Filipe 1:27 - MUKANDA WA MYIDI MUKULU

²⁷ Kadi nuenze amu malu adi umvuangana ne Lumu lua Disanka lua Kristu. Nanku nansha meme mufike bua kunumona, nansha tshiyi mufike, nengumvue munudi bashale bashindame, badisange ne meji amue, nuluangana bonsu ne muoyi umue, bua ditaba didi Lumu lua Disanka lunupetesha.

Mukanda wa Nzambi Dihungila Dikulukulu ne Dihungila Dihia-dihia 2003

²⁷ Anu bualu ebu, bikadilu bienu bikale biakanangane ne lumu luimpe lua Kilisto; bua binalua kunumona anyi bingikala kukuabo, ngunvue bianyi lumu lua malu enu ne, Badi bajalama mu nyuma tunue, ne badi batshinta hohamue ne mutshima umue bua ditabusha dia lumu luimpe,

Filipe 1:27 ပူးပေါင်းရင်းမြစ်များ

1 Kulondolola 19:12

Yowabe kuambila muanabu Abishayi ne: — Padi bena Arame bampite bukole, wewe neungambuluishe. Kadi padi bena Amone bakupite bukole, meme nenkuambuluishe.

Misambu 122:3

Yerushalayime udi tshimenga tshiasa bimpe, tshijingila ne bimana.

Misambu 133:1

Musambu wa bena ngendu udi mu mukanda wa misambu ya Davide. Eyi, bidi bilenga, bidi disanka bua kusomba pamue bu bena muntu!

Nsumuinu 22:23

Bualu Maweja-Nangila neabakuile; kabidi neashipe badi babanyenga bintu.

Yirmeya 32:39

Nembape muoyi umue, bua bandamate, bua bapete diakalenga, bobu ne ndelanganyi yabu.

Matayi 12:25

Kadi Yezu uvua mujingulule lungenyi luabu. Nanku kubambilaye ne: — Bukalenga buonsu budi benabu baluishangana nkayabu, nebunyanguke lukasa. Tshimenga tshionsu tshidi benatshi baluishangana, nansha diku dionsu didi benadi benza nanku, tshimenga atshi, nansha diku adi, kabiakutungunuka nansha.

Bienzedi 2:46

Ku dituku ku dituku, bavua basangila mu nzubu wa Mvidi Mukulu ne muoyi umue, bakosolola diampa pamue mu nzubu yabu, badila pamue ne disanka, ne muoyi wa dinanga.

Bienzedi 24:24

Kupita matuku, Felikse ne mukajende Drusila wa bena Yuda kufikabu. Kubikidishabu Polu. Bavua basue kumvua tshi-vuaye ulongesha bua Yezu ne bua ditaba dia bena Kristu.

Bienzedi 4:32

Bena ditaba bonsu bavua ne muoyi umue, kabidi ne lungenyi lumue. Muntu nansha umue kavua wamba ne: bintu ebi mbianyi meme. Kadi bonsu bavua basangisha bionsu kaba kamue.

Rome 1:16

Nanku tshiena ne bowa pandi ndongesha Lumu lua Disanka. Bualu ludi bukole budi Mvidi Mukulu ukuata nabu mudimu, bua kusungidila bantu bonsu badi bitaba, kutuadija ne bena Yuda, pashishe ne bantu ba bisamba bikuabu.

Rome 1:5

Kudiye ke kudi Mvidi Mukulu mumpeshe dipa dia kuikala mupostolu, bua meme kusaka bantu ba bisamba bionsu, bua bitabe Lumu lua Disanka, batumikile Mvidi Mukulu, bua dina dia Yezu dipete lumu.

Rome 1:9

Mvidi Mukulu undi nkuatshila mudimu ne muoyi wanyi onsu, bualu ndi ndongesha Lumu lua Disanka lua Muanende, mmumanye ne: bualu bundi ngamba mbulelela. Udi mumanye kabidi mundi nnuvuluka diba dionsu,

Rome 10:8

Tshidibu basue kuamba ntshinyi? Mbambe ne: “Muaku wa Mvidi Mukulu udi pabuipi nebe. Udi mukana muebe, ne mu muoyi webe.” Muaku awu ke dilongesha ditudi tulongesha ne: nuitabe.

