Filipe 2:12 - MUKANDA WA MYIDI MUKULU

¹² Bana hetu bananga, pamvua munkatshi muenu, nuvua bantumikile misangu yonsu. Kadi nupite kuntumikila lelu, pandi tshiyipu! Nukuate mudimu, nutshine Mvidi Mukulu, numuzakele, bua nupande.

Mukanda wa Nzambi Dihungila Dikulukulu ne Dihungila Dihia-dihia 2003

¹² Nunku bananga banyi, bu munuakatumikila misangu yonso, kembua kuikala kuanyi munkatshi muenu nkayaku, kadi mpindiu nudi nutamba kuenza nunku handi tshîku, nudienzeshe bua kushikisha luhandu luenu ne ditshina ne dizakala,

Filipe 2:12 ပူးပေါင်းရင်းမြစ်များ

Ezela 10:3

Bualu netuditshipe kudi Mvidi Mukulu ne: netubenge bakaji benyi bonsu, ne bana badibu balele. Netulonde meyi anudi nufila, wewe Ezra ne bonsu badi bakumbaja biakane mikenji ya Mvidi Mukulu wetu. Netukumbaje bidiye musue.

Misambu 119:120

Mubidi wanyi udi uzakala bua kukunemeka, ndi ne bowa bua mapangadika ebe.

Misambu 2:11

Itabayi Maweja-Nangila, numutshine. Numukukuile, numutumbishe.

Nsumuinu 10:16

Mudimu wa muntu muakane udi umupetesha muoyi. Kadi difutu dia muntu mubi didi dimufikisha ku bubi.

Nsumuinu 13:4

Muena lulengu udi ujinga tshintu kayi utshipeta. Kadi muntu wa tshisumi udi upeta tshidiye musue.

Yeshaya 66:2

Tshionsu tshinudi numona, meme ke udi mutshienze ne bianza bianyi. Ndi nnuambila ne: bionsu ebi mbianyi. Kadi muntu undi ntangila ne disanka, ke muena muoyi wa bupuekele, udi unyingalala bua mibi yende, udi uteleja diyi dianyi ne luzakalu, ungitaba.

Yeshaya 66:5

Nuenu badi bateleja diyi dia Maweja-Nangila ne luzakalu, bamuitaba, umvuayi tshidiye unuambila. Nudi ne bena kuenu, badi banudiwula, banuipata munkatshi muabu, bualu nudi balamate Mvidi Mukulu. Badi banuamba, baseka ne: “Maweja-Nangila aleje bukole buende tumone munudi basanka!” Kadi bobu nebafue bundu.

Matayi 11:12

Biangatshile tshikondu tshivua Yowanane-Batiste utuadija kulongesha, Mvidi Mukulu kutuadija kulongolola Bukalenga buende. Kadi too ne ku lelu, bena tshimvundu badi bakeba kukandika bantu, bua kababuitabi.

Matayi 11:29

Ambulayi bujitu buanyi pambidi penu. Nuanyishe bua meme kunulongesha, bualu ndi mupole ne mupuekele ku muoyi. Nanku nenupete dikisha mu mioyi yenu.

Bienzedi 16:29

Ke mulami kulombesha muendu, kubuela lukasa mu kazubu kavua bena lukanu. Kudielaye ku makasa a Polu ne Silase, uzakala ne buowa.

Bienzedi 9:6

Kadi, juka, buela mu tshimenga. Nebakuambilemu tshiudi ne bua kuenza.

Rome 2:7

Bavua bananukila mu dienza dia malu mimpe ke bavua bakeba butumbi, lumu, ne bidi kabiyi bifua. Neabapeshe muoyi wa tshiendelele.

1 Korente 15:58

Nenku, bana hetu basuibue, shindamayi bikole, kanunyungi. Tungunukayi amu kutungunuka nuye kumpala. Nutungunuje mudimu wa Mfumu. Numanye ne: mudimu unudi nukuata badisange ne Mfumu kawena wa patupu.

1 Korente 2:3

Ke pamvua mudileje kunudi ne butekete, nzakala ne buowa.

1 Korente 4:14

Ndi nnufundila nenku, ki mbua kunufuisha bundu, kadi amu bua kunubela bu bana banyi bandi nnanga.

2 Korente 7:15

Mpindiewu udi mununange bipite muvuaye muenze kumpala, bualu udi uvuluka munuvua bonsu bajinge kumutumikila, kabidi munuvua bamuakidile ne kanemu, kabidi ne luzakalu.

