Filipe 1:17 - MUKANDA WA MYIDI MUKULU

¹⁷ Bakuabu badi balongesha ne muoyi wa kunduisha, kabidi wa kudinga bantu. Badi bakeba kumvudijila makenga pandi mu lukanu apa.

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ kadi bakuabo badi bamba Kilisto bua ditahuluka, kabai ne mitshima mitoke, bela meshi bua kunjudila makenga mu nkanu yanyi.

Filipe 1:17 ပူးပေါင်းရင်းမြစ်များ

Luke 21:14

Kanupampakanyi bua mushindu unudi mua kudilumbuluila.

Bienzedi 22:1

— Batatu ne bana betu, ntelejayi. Bualu ndi musue kudilumbuluila mpindiewu kumpala kuenu.

Bienzedi 26:1

Agripa kuambila Polu ne: — Ndi nganyisha bua udilumbuluile. Ke Polu kuolola tshianza, wamba ne:

Bienzedi 26:24

Patshivua Polu ndilumbuluila nanku, Festuse kumuela diyi dikole ne: — Polu, udi mupale anyi? Malu mapite bungi audi mulonge mmanyange lungenyi luebe!

Rome 2:8

Kadi bavua bamutombokela, babenga bulelela, badifila ku malu mabi, neabaleje tshiji tshiende ne kanyinganyinga kende.

Filipe 1:18

Kadi ebi bionsu kabiena ne bualu nansha! Nansha bakuata mudimu ne meji mimpe, nansha ne meji mabi, badi balongesha amu kulongesha Kristu. Ke tshidi tshipite kunsankisha. Nengikale amu ne musangelu,

Filipe 1:7

Ndi ngenda nenu bonsu mu muoyi. Nanku bindi ngumvua bualu buenu bidi amu pa bualu. Nansha lelu mundi mu lukanu, nansha diba dimvua ndumbuluila Lumu lua Disanka, njadika bulelela bualu, nudi amu nudisanga nanyi mu dinanga divua Mvidi Mukulu mundeje.

Filipe 2:3

Kanuenji bualu nansha bumue ne meji a lubabu, nansha a kuditemba patupu. Kadi nudipuekeshe kudi bakuabu. Muntu yonsu atangile bantu bakuabu bu badi bamupite.

1 Timote 2:7

Ke padibu bantume bu mupostolu ne mulongeshi, bua kufikisha bena bisamba bikuabu ku ditaba ne ku bulelela. Tshiena nshima to. Ndi ngamba malu mudiwu.

2 Timote 2:9

Ndi nkenga, mbansuike kabidi mu nkanu bu muena buenzavi, bualu ndi mmanyisha bantu Lumu lua Disanka elu. Kadi kabena mua kusuika muaku wa Mvidi Mukulu ne nkanu to.

2 Timote 4:16

Diba dimvua ndilumbuluila musangu wa kumpala, muntu nansha umue kavua mutue ku tshianyi to. Bonsu bavua banshiye. Mvidi Mukulu kabashi tshilumbu atshi to!