Estere 7:9 - MUKANDA WA MYIDI MUKULU

⁹ Umue wa ku bena mudimu, dina diende Arbona, kuambila mukalenga Ahashaveroshe ne: — Mukalenga, Amane mene uvua mulongoluele Mordekayi, uvua mukupandishe ku tshitungu, tshiowelu bua kumuowelapu. Tshiowelu atshi tshidi kumpala kua nzubu wa Amane, tshidi ne butumbuke bua metre makumi abidi ne atanu. Mukalenga kutuma diyi ne: — Buowelepu Amane.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Hashishe Hâbona, umue wa bantu batungula bakadi ku mpala kua mukelenge, wakamba ne, Monai, kabidi, tshiowelu atshi bule bua coudées makumi atanu tuakalongoluela Hamana Môdekai, nguakambila mukelenge malu mimpe, tshidi ku nsubu wa Hamana. Mukelenge wakamba ne, Bamuoweleku.

Estere 7:9 ပူးပေါင်းရင်းမြစ်များ

2 Bakalenga 9:32

Yehu ubanduluka, utangila ku dididishi, kuelaye diyi ne: — Kunudi aku, udi musue kutua ku tshianyi nnganyi? Bantu babidi anyi basatu ba mu nzubu wa bukalenga kuinangila pa dididishi.

Estere 1:10

Dituku dia muanda mutekete dia didia dinene, mukalenga Ahashaveroshe uvua musanke bua mvinyo uvuaye munue. Kubikilaye batungu muanda mutekete, bena mudimu bende, ke Mekumane, Bista, Arbona, Bigta, Abagta, Zetare ne Karkase.

Estere 5:14

Nenku, muena kuende Zereshe ne balunda bende bonsu, kumuambila ne: — Bantu bakongoluele mutshi wa bule bua metre makumi abidi ne atanu. Maloba dinda, lomba mukalenga bua boweleku Mordekayi. Nenku, neuye kufila mukalenga ne disanka mu didia amu. Amane kuanyisha lungenyi alu, kuenzeja tshiowelu.

Estere 6:14

Patshivuabu bakula, bantu bavua mukalenga mutume kufika, bambila Amane mua kuya mu didia divua Estere mulongolole.

Estere 6:2

Bavua babala nangananga bualu bua Mordekayi, muvuaye mujandule mukalenga tshifufu tshibi tshivuabu bamuelele kudi batungu bende babidi Bigtane ne Tereshe bua kumushipa. Bobu ke bavua ne mudimu wa kulama tshiibi tshia ku nzubu wa mukalenga.

Estere 8:7

Pashishe, mukalenga Ahashaveroshe kuandamuna Estere pamue ne Mordekayi, muena Yuda, ne: — Monayi, mvua mutume diyi bua kuowabu Amane, bualu uvua ukeba kubutula bena Yuda; kabidi wewe Estere mvua mukupeshe bintu bionsu bia Amane.

Estere 9:14

Mukalenga kuela mukenji bua kuenzabu nanku. Kuelabu mukenji mupiamupia mu Shushane, kulembelejabu bitalu bia bana ba balume ba Amane kulu.

Estere 9:25

Kadi Estere kuya kumanyisha mukalenga bualu abu. Ke mukalenga kutuma diyi, kufunda mukanda bua bakengeshe Amane mushindu uvuaye musue kukengesha bena Yuda. Ke bantu kumowa ne bana bende ba balume.

Misambu 141:10

Bantu ba tshikisu aba bapone mu buteyi buabu, meme mpande!

Misambu 35:8

Kabutu kabakuate kabayi bamanye. Bukondu buabu bubakuate. Badishinde mu tshiina tshivuabu bumbule!

Misambu 73:19

Nebabutuke ku mubunyi wa disu. Lufu luabu lubi nelukuatshishe bantu bowa!

Danyele 6:24

Mukalenga wa bakalenga muwule tente ne disanka, kutuma diyi bua bapatule Daniyele mu buina. Pakamupatulabu, bakamusangana kayi ne mputa nansha umue pambidi, bualu uvua mutekemene kudi Mvidi Mukulu wende.

Danyele 6:7

Nanshabu kujingakana. Bamfumu babidi ne balombodi ba ditunga kuya kudi mukalenga wa bakalenga, kumuambila ne: — Mukalenga wa bakalenga Daryaveshe, kuata ku mundundu!

1 Samuele 17:51

Davide kuya lubilu muaba uvua Ngoliyate, kupatula muela wa Ngoliyate uvua mu tshibubu. Kumukosa mutu. Ke bena Peleshete bamone ne: Davide washipi tshilobu tshietu, kunyemabu lubilu.