Ezela 8:1 - MUKANDA WA MYIDI MUKULU

¹ Bilondeshile mikanda idi ne mena a bankambua, ke mena a bamfumu ba meku bandi meme Ezra mufume nabu ku Babilone, mufike nabu mu Yerushalayime mu matuku a bukalenga bua mukalenga munene Artashasta.

Mukanda wa Nzambi Dihungila Dikulukulu ne Dihungila Dihia-dihia 2003

¹ Au mmena a bakadi ku mitu ya nsubu ya batatu babo, eku nkulondolola kua bakafuma nʼanyi ku Babulona, mu bukokeshi bua mukelenge Atashasete:

Ezela 8:1 ပူးပေါင်းရင်းမြစ်များ

Ezela 7:7

Pavua bena Izrayele, batuangaji, bena Levi, bena misambu, balami ba ku biibi, ne bena mudimu bakuabu ba nzubu wa Mvidi Mukulu, bapingana mu Yerushalayime, Artashasta ukavua mumane kushala mu bukalenga bidimu muanda mutekete.

Ezela 7:13

“Ndi ntuma diyi, bua bena Izrayele bonsu badi basomba mu bukalenga buanyi, nansha batuangaji nansha bena Levi, nansha bantu bakuabu badi bajinga kuya ku Yerushalayime, baye amu nebe.

Ezela 2:62

Bavua bakeba bikole mua kupeta mikanda ivua ne mena a bankambua babu, bapange. Nanku, kukandikabu batuangaji abu mua kuenza mudimu wabu wa butuangaji, bualu bavua babatangile bu bantu badi ne mikiya.

Ezela 1:5

Bamfumu ba meku a bena Yuda, ne a bena Binyamine, batuangaji, bena Levi, ne bantu bonsu bavua Maweja-Nangila Mvidi Mukulu mupeshe lungenyi lua kuya kuibakulula nzubu wende mu Yerushalayime, kudilongololabu bua kuya.

2 Kulondolola 26:12

Bena mvita ba bukitu aba bavua babalombola kudi bamfumu ba meku binunu bibidi ne nkama isambombu.

1 Kulondolola 26:32

Ke mukalenga Davide kusungula bantu binunu bibidi ne nkama muanda mutekete, ba mu diku dia Ebrone, bonsu bikale bamfumu ba meku, bua balongolole malu a Mvidi Mukulu ne a ditunga pamue ne Yeriya, mu buloba bua tshisamba tshia Rubene, bua tshia Ngade, ne bua tshitupa tshia tshisamba tshia Menashe, tshivua luseke ludi diba dipatukila lua musulu wa Yardene.

1 Kulondolola 24:31

Ndelanganyi ya Levi eyi, amu bu mudi bana babu, ndelanganyi ya Arone, bavua batshinka, kumpala kua mukalenga Davide, kua Sadoke, kua Akimeleke ne kumpala kua bamfumu ba meku a batuangaji ne a bena Levi, bua kumanya dilondangana dia midimu yabu ayi. Nanku diku dia muanabute divua dipeta mudimu, mushindu wa mumue ne dia muanaʼaʼmukala.

1 Kulondolola 9:34

Bonsu aba mbamfumu ba meku a bena Levi, bilondeshile ndelanganyi yabu. Bavua basomba amu mu Yerushalayime.

1 Kulondolola 9:1

Kufundabu mena a bena Izrayele bonsu mu mukanda wa Bakalenga ba Izrayele, balondangane ku diku ku diku. Bena Yuda kutombokela Mvidi Mukulu. Nanku kubakuatabu, kuya nabu ku Babilone.

1 Kulondolola 4:33

ne mu misoku yonsu ya pa mpenga pa bimenga ebi, too ne ku musoku wa Baalate. Ke misoku ivuabu basombe ayi. Bavua bafunda mena a meku abu mu mikanda.

Ezela 7:28

Mvidi Mukulu kungenzela bimpe kumpala kua Artashasta, mukalenga munene, kumpala kua bafidi bende ba ngenyi ne kua bantu banene bonsu ba mu bukalenga buende. Meme ndi mukole muoyi bua padi Maweja-Nangila mundame. Nanku, ndi musangishe bamfumu ba bena Izrayele bua tupingane nabu kuetu.”

Ezela 8:2

Mu diku dia Pinase muvua Ngershone; mu diku dia Itamare muvua Daniyele; mu diku dia Davide muvua Atushe;

Ezela 2:2

Bavua babalombola kudi Zerubabele, Yeshuwa, Nehemya, Seraya, Relaya, Mordekayi, Bilshane, Mispare, Bigvayi, Rekume ne Baana. Bungi bua bena Izrayele bavua bapingana, bilondeshile meku abu budi nenku:

Ezela 2:3

Mu diku dia Paroshe, muvua bantu balume 2.172;

Ezela 7:6

Ezra uvua mumanye mikanda, uvua mumanye bikole meyi ne mikandu bivua Maweja-Nangila Mvidi Mukulu wa bena Izrayele muambile Moshe. Maweja-Nangila Mvidi Mukulu wende uvua mumupeteshe lumu. Ke pa wa Artashasta, mukalenga munene, mumupeshe bionsu biwaye ulomba.