Filipe 1:7 - MUKANDA WA MYIDI MUKULU

⁷ Ndi ngenda nenu bonsu mu muoyi. Nanku bindi ngumvua bualu buenu bidi amu pa bualu. Nansha lelu mundi mu lukanu, nansha diba dimvua ndumbuluila Lumu lua Disanka, njadika bulelela bualu, nudi amu nudisanga nanyi mu dinanga divua Mvidi Mukulu mundeje.

Mukanda wa Nzambi Dihungila Dikulukulu ne Dihungila Dihia-dihia 2003

⁷ bu mudibi bimpe bua meme kuikala ne meshi â munda muanyi bua bualu buenu, bualu bua ndi nʼenu mu mutshima wanyi; bualu bua mu nkanu yanyi ne mu kuvidila ne mu kujadika kua lumu luimpe, buonso buenu nudi bangatshi nʼanyi ba ngasa.

Filipe 1:7 ပူးပေါင်းရင်းမြစ်များ

Bienzedi 20:23

Ndi amu mumanye ne: ku tshimenga tshionsu, Mueyelu wa Tshijila udi umuanyisha ne: nebakukengeshe, nebakuele mu nzubu wa lukanu.

Bienzedi 21:33

Ke mulombodi wa basolayi kusemena kudi Polu, kutuma diyi, bua bamukuate, bamusuike nkanu ibidi. Pashishe kuebejaye ne: nnganyi ewu? Tshivuaye muenze ntshinyi?

1 Korente 13:7

Udi unanga, kena wela muntu nyima. Udi amu witaba muntu yonsu, umutendakena, umuakidila ne lutulu luvule.

1 Korente 9:23

Ndi ngenza bionsu ebi bua Lumu lua Disanka, bua mmone mua kupeta bidi Lumu alu lutulaya.

2 Korente 3:2

Nuenu ke mukanda utudi mua kudileja nawu, mukanda udi mufunda mu mioyi yetu, udi bonsu mua kumanya ne kubala.

2 Korente 7:3

Tshiena ngamba nanku bua kunudiwula. Bualu nkadi mumane kunujadikila ne: tudi banunange bikole. Ke mutudi nenu matuku onsu kaba kamue, nansha tuetu ne muoyi, nansha tufua.

Ngalate 5:6

Patudi badisange ne Kristu, nansha batuteke panshi, nansha kabayi batuteke, kabiena ne bualu. Tshikole tuitabe, tuleje ditaba dietu mu nsombelu wetu mujima pa kunangangana.

Efeze 3:1

Ke pandi meme Polu ntendelela Mvidi Mukulu bualu buenu. mBankuate mu lukanu, bualu ndi nkuatshila Yezu Kristu mudimu. Makenga onsu aa ndi ngumvua bualu buenu.

Efeze 4:1

Nanku, meme udibu bakuate mu lukanu, bualu ndi nkuatshila Mfumu mudimu, ndi nnulomba se: nuenze malu mimpe adi bantu, badi Mvidi Mukulu ubikila bua bikale bende, ne bua kuenza.

Efeze 6:20

Nansha mundi mu lukanu amu mpindiewu, mbantume amu bua kumanyisha Lumu lua Disanka alu. Nanku lombayi bua ndongeshe Lumu elu ne muoyi umue, amu mudibu bamfundile bua kuenza.

Filipe 1:12

Bana hetu, ndi musue bua numanye ne: bivua bingenzekele bivua amu bitangalaja Lumu lua Disanka.

Filipe 1:13

Bualu bantu badi bakuata mudimu mu nzubu wa bukalenga, ne bantu bakuabu bonsu, badi bamanye ne: mbangele mu lukanu, bualu ndi nkuatshila Kristu mudimu.

Filipe 1:14

Pavuabu bammona mu lukanu, bana hetu ba bungi bavua amu batekemena kudi Mfumu, balongesha amu kulongesha muaku wa Mvidi Mukulu, kabayi batshina.