Rome 15:16

dia meme kuikala muena mudimu wa Yezu Kristu bua bisamba bikuabu. Ndi nkumbaja mudimu wa tshijila wa mutuangaji ewu, pandi ndongesha Lumu lua Disanka lua Mvidi Mukulu, bua Mueyelu wa Tshijila ujidile bantu ba bisamba bikuabu, bikale bu mulambu udi ulengelela Mvidi Mukulu.

Rome 15:29

Ndi mumanye ne: ku difika dianyi kuenu, Kristu neanuele lupemba muende muonsu.

1 Korente 1:10

Bana hetu, mu dina dia Mfumu wetu Yezu Kristu, ndi nnulomba ne: umvuanganayi. Kanuabulukianganyi nansha. Nuenze tshintu tshimue menemene. Nuikale ne meji amue, kabidi ne muoyi umue.

1 Korente 15:58

Nenku, bana hetu basuibue, shindamayi bikole, kanunyungi. Tungunukayi amu kutungunuka nuye kumpala. Nutungunuje mudimu wa Mfumu. Numanye ne: mudimu unudi nukuata badisange ne Mfumu kawena wa patupu.

2 Korente 13:11

Mpindiewu, bana hetu, kolayi! Nulonde amu njila mululame. Nukoleshangane ku muoyi. Nuenze tshintu tshimue. Sombayi ne bupole. Nanku Mvidi Mukulu udi utunanga, neatupe bupole buende. Neikale nenu.

2 Korente 4:4

Diabolu, nwidie mubi wa pa buloba ebu, mmututubije lungenyi luabu. Ke padibu kabayi mua kuitaba Lumu lua Disanka, kabayi mua kumona bukenke budilu lutangalaja. Mu bukenke ebu butumbi bua Kristu budi bumueneka patoke. Mu Kristu mene Mvidi Mukulu udi umueneka.

2 Korente 9:13

Panudi nukumbaja mudimu ewu ne muoyi umue, bantu ba bungi nebatumbishe Mvidi Mukulu bualu buenu. Nebanuele tuasakidila, bua panudi nuitaba Lumu lua Disanka lua Kristu muenu muonsu, kabidi bua muoyi wa kalolu unudi nuabanyangana nabu, kabidi ne bantu bakuabu bonsu, bintu bienu.

Ngalate 1:7

Bushuwa, kakuena Lumu lua Disanka lukuabu nansha! Kudi amu bantu bakuabu badi banudinga, basue kushintulula Lumu lua Disanka lua Kristu.

Efeze 1:13

Nuenu kabidi diba dinuvua bumvue muaku mulelela, Lumu lua Disanka ludi lunupetesha lupandu, nuvua bitabe Kristu. Diba adi Mvidi Mukulu uvua munupe Mueyelu wende uvuaye mulaye, munutue tshitampi tshiende, bua kunuleja munudi bantu bende menemene.

Efeze 1:15

Bua bionsu ebi, nangananga kabidi bua pandi ngumvua batela munudi bitabe Mfumu Yezu, munudi banange kabidi bantu bonsu ba Mvidi Mukulu,

Efeze 4:1

Nanku, meme udibu bakuate mu lukanu, bualu ndi nkuatshila Mfumu mudimu, ndi nnulomba se: nuenze malu mimpe adi bantu, badi Mvidi Mukulu ubikila bua bikale bende, ne bua kuenza.

Filipe 1:5

Bualu biangatshile ku dituku dia kumpala, too ne mpindiewu, nuvua bangambuluishe bikole bua kutangalaja Lumu lua Disanka.

Filipe 2:12

Bana hetu bananga, pamvua munkatshi muenu, nuvua bantumikile misangu yonsu. Kadi nupite kuntumikila lelu, pandi tshiyipu! Nukuate mudimu, nutshine Mvidi Mukulu, numuzakele, bua nupande.

Filipe 2:24

Munda mua Mfumu ndi mujadike ne: meme mene nemfike lukasa bua kunumona.

