebe. Lumu lua Maweja-Nangila nelukutokeshe, bu diba ditshidi dipatukilaku.

Danyele 6:4

Uwa mupite bamfumu babidi bakuabu, ne balombodi bonsu ba bitupa bia buloba, ku lungenyi lua pa bualu luvuaye nalu. Mukalenga wa bakalenga uvua musue kumupesha muanzu wa kutangila malu a mu bukalenga buende bonsu.

Matayi 10:16

— Telejayi! Ndi nnutuma bu mikoku munkatshi mua nkashama. Nanku nuikale ne budimu bu bua nyoka, kabidi ne muoyi mulenga bu wa nyunyu wa nkudimba.

Matayi 17:17

Yezu kuandamuna ne: — Nuenu nudi bantu babi, badi kabayi bitaba Mvidi Mukulu! Nenshale nenu kabidi matuku bungi munyi? Nengikale amu ndengulula malu enu too ne ku diba kaayi? Semenayi ne muana kundi apa.

Matayi 5:45

Nanku nenuikale bana ba Tatu wenu udi mu diulu, bualu Yeye udi ubandishila bantu babi ne bantu bimpe diba diende; kabidi udi utekesha mvula bua bantu bonsu, bua badi benza bimpe, ne bua badi benza bibi.

Matayi 5:48

Nuikale bantu balenga tshishiki, bu mu Tatu wenu udi mu diulu mulenga tshishiki.

Luke 1:6

Bonsu babidi bavua bakumbaja bivua Mvidi Mukulu musue, batumikila bimpe menemene mikenji yonsu ne meyi onsu bia Maweja-Nangila.

Luke 6:35

Kadi nangayi bena lukuna benu, benzelayi bimpe. Sombeshayi bantu bintu, kanuyi nutekemena ne: nebatupingajilebi. Nanku nenupete difutu dinene. Nenuikale bana ba Mvidi Mukulu Muena kulu. Bualu Yeye udi wenzela bena kadiwu, ne bantu babi, bimpe.

Yowanane 5:35

Yowanane uvua bu muendu mutemesha ukenka. Nuenu kuanyisha bua kusanka tshitupa tshipi ku bukenke buawu.

Bienzedi 2:40

Petro uvua ubasaka, ubakolesha ku muoyi, ubambila miaku mikuabu ya bungi ne: — Umbukayi kudi bena buenzayi ba lelu aba. Nanku nenupete lupandu!

Bienzedi 20:30

Munkatshi muenu kabidi nemujuke bantu bakula malu a dishima, bua kukoka bena ditaba bua babalonde.

Rome 16:19

Bantu bonsu mbamanye munudi nutumikila Mfumu. Nanku ndi nsanka bualu buenu, njinga bua nuikale bantu ba meji, badi benza amu malu mimpe, babenga malu mabi onsu.

1 Korente 1:8

Yeye neanuambuluishe, bua nushale bashindame ne ku ndekelu, bua muntu kamonyi mua kunuasa tshilumbu nansha tshimue, dituku diafika Mfumu wetu Yezu Kristu.

2 Korente 6:17

Ke pavua Maweja-Nangila muambe kabidi ne: “Nudi ne bua kumuka kudi bantu abu, nuye kusomba wenu muaba pa nkayenu. Kanulengi tshintu tshidi ne mikiya. Nanku Meme nennuakidile.

Efeze 5:27

Bualu uvua musue kudiangatshila Tshisumbu etshi ne bulenga buonsu. Kavua musue bua tshikale ne dinyanu, nansha ne kalema, nansha ne mutudi. Uvua mujinge bua tshikale tshia tshijila, tshiakane tshipuangane.

Dielulula 32:5

Kadi nuenu, bena Izrayele, nudi bantu babi, bapale. Nudi babenge Maweja-Nangila, batufuisha bundu. Kanutshiena bana bende kabidi to.

Filipe 1:10

bua numone mua kujingulula bidi biakane. Nanku dituku diafika Yezu Kristu, nenuikale kanuyi kalema, kabayi mua kunudiwula.

