Ezela 7:18 - MUKANDA WA MYIDI MUKULU

¹⁸ Pashishe, wewe ne baudi wenda nabu, padi tshiamu tshia mpawungi ne tshiamu tshitoke tshia mushinga mukole bishale, nuenze nabi munudi basue. Kadi amu bilondeshile mudi Mvidi Mukulu wenu munuambile.

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Tshionso tshidi tshimueneka tshimpe kûdi ne kudi bana benu tshia mua kuenza ne argent ne or bidi bishala, nuenze bu mudi disua dia Nzambi wenu.

Ezela 7:18 ပူးပေါင်းရင်းမြစ်များ

Efeze 5:17

Nanku kanuikadi bantu bapote. Kadi nukebe mua kujingulula tshidi Mfumu musue bua nuenze.

Ezela 7:26

Pashishe, padi muntu kayi ukumbaja mikenji ya Mvidi Mukulu, nansha ya mukalenga munene, bamufundile dinyoka didi dimukumbanyine, nansha dia kumushipa, nansha dia kumuipata mu ditunga, nansha dia kumunyenga bintu biende, nansha dia kumuela mu lukanu.”

2 Bakalenga 22:7

Kadi, bantu badi bafuta bena mudimu, kabena mua kubalondesha bua makuta adibu benza nawu mudimu to. Bualu badi benza mudimu wabu bimpe.

2 Bakalenga 12:15

Bavua bafila makuta awu onsu kudi balombodi ba bibaki ba nzubu, anu bua bamone mua kulongolola miaba ivua minyanguke.

Ezela 7:17

Mu Yerushalayime, makuta audi upeta, usumbe nawu nyama ya ngombe milume, mbuji ya bimpanga, bana ba mikoku, ne bintu bionsu biudi ukengela bua kulambula milambu ya bintu bia mu madimi ne milambu ya maluvu a mvinyo. Bintu bionsu abi, ubilambuile pa tshilambuilu tshidi mu nzubu wa Mvidi Mukulu webe wa mu Yerushalayime.

Ezela 7:19

Bintu bionsu bia kutendelela nabi biwabu bakupeshe, ubiteke mu nzubu wa Mvidi Mukulu webe mu Yerushalayime.