Ezela 5:3 - MUKANDA WA MYIDI MUKULU

³ Diakamue, Tatenayi, mulombodi wa buloba buvua luseke ludi diba dibuelela lua musulu wa Perate, Shetare-Boznayi, ne balombodi nabu, kuya kuebeja bavua bibaka nzubu wa Mvidi Mukulu ne: — Udi munutumine diyi dia kuibakulula nzubu wa Mvidi Mukulu, ne kubandisha bimana biende nnganyi?

Mukanda wa Nzambi Dihungila Dikulukulu ne Dihungila Dihia-dihia 2003

³ Ku tshikondo atshi Tatenai, gouverneur wa buloba bua dishiya dia muamua dia musulu wa Pelata, ne Shetâ-bozenai ne bena mulongo wabo, bakalua kudibo, bakabakonka ne, Wakunuelela mukenji bua kuasa nsubu eu ne bua kushikisha lumbu nganyi?

Ezela 5:3 ပူးပေါင်းရင်းမြစ်များ

Ezela 1:3

Nanku, bantu bonsu bena tshisamba tshia Maweja-Nangila badi munkatshi muenu, bapingane mu Yerushalayime, mu ditunga dia Yuda, bua kuibakululamu nzubu wa Maweja-Nangila Mvidi Mukulu wa Izrayele, udibu batendelela mu Yerushalayime. Nanku Mvidi Mukulu wabu abambuluishe!

Ezela 4:12

“Mukalenga, tudi tukumanyisha ne: bena Yuda badi bumuke kuebe, bafike kuetu kunu ku Yerushalayime, badi basue kuasulula tshimenga etshi tshibi tshia bantomboji. Badi benzulula tshitaku, babandisha ne bimana.

Ezela 4:9

“Meme Rekume, mulombodi wa ditunga, ne Shimeshayi tshindonda tshianyi, tudi tufunda mukanda ewu mu dina kabidi dia balombodi nanyi ba mu matunga: a mu Dine, Afarsatake, Tarpele, Afarase, Ereke, Babilone, Suze, Deka, Elame,

Ezela 5:6

Tatenayi, mulombodi wa ditunga, Shetare-Boznayi, ne balombodi nabu, bavua benza mudimu mu buloba buvua luseke ludi diba dibuelela lua musulu wa Perate, bavua batumine Daryaveshe, mukalenga munene, mukanda.

Ezela 5:9

Tuvua bakonke balombodi ba midimu, bua batuambile uvua mubatumine diyi dia kuibakulula nzubu wa Mvidi Mukulu ne dia kubandisha bimana.

Ezela 6:13

Tatenayi, mulombodi wa buloba buvua luseke ludi diba dibuelela lua musulu wa Perate, Shetare-Boznayi, ne balombodi nabu, kuenza amu muvua Daryaveshe mukalenga munene muambe. Badi bajidila nzubu wa Mvidi Mukulu

Ezela 6:6

Ke muvua Daryaveshe mutumine Tatenayi, mulombodi wa buloba buvua luseke ludi diba dibuelela lua musulu wa Perate, Shetare-Boznayi, ne balombodi nabu, mukanda, ubambila ne: “Kanubuelakanyi kabidi mu bualu ebu to!

Ezela 7:21

“Meme, Artashasta, mukalenga munene, ndi ngambila balami ba bibutshilu bionsu bidi mu buloba budi luseke ludi diba dibuelela lua musulu wa Perate ne: bakumbaje bidi mutuangaji Ezra wamba, bualu yeye udi mumanye bimpe mikenji ya Mvidi Mukulu wa mu diulu.

Agayi 1:1

Dituku dimue dia ngondu muisambombu wa tshidimu tshibidi tshia bukalenga bua Daryaveshe, Maweja-Nangila kuyukila ne muambi Agayi. Kumutumaye kudi mulombodi wa buloba bua bena Yuda, diende Zerubabele, muana wa Sheyaltiyele, ne kudi mutuangaji munene Yeshuwa, muana wa Yoshadake,

Matayi 21:23

Yezu kubuela mu nzubu wa Mvidi Mukulu. Pavuaye mutuadije kulongesha, bamfumu ba batuangaji, ne bakulu ba bena Yuda, kusemena kudiye, bamukonka ne: — Malu audi wenza aa, udi muenze ne bumfumu kaayi? Udi mukupeshe bumfumu ebu nnganyi?

Bienzedi 4:7

Kubikilabu Petro ne Yowanane. Kubimanyikabu munkatshi muabu, babakonka ne: — Nuvua benze bualu ebu ku bukenji kaayi? Nuvua bajikije disama dia muntu ewu mu dina dia nganyi?