Efeze 6:5

Bapika, tumikilayi bamfumu benu ba panu, batshinayi, banemekayi. Enzayi nanku ne muoyi umue, bu munudi mua kuenzela Kristu.

Filipe 1:27

Kadi nuenze amu malu adi umvuangana ne Lumu lua Disanka lua Kristu. Nanku nansha meme mufike bua kunumona, nansha tshiyi mufike, nengumvue munudi bashale bashindame, badisange ne meji amue, nuluangana bonsu ne muoyi umue, bua ditaba didi Lumu lua Disanka lunupetesha.

Filipe 1:29

Bualu Mvidi Mukulu mmunupe dipa dia nuenu kukuatshila Kristu mudimu. Kanuena amu ne bua kumuitaba nkayaku, kadi nudi ne bua kukenga kabidi bualu buende.

Filipe 1:5

Bualu biangatshile ku dituku dia kumpala, too ne mpindiewu, nuvua bangambuluishe bikole bua kutangalaja Lumu lua Disanka.

Filipe 1:6

Mvidi Mukulu uvua mutuadije mudimu muimpe awu munkatshi muenu, ndi mujadike ne: neatungunuke nawu too ne muajikawu, dituku diafika Yezu Kristu.

Filipe 2:19

Pasua Mfumu Yezu, ndi ntekemena kunutumina Timote lukasa, bua papinganaye, antuadile ngumu ya kuenu, ankoleshe ku muoyi.

Filipe 4:1

Bana hetu basuibue, ke munudi mua kuikala bantu bashindame, badi badisanga ne Mfumu. Ndi njinga bikole kumonangana nenu. Nudi nunsankisha. Ndi nditemba kabidi bualu buenu.

Filipe 4:15

Nudi bamanye ne: musangu umvua mumuke ku Masedoniya, tshikondu tshimvua mutuadije kulongesha Lumu lua Disanka, ku Bisumbu bionsu bia bena ditaba, anu nuenu nkayenu bena Filipe, ke bavua balambuluisha. Nuvua badisange nanyi mu bimvua mupete, ne mu bimvua mujimije.

1 Tesalonike 1:3

Bualu kumpala kua Mvidi Mukulu ne Tatu wetu, tudi tuvuluka munudi nukumbaja malu adi ditaba dienu dinulomba, mudi dinanga dienu dinukuatshisha midimu mikole, kabidi munudi nutekemena kudi Mfumu wetu Yezu Kristu ne muoyi umue.

2 Timote 2:10

Ke pandi ngumvua bionsu ne lutuulu, bua diakalenga dia bantu badi Mvidi Mukulu musungule. Ke mudibu bapeta bobu kabidi lupandu kudi Yezu Kristu, ne butumbi bua kashidi.

Ebrewu 12:1

Tuetu kabidi, badi batunyunguluka kudi tshisumbu tshinene etshi tshia badi bitabe Mvidi Mukulu. Nenku tumbushayi malu onsu adi atupumbisha mua kutungunuka. Tulekele mibi idi itukuata lukasa. Tunyemene ne muoyi mushindame mu njila udibu batuleja.

Ebrewu 4:1

Mvidi Mukulu uvua mutulaye ne: nenubuele muaba undi munulongoluele bua nuenu kuikisha. Nanku tudimukayi, bua muntu wa kunudi kapangi kupeta muaba wa dikisha awu.

Ebrewu 4:11

Nenku, tuenzayi muetu muonsu bua tupete muaba wa dikisha ewu. Tukuate mudimu bua muntu nansha umue wa Mvidi Mukulu kapangi kutumikila, muvua bantu ba mu tshipeta bapange. Bualu diba adi kakupeta muaba wa dikisha ewu.

Ebrewu 5:9

Bamane kumufikisha ku bujima buende, ukadi mpokolu wa lupandu lua tshiendelele bua bantu bonsu badi bamutumikila.

1 Petro 2:11

Bana hetu basuibue, bu munudi benyi ne bena tshimuangi panu, ndi nnulomba ne: nudilame ku majinga a buntu buenu adi aluisha muoyi wenu wa kulu.

2 Petro 3:18

Kadi nuidikije mua kuya kumpala mu dinanga, ne mu dimanya dia Mfumu wetu ne Musungidi Yezu Kristu. Yeye mene udi ne butumbi mpindiewu ne tshiendelele! Amene.