Filipe 1:5

Bualu biangatshile ku dituku dia kumpala, too ne mpindiewu, nuvua bangambuluishe bikole bua kutangalaja Lumu lua Disanka.

Filipe 2:22

Nudi bamanye muvua Timote muleje patoke mudiye muntu wa muoyi umue. Bu mudi muana wambuluisha tatuende, ke mudiye ungambuluisha mu mudimu wa kutangalaja Lumu lua Disanka.

Filipe 4:14

Kadi panuvua bangambuluishe mu dikenga dianyi, nuvua benze kabidi amu bimpe.

Filipe 4:15

Nudi bamanye ne: musangu umvua mumuke ku Masedoniya, tshikondu tshimvua mutuadije kulongesha Lumu lua Disanka, ku Bisumbu bionsu bia bena ditaba, anu nuenu nkayenu bena Filipe, ke bavua balambuluisha. Nuvua badisange nanyi mu bimvua mupete, ne mu bimvua mujimije.

Filipe 4:3

Wewe kabidi, Sizikuse, muena mudimu nanyi wa diyi dimue, ndi nkulomba ne: ubambuluishe. Bualu bobu bavua bangambuluisha bikole bua kutangalaja Lumu lua Disanka, pamue ne Kleman, kabidi ne bena mudimu nanyi bakuabu bonsu. Mena abu adi mu mukanda wa muoyi.

Kolose 4:18

Miaku indi nnuela nayi muoyi eyi, ndi nyifunda ku tshianza tshianyi. — Kanupu muoyi ne: ndi mu lukanu. Dinanga dia Mvidi Mukulu dishindame munda muenu.

Kolose 4:3

Nutulombele kabidi kudi Mvidi Mukulu, bua atupeshe mushindu muimpe wa kulongesha muaku wende, wa kumanyisha bantu bualu busokome bua Kristu. Bualu mbangele mpindiewu mu nzubu wa lukanu, amu bua bualu busokome abu.

1 Tesalonike 5:5

Nuenu bonsu nudi nuenda mu butoke ne mu munya. Katuena tuenda mu midima, nansha butuku.

2 Timote 1:8

Nanku kuikadi ne bundu bua kujadikila bantu malu a Mfumu wetu, nansha bua kuntela meme, udi mu lukanu bualu buende. Kadi anyisha, ukenge nanyi bua Lumu lua Disanka, bilondeshile bukole budi Mvidi Mukulu nkupesha.

2 Timote 2:9

Ndi nkenga, mbansuike kabidi mu nkanu bu muena buenzavi, bualu ndi mmanyisha bantu Lumu lua Disanka elu. Kadi kabena mua kusuika muaku wa Mvidi Mukulu ne nkanu to.

Filemone 1:13

Mvua musue kumulama pabuipi nanyi, pandi mu lukanu emu bua Lumu lua Disanka, bua angambuluishe pa muaba webe.

Ebrewu 3:1

Nanku, bana hetu bena ditaba, nuenu batata Mvidi Mukulu mubikile kabidi, nutangile Yezu utata Mvidi Mukulu mutume bua kuikalaye mutuangaji munene utudi tutonda mu ditaba dietu.

1 Petro 4:13

Panudi nudisanga ne Kristu mu makenga ende, nusanke. Nanku pamueneka butumbi buende, nenusanke kabidi nutshionkomoka.

1 Petro 5:1

Bindi ngakula mpindiewu, bidi bitangila bantu ba munkatshi muenu badi bakulu ba Tshisumbu tshia bena ditaba. Meme kabidi ndi mukulu. Mvua mumone ne anyi abidi makenga a Kristu. Nendisange kabidi nende mu butumbi buende bukadi pa kumueneka. Nanku ndi ngambila bakulu ne:

2 Petro 1:13

Bualu pantshidi ne muoyi apa, ndi ne bua kunuvuluija amu kunuvuluija malu aa.

1 Yone 3:14

Tudi bamanye ne: tudi bapatuke mu lufu, bua kubuela mu muoyi. Tudi bajadike nanku, bualu tudi tunanga bana hetu. Udi kayi unanga, utshidi mu lufu.