Filipe 3:18

Mvua mumane kunuambila misangu ne misangu, ndi nnuambuluila kabidi mpindiewu ne binsonji ku mesu ne: bantu ba bungi kabena balonda njila muimpe ewu to. Ke mudibu baluisha mutshi mutshiamakane wa Yezu Kristu.

Filipe 3:20

Buetu tuetu, musoku wetu udi mu diulu. Tudi tuindila, tutekemena ne muoyi mujima, Musungidi wetu, Mfumu Yezu Kristu, udi ne bua kutuluka mu diulu.

Filipe 4:1

Bana hetu basuibue, ke munudi mua kuikala bantu bashindame, badi badisanga ne Mfumu. Ndi njinga bikole kumonangana nenu. Nudi nunsankisha. Ndi nditemba kabidi bualu buenu.

Kolose 1:10

Nanku nenumone mua kusomba mudi Mfumu musue, kuenza kabidi diba dionsu bidi bimulengelela. Nenuenze midimu mimpe ya mishindu yonsu. Nenuye kumpala mu dimanya dienu dia Mvidi Mukulu.

Kolose 1:4

Bualu tudi bumvue lumu lua munudi nuitaba Yezu Kristu, nunanga bantu bonsu badi bitaba Mvidi Mukulu.

1 Tesalonike 3:6

Kadi mpindiewu Timote mmupingane kunu, utumina kuenu aku. Uvua mutumanyishe munudi nuenda mu njila wa ditaba, ne wa dinanga. Uvua mutuambile munudi batunange, batuvuluke. Nudi nujinga kutumona tshiakabidi, amu mutudi tujinga kumonangana nenu.

1 Tesalonike 4:1

Bana hetu, tuvua banulongeshe binudi ne bua kuenza, bua nusankishe Mvidi Mukulu. Bushuwa nukadi nuenza nanku. Kadi mpindiewu tudi Umulomba, tunusengelela mu dina dia Mfumu Yezu ne: nuenze nupitshishe.

1 Timote 1:11

Dilongesha edi didi difuma ku Lumu lua Disanka lundi ne bua kukobola. Lumu lua Disanka elu ludi lutumanyisha butumbi bua Mvidi Mukulu, udi mpokolu wa diakalenga dietu.

1 Timote 1:19

Nanku ulame ditaba, ukumbaje bidi kondu kebe ka munda kakuambila. Bamue bantu bavua babenga kuteleja bivua kondu kabu ka munda kabambila. Ke muvuabu bajimije ditaba diabu.

2 Timote 4:7

Ndi muluangane mvita mimpe. Ndi mujikije mutantshi wonsu umvua ne bua kunyema. Ndi mulame ditaba too ne ku ndekelu.

Tite 2:10

Kabena ne bua kuiba bamfumu babu kantu nansha kamue. Kadi badi ne bua kubenzela bimpe ne munanunanu. Nanku bionsu bidibu benza abi nebinemeshe dilongesha didi ditangila Mvidi Mukulu, Musungidi wetu.

Filemone 1:5

Bualu ndi ngumvua bantu bamba muudi unanga bena tshisamba tshia Mvidi Mukulu bonsu, kabidi muudi witaba mfumu Yezu.

Yakobe 3:18

Lutete lua meji ludi lutoloka munkatshi mua badi bakeba ditalala. Ke muaba udilu lukuama bimuma bia malu mimpe.

2 Petro 3:11

Bu mudi bionsu ne bua kubutuka nanku, nudi bumvue munudi ne bua kusomba panu. Nudi ne bua kuikala bantu ba tshijila, badi benza bidi Mvidi Mukulu musue.

2 Petro 3:14

Bana hetu basuibue, panutshidi bindile dituku edi, enzayi muenu muonsu bua nuikale kanuyi katoba, kanuyi ne bubi, ku mesu kua Mvidi Mukulu. Nusombe kabidi nende mu ditalala.

Yuda 1:3

Betu basuibue, nkavua njinga bikole kunufundila malu a pa lupandu lutudi batekemene bonsu. Kadi ndi mumone ne: ndi ne bua kunutumina kabidi mukanda ewu, bua kunukolesha ku muoyi, bua nuluile ditaba didi Mvidi Mukulu mupeshe bantu bende bua kashidi.