Filipe 1:10 - MUKANDA WA MYIDI MUKULU

¹⁰ bua numone mua kujingulula bidi biakane. Nanku dituku diafika Yezu Kristu, nenuikale kanuyi kalema, kabayi mua kunudiwula.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ bua nuenu mimanye mua kujadika malu adi makane; ne bua nuenu nuikale ne mitshima mitoke, kanui balenduishi ba bakuabo, tô ne halua dituku dia Kilisto;

Filipe 1:10 ပူးပေါင်းရင်းမြစ်များ

Genese 20:5

Abrahame wangambidi ne: “Sara mmuanetu wa bakaji.” Kabidi Sara wanjadikidi ne: “Abrahame ntutu”. Ke pamvua musue kuenza bualu ebu, kondu kanyi ka munda kakayi kantuuta, nansha kampisha mene.

Yobe 12:11

Bena kale bavua bela lusumuinu ne: “Ditshi mudimu wadi ngua kujingulula malu adi bantu bamba, bu mudi tshilakalaka tshijingulula buimpe bua biakudia.

Yobe 34:3

Mudimu wa ditshi, nkujingulula malu, bu mudi tshilakalaka tshijingulula buimpe bua biakudia.

Mika 3:2

Kadi, nudi nukina malu mimpe, nunanga malu mabi! Nudi nuvula bantu too ne ku dikoba dia pambidi! Nudi nutula too ne minyinyi idi ku mifuba yabu.”

Matayi 16:23

Kadi Yezu kukudimuka, kuambila Petro ne: — Umbuka kundi, uye kule, diabolu! Udi ukeba kundenduisha! Bualu meji audi wela ki nga kudi Mvidi Mukulu to, kadi nga kudi bantu.

Matayi 26:33

Ke Petro kumuandamuna ne: — Nansha bonsu banyema, bakushiya, kadi meme tshiakunyema to.

Yowanane 1:47

Yezu umona Natanayele ufika kudiye, kuambaye ne: — Ke muena Izrayele mulelela udi kayi ne dishima nansha dikese munda muende.

Yowanane 3:20

Muntu yonsu udi wenza bualu bubi, udi ubenga butoke. Kena ufika padi butoke, bualu udi utshina bua malu ende mabi kaamueneki patoke.

Bienzedi 24:16

Ke pandi ngenza muanyi muonsu, bua kondu kanyi ka munda kikale katalale kumpala kua Mvidi Mukulu ne kua bantu.

Rome 12:2

Kanulondi bidi bena panu benza. Kadi nuanyishe bua Mvidi Mukulu ashintulule meji enu onsu, bua nuikale bantu bapiabapia. Nenku nenujingulule bidi Mvidi Mukulu musue, bidi bimpe, bimulengelela, bidi biakane tshishiki.

Rome 12:9

Udi ne dinanga, kikadi ne mpala ibidi. Abenge malu mabi, ananukile ne dienza dia malu mimpe.

Rome 16:17

Bana hetu, ndi nnulomba ne: nudimukile bantu badi bajula ditapulukangana, bakeba kupambula bena ditaba mu njila, babenga bivuabu banulongeshe. Numuke kudi bantu ba nanku.

Rome 2:18

Udi mumanye bidi Mvidi Mukulu musue. Mikenji ivua mikulongeshe muudi mua kusunguluja tshidi tshimpe.

Rome 7:16

Pandi ngenza bindi tshiyi musue kuenza, ndi ngitaba ne: mikenji mmimpe.

Rome 7:22

Mu kondu kanyi ka munda, ndi nsanka bua mikenji ya Mvidi Mukulu.

Rome 8:7

Bantu badi badina ne kasuki ku dienza dia bidi buntu buabu nkayabu bujinga, badi baluishi ba Mvidi Mukulu. Bualu kabena batumikila mikenji yende. Kabena nansha ne bukole bua kuyitumikila.

1 Korente 1:8

Yeye neanuambuluishe, bua nushale bashindame ne ku ndekelu, bua muntu kamonyi mua kunuasa tshilumbu nansha tshimue, dituku diafika Mfumu wetu Yezu Kristu.

1 Korente 10:32

Kadi kanulenduishi nansha muena Yuda, nansha muntu wa mu tshisamba tshikuabu, nansha Tshisumbu tshia bena ditaba.

1 Korente 8:13

Nanku pikala biakudia bilenduisha muanetu, kashidi tshiena mua kudia kabidi munyinyi, bua tshifikishi muanetu ku bubi.

2 Korente 1:12

Tudi mua kuditemba, bualu kondu ken ka munda kadi kanjadikila ne: ndi bende panu, nangananga munkatshi muenu, ne muoyi wa didipuekesha, kanyi ndinga bann, balonde bidi Mvidi Mukulu wenza. Nanku tshivua tshindudika ki mmeji a bann nansha, kadi amu dinanga didi Mvidi Mukulu utunanga nadi.

