Estere 6:3 - MUKANDA WA MYIDI MUKULU

³ Nenku mukalenga kubakonka ne: — Tuvua bapeshe Mordekayi tshinganyi tshia lumbandi? Tuvua bamuele tuasakidila bishi? Bena mudimu bende kuandamuna ne: — Kawa mupete kantu nansha kamue ka lumbandi to.

Mukanda wa Nzambi Dihungila Dikulukulu ne Dihungila Dihia-dihia 2003

³ Mukelenge wakabebesha ne, Kutumbisha kai kuakatumbishabo nʼaku Môdekai bua bualu ebu? Hashishe bena mudimu ba mukelenge bakadi bamukuatshila mudimu bakamuambila ne, Kabena bamuenzele tshintu.

Estere 6:3 ပူးပေါင်းရင်းမြစ်များ

Genese 40:23

Kadi mutangidi wa balongolodi ba maluvu a mukalenga, uvua mupue Yozefe muoyi kashidi.

1 Kulondolola 11:6

Davide kuamba ne: “Muntu wadianza kushipa muena Yebusa, neashale mfumu mulombodi wa bena mvita bonsu.” Nanku Yowabe, muana wa Seruya, kudianza kushipa muena Yebusa. Ke yeye kushala mfumu wa tshiluilu.

Estere 6:2

Bavua babala nangananga bualu bua Mordekayi, muvuaye mujandule mukalenga tshifufu tshibi tshivuabu bamuelele kudi batungu bende babidi Bigtane ne Tereshe bua kumushipa. Bobu ke bavua ne mudimu wa kulama tshiibi tshia ku nzubu wa mukalenga.

Estere 6:4

Mukalenga kukonka kabidi ne: — Udi mu lupangu lua bukalenga emu nnganyi? Diba adi Amane utshivua ubuelelaku mu lupangu. Uvua mufike bua kulomba mukalenga, bua kuovuabu Mordekayi ku tshiowelu tshimulongoluela.

Muambi 9:15

Muntu mupele wa meji uvua usomba mu tshimenga amu. Yeye ke uvua mua kusungidila tshimenga ku meji ende. Kadi muntu nansha umue kavua uvuluka mupele awu to.

Danyele 5:16

Kadi mvua mumvue lumu luebe ne: wewe udi ne lungenyi lua kujingulula nshinga ne kumvuija malu masokome. Wewe mubale bualu budibu bafunde ebu, mubumvuije kabidi, nebakuvuadike bilamba bia lumu, