Filipe 1:8 - MUKANDA WA MYIDI MUKULU

⁸ Mvidi Mukulu mmujadike bulelela bua bindi ngamba ebi se: ndi mununange bonsu ne dinanga dinene didi Yezu ununanga nadi.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Nzambi udi mumanyi wanyi bu mundi nujinga ne dinanga didi munda mua Kilisto Yesu.

Filipe 1:8 ပူးပေါင်းရင်းမြစ်များ

Yobe 16:19

Eyowa, mu diulu mudi muntu udi ujadika malu anyi, udi undumbuluila, mutue ku tshianyi.

Yeshaya 16:11

Ke pandi ndidila bena Mowabe, ne kanyinganyinga, ne muadi bu wa lunzenze. Muoyi wanyi udi ujinga Kire-Erese.

Yeshaya 63:15

Maweja-Nangila nansha wewe musombe mu diulu, mu muaba webe muimpe wa tshijila, tangila bidi bituenzekela panu panshi. Dinanga diebe dikole, diuvua mutunange nadi didi penyi? Bukole buebe buuvua nabu mu mvita butshidiku anyi? Kuena kabidi musue kutufuila luse anyi? Maweja-Nangila kubengi kutuleja muudi utunanga.

Yirmeya 31:20

Maweja-Nangila udi wamba ne: Efrayime ke muananyi musuibue, ke muana undi mupite kunanga. Misangu yonsu indi ntela dina diende, ndi mmuvuluka tshiyi mua kumupua muoyi. Ndi mumunange bikole, tshiena ne mushindu wa kubenga kumufuila luse.

Luke 1:78

Bualu Mvidi Mukulu wetu udi wa luse ne wa muoyi mulenga. Neatutumine butoke bua mulu, bufuanangane ne diba didi dipatuka.

Rome 1:9

Mvidi Mukulu undi nkuatshila mudimu ne muoyi wanyi onsu, bualu ndi ndongesha Lumu lua Disanka lua Muanende, mmumanye ne: bualu bundi ngamba mbulelela. Udi mumanye kabidi mundi nnuvuluka diba dionsu,

Rome 9:1

Ndi ngamba malu malelela. Ndi wa Kristu, nanku tshiena nshima to. Kondu kanyi ka munda kabidi kadi kanjadikila ku bukole bua Mueyelu wa Tshijila ne: bindi ngamba bidi bilelela ne:

2 Korente 13:9

Tudi tusanka patudi ne butekete, nuenu ne bukole. Ke patudi tunulombela kabidi kudi Mvidi Mukulu, bua anulengeje, anupingaje mu njila mululame.

2 Korente 6:12

Tuetu katuvua banubenge, kadi nuenu nuvua bambenge.

2 Korente 7:15

Mpindiewu udi mununange bipite muvuaye muenze kumpala, bualu udi uvuluka munuvua bonsu bajinge kumutumikila, kabidi munuvua bamuakidile ne kanemu, kabidi ne luzakalu.

Ngalate 1:20

Bindi nnufundila ebi mbilelela. Ndi njadika ku mesu a Mvidi Mukulu ne: tshiena nshima.

Ngalate 3:26

Bualu nudi bana ba Mvidi Mukulu, panudi nuitaba, nudisanga ne Yezu Kristu.

Ngalate 4:19

Bana banyi basuibue, bu mudi mukaji ukenga bua kulela muana, ke mundi nkenga tshiakabidi bualu buenu, bua Kristu amueneke patoke munda muenu.

Filipe 2:1

Nukadi nuitaba Kristu, bakolelamu. Kristu udi ununanga, unukolesha ku muoyi. Nudi badisange ne Mueyelu wa Tshijila. Nudi nuenzelangana bimpe, nufuilangana luse.

Filipe 2:26

mMunusamine bonsu muoyi, mulubakane kabidi, bualu nuvua bumvue ne: udi usama.

Filipe 4:1

Bana hetu basuibue, ke munudi mua kuikala bantu bashindame, badi badisanga ne Mfumu. Ndi njinga bikole kumonangana nenu. Nudi nunsankisha. Ndi nditemba kabidi bualu buenu.

Kolose 2:1

Ndi musue bua numanye mvita mikole indi nduangana bualu buenu, kabidi bua bena Lawodikiya, ne bua bantu bonsu badi kabayi banji kummanya.

Kolose 3:12

Nudi bena Tshisumbu tshia bantu ba Mvidi Mukulu. Mvidi Mukulu mmununange; mmunusungule bua nuikale bende. Nanku nudi ne bua kuikala ne muoyi wa luse, wa dinanga, wa bupuekele, wa bupole, ne wa lutuulu.

1 Tesalonike 2:5

Nudi bamanye bimpe ne: katshia katutu banji kuakula meyi a lubombu, nansha basokoke lukuka lua biuma mu meyi etu. Mvidi Mukulu udi mua kutujadikila nanku.

1 Tesalonike 2:8

Bu mutuvua banunange bikole, katuvua amu ne dijinga dia kunumanyisha Lumu lua Disanka lua kudi Mvidi Mukulu. Tuvua basue kabidi kufila nansha muoyi wetu mene bualu buenu. Bualu nukavua bantu ba mushinga kutudi.

2 Timote 1:4

Ndi mvuluka binsonji biebe. Meme kabidi ndi njinga bikole kukumona, bua meme kusanka disanka dinene.

Filemone 1:12

Ndi mmupingaja kuudi lelu. Yeye ukadi bu meme mene.

Filemone 1:20

Eyowa, muanetu, ndi nkusengelela ne: unsankishe bualu bua Mfumu. Muoyi wanyi upete ditalala kuudi, bualu tudi bantu bamue mu Kristu.

1 Yone 3:17

Pikala muntu muena biuma mumone muanabu mu dikenga, kadi upapija muoyi wende, mmunyi mudiye mua kuamba ne: ndi munange Mvidi Mukulu?