2 Korente 2:17

Tuetu katuena bu bantu bakuabu ba bungi badi batangila muaku wa Mvidi Mukulu bu bintu bia kuenda nabi mushinga. Kadi tuetu tudi tunumanyisha muaku wa Mvidi Mukulu, katuyi tukeba kudisankisha muinshi muinshi. Mvidi Mukulu mmututume. Ke patudi tuvuluka mudiye uditangila, tukuata mudimu badisange ne Kristu.

2 Korente 6:3

Katuena basue bua nupetele pa kujanyina mudimu wetu. Ke mutudi katuyi basue kulenduisha muntu nansha umue.

2 Korente 8:8

Tshiena nnuelela mukenji. Kadi ndi nnusonsola, nnuleja muvua bakuabu bakuata mudimu ne disuminyina, bua nuleje kabidi patoke munudi nunanga bantu.

Ngalate 5:11

Bana hetu, meme mutshikale mulongeshe bushuwa ne: badi ne bua kunuteka panshi, batshidi bankengesha bua tshinyi? Diba adi Lumu lua Disanka lua Kristu, mupopela pa mutshi mutshiamakane, lundi ndongesha, kaluvua mua kutonda muntu to.

Efeze 4:15

Kadi patudi bimane ne makasa abidi mu malu malelela, tunangangane kabidi, netutante bonsu, tuye kudi Kristu, mutu wetu.

Efeze 5:10

Nuenze muenu muonsu bua kujingulula bidi bisankisha Mfumu.

Efeze 5:27

Bualu uvua musue kudiangatshila Tshisumbu etshi ne bulenga buonsu. Kavua musue bua tshikale ne dinyanu, nansha ne kalema, nansha ne mutudi. Uvua mujinge bua tshikale tshia tshijila, tshiakane tshipuangane.

Efeze 6:24

Dinanga dia Mvidi Mukulu dikale munda mua bonsu badi bananga Mfumu wetu Yezu Kristu, dibafikisha ku muoyi wa kashidi.

Filipe 1:16

Bobu abu badi benza nanku, bualu badi bannange, bamanye ne: Mvidi Mukulu mmumpeshe mudimu wa kulumbuluila Lumu lua Disanka.

Filipe 1:6

Mvidi Mukulu uvua mutuadije mudimu muimpe awu munkatshi muenu, ndi mujadike ne: neatungunuke nawu too ne muajikawu, dituku diafika Yezu Kristu.

Filipe 2:16

diba dinudi nubalongesha muaku udi utupetesha muoyi. Nuenu benze nanku, nemmone mua kuditemba bualu buenu, dituku diafika Kristu. Bualu dituku adi nebimueneke ne: mudimu wanyi, ne lutatu luanyi, kabivua tshianana to.

1 Tesalonike 3:13

Mvidi Mukulu akoleshe mioyi yenu. Nanku nenuikale bantu ba tshijila, bakane tshishiki, kumpala kua Mvidi Mukulu Tatu wetu, diba diafika Mfumu wetu Yezu Kristu ne bende bonsu.

1 Tesalonike 5:21

Kadi kenketayi malu onsu, nulame adi mimpe.

1 Tesalonike 5:23

Mvidi Mukulu udi utupa bupole, anuambuluishe bua nuikale bantu bende menemene. Anulame ne mueyelu wenu, muoyi, ne mubidi, bua kanuikadi ne bubi, too ne dituku diafika Mfumu wetu Yezu Kristu.

Yoshua 24:14

Yoshuwa kuamba kabidi ne: — Mpindiewu nuenu bena Izrayele, numanye bumfumu bua Maweja-Nangila. Numuenzele mudimu ne muoyi mujima, numutumikile. Numushe mvidie ivua bankambua benu batendelela, patshivuabu dishiya dia musulu wa Perate, nansha patshi wabu mu Ejipitu. Nanku, enzelayi Maweja-Nangila mudimu.

1 Yone 4:1

Balunda banyi, kanulondi bonsu badi badiamba ne: tudi ne Mueyelu. Kadi nubatete bua kujadika ne: Mueyelu udibu nawu ngwa Mvidi Mukulu anyi? Bualu bambi ba dishima bavule badi batampakane mu bantu.

Didimanyisha 2:2

Ndi mumanye bionsu biudi muenze. Ndi mumanye muuvua mukuate mudimu bikole, mulame kabidi lutuulu. Ndi mumanye muudi ubenga benji ba malu mabi. Uvua mutete bavua badiamba ne: tudi bapostolu, pabu kabayi bapostolu. Wewe kujandula mudibu bena dishima.