Filipe 1:14 - MUKANDA WA MYIDI MUKULU

¹⁴ Pavuabu bammona mu lukanu, bana hetu ba bungi bavua amu batekemena kudi Mfumu, balongesha amu kulongesha muaku wa Mvidi Mukulu, kabayi batshina.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Ne batambe bungi ba munkatshi mua bana betu ba mu Mukelenge bakakolesha mitshima yabo bualu bua nkanu yanyi, badi bamba dî dia Nzambi ne dikima ditambe, kabai batshina.

Filipe 1:14 ပူးပေါင်းရင်းမြစ်များ

Marke 3:3

Yezu kuambila muena tshianza tshifulame ne: — Imana papa kumpala kua bantu bonsu.

Luke 1:74

mumulaye bua kutupikula ku bumfumu bua bena lukuna betu, ne kubambuluisha bua tumuenzele mudimu katuyi ne bowa,

2 Korente 3:12

Tudi tuakula ne dikima dionsu, bualu tudi batekemene bia nanku.

2 Korente 7:4

Ndi nnuambila malu onsu patoke! Ndi nditemba bualu buenu! Mu makenga etu onsu ndi mukoleshe amu muoyi, mumvue kabidi amu disanka dipite.

Efeze 3:13

Ke pandi nnulomba bua kanuteketshi mu maboku, bua mabika ne mala andi mmona bualu buenu. Neanupeteshe diakalenga ne lumu.

Filipe 1:20

Bualu ndi ngindila, ntekemena bikole ne: Mvidi Mukulu kakumfuisha bundu nansha. Matuku onsu, kadi nangananga lelu, nengikale amu ne muoyi mushindame. Nansha meme ne muoyi, nansha nkeba kufua, nentumbishe Kristu muanyi muonsu.

Filipe 1:7

Ndi ngenda nenu bonsu mu muoyi. Nanku bindi ngumvua bualu buenu bidi amu pa bualu. Nansha lelu mundi mu lukanu, nansha diba dimvua ndumbuluila Lumu lua Disanka, njadika bulelela bualu, nudi amu nudisanga nanyi mu dinanga divua Mvidi Mukulu mundeje.

Filipe 4:1

Bana hetu basuibue, ke munudi mua kuikala bantu bashindame, badi badisanga ne Mfumu. Ndi njinga bikole kumonangana nenu. Nudi nunsankisha. Ndi nditemba kabidi bualu buenu.

Kolose 4:4

Nanku lombayi bua mmone mua kulongesha bimpe bualu busokome abu, amu mushindu undi ne bua kuenza.

Kolose 4:7

Muanetu munanga Tishike neanuambile malu onsu adi antangila. Ke yeye utudi tuenzela nende Mfumu mudimu, kabidi udi uukuata bimpe.

1 Tesalonike 2:2

Nudi bamanye kabidi ne: katuyi banji kufika kuenu, bavua batupende, batukengeshe mene mu Filipe. Kadi Mvidi Mukulu uvua mutupe bukitu bua kunumanyisha Lumu lua Disanka lua kudiye, nansha muvua bantu bavule batuluisha.

2 Timote 2:9

Ndi nkenga, mbansuike kabidi mu nkanu bu muena buenzavi, bualu ndi mmanyisha bantu Lumu lua Disanka elu. Kadi kabena mua kusuika muaku wa Mvidi Mukulu ne nkanu to.