Filipe 3:6

Mvua ne disuminyina dipite, nkengesha Tshisumbu tshia bena ditaba. Padibu batangila muntu udi ulama mikenji bu muntu muimpe, kakuvua muntu uvua mua kundiwula.

1 Tesalonike 5:23

Mvidi Mukulu udi utupa bupole, anuambuluishe bua nuikale bantu bende menemene. Anulame ne mueyelu wenu, muoyi, ne mubidi, bua kanuikadi ne bubi, too ne dituku diafika Mfumu wetu Yezu Kristu.

1 Timote 3:10

Banji kubateta bangabanga. Padibu kabayi mua kubadiwula, badi mua kukuata mudimu wa bambuluishi ba balombodi.

1 Timote 3:2

Kadi mulombodi wa Tshisumbu tshia bena ditaba kikadi ne bualu budibu mua kumudiwula nabu. Ikale muena mukaji umue. Ikale muntu udi udilama, muena meji, muntu udi mumanye mua kusomba ne bantu, kuakidila benyi, kulongesha bimpe.

1 Timote 5:14

Ke pandi musue bua bansongakaji badi bafuishe balume, baye ku mabaka, balele bana, bakuate midimu ya mu nzubu, bua baluishi hetu kabamonyi pa kutujanyina.

1 Timote 5:20

Badi benza malu mabi, ubakanyine ku mesu a bantu, bua bakuabu kabidi batshine.

1 Timote 5:7

Ke tshiudi ne bua kubambila, bua kabamonyi mua kubadiwula.

Tite 1:6

Mukulu ikale muntu udibu kabayi mua kudiwula, muena mukaji umue. Bana bende bikale bena ditaba. Kabikadi ba lumu lubi, nansha bena tshishiku.

Tite 2:10

Kabena ne bua kuiba bamfumu babu kantu nansha kamue. Kadi badi ne bua kubenzela bimpe ne munanunanu. Nanku bionsu bidibu benza abi nebinemeshe dilongesha didi ditangila Mvidi Mukulu, Musungidi wetu.

Tite 2:15

Ebi ke biudi ne bua kulongesha. Ke muudi ne bua kukolesha bantu ku muoyi, kubabela. Enza nanku ne bumfumu buonsu buudi nabu. Muntu nansha umue kakupepeji.

Ebrewu 7:26

Nenku Yezu udi mutuangaji munene utuvua tukengela. Udi wa tshijila. Munda muende kamuena bualu bubi nansha bumue. Kena muenze tshilema nansha tshimue. Uvua mutapuluke ne benji ba malu mabi. Kumubandishabu ku mutu kua diulu.

1 Petro 2:12

Nuenze malu mimpe munkatshi mua bantu ba bisamba bikuabu. Nanku nansha bobu banushiminyina ne: nudi benji ba malu mabi, pafika Mvidi Mukulu nebajingulule malu enu mimpe. Diba adi nebatumbishe Mvidi Mukulu.

1 Petro 2:9

Kadi nuenu nudi tshisamba tshisungula. Nudi batuangaji ba Mukalenga, tshisamba tshia tshijila, bantu ba Mvidi Mukulu. mBanusungule bua kumanyisha bantu malu a dikema adi Mvidi Mukulu muenze. Bualu uvua munubikile bua nupatuke mu miidima, nubuele mu butoke buende bupite buimpe.

2 Petro 3:14

Bana hetu basuibue, panutshidi bindile dituku edi, enzayi muenu muonsu bua nuikale kanuyi katoba, kanuyi ne bubi, ku mesu kua Mvidi Mukulu. Nusombe kabidi nende mu ditalala.

Didimanyisha 2:5

Nanku vuluka muuvua kulu, wewe kupona panshi. Udilengeje, wenze bu muuvua muenze ku mbangilu. Kuyi mudilengeje, nemfike kuudi, ngumushe tshitekelu tshiebe tshia miendu pa muaba watshi.

Didimanyisha 3:9

Umvuayi tshingenzela tshisumbu tshia bena diabolu, bena dishima aba, badi badiamba mudibu bena Yuda, kadi kabayi nanku. Nembenzeje ku bukole, bua badiele panshi ku makasa ebe bua kukunemeka. Nebajadike mundi mukunange.