Filipe 1:16 - MUKANDA WA MYIDI MUKULU

¹⁶ Bobu abu badi benza nanku, bualu badi bannange, bamanye ne: Mvidi Mukulu mmumpeshe mudimu wa kulumbuluila Lumu lua Disanka.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ aba badi bamuamba bua luse, bamanye ne ndi mutekibue bua kuvidia kua lumu luimpe;

Filipe 1:16 ပူးပေါင်းရင်းမြစ်များ

Yobe 16:4

Bu nuenu bikale bu mundi emu, meme muikale munudi amu, mvua mua kuamba malu anudi nuamba nuenu. Mvua mua kunubela panyi ne nsumuinu mimpe. Mvua mua kunyukisha mutu.

Yobe 6:14

Muntu udi ukenga, mulunda wende udi ne bua kumusamba. Tshianana, kudi njiwu ya kubengaye kulamata Mvidi Mukulu wa bukole buonsu.

Misambu 69:26

Nzubu yabu ibutuke, bonsu badi mu ntenta yabu babashipe.

1 Korente 9:17

Bu meme mudisunguile mudimu ewu, mvua mua kutekemena bua bamfute. Kadi pandi tshiyi ngenza mudimu awu ku disua dianyi, ndi nkumbaja amu bidibu bamfundile.

2 Korente 2:17

Tuetu katuena bu bantu bakuabu ba bungi badi batangila muaku wa Mvidi Mukulu bu bintu bia kuenda nabi mushinga. Kadi tuetu tudi tunumanyisha muaku wa Mvidi Mukulu, katuyi tukeba kudisankisha muinshi muinshi. Mvidi Mukulu mmututume. Ke patudi tuvuluka mudiye uditangila, tukuata mudimu badisange ne Kristu.

Filipe 1:10

bua numone mua kujingulula bidi biakane. Nanku dituku diafika Yezu Kristu, nenuikale kanuyi kalema, kabayi mua kunudiwula.

Filipe 1:12

Bana hetu, ndi musue bua numanye ne: bivua bingenzekele bivua amu bitangalaja Lumu lua Disanka.

Filipe 1:5

Bualu biangatshile ku dituku dia kumpala, too ne mpindiewu, nuvua bangambuluishe bikole bua kutangalaja Lumu lua Disanka.

Filipe 1:7

Ndi ngenda nenu bonsu mu muoyi. Nanku bindi ngumvua bualu buenu bidi amu pa bualu. Nansha lelu mundi mu lukanu, nansha diba dimvua ndumbuluila Lumu lua Disanka, njadika bulelela bualu, nudi amu nudisanga nanyi mu dinanga divua Mvidi Mukulu mundeje.

Filipe 2:22

Nudi bamanye muvua Timote muleje patoke mudiye muntu wa muoyi umue. Bu mudi muana wambuluisha tatuende, ke mudiye ungambuluisha mu mudimu wa kutangalaja Lumu lua Disanka.

Filipe 4:15

Nudi bamanye ne: musangu umvua mumuke ku Masedoniya, tshikondu tshimvua mutuadije kulongesha Lumu lua Disanka, ku Bisumbu bionsu bia bena ditaba, anu nuenu nkayenu bena Filipe, ke bavua balambuluisha. Nuvua badisange nanyi mu bimvua mupete, ne mu bimvua mujimije.

Filipe 4:3

Wewe kabidi, Sizikuse, muena mudimu nanyi wa diyi dimue, ndi nkulomba ne: ubambuluishe. Bualu bobu bavua bangambuluisha bikole bua kutangalaja Lumu lua Disanka, pamue ne Kleman, kabidi ne bena mudimu nanyi bakuabu bonsu. Mena abu adi mu mukanda wa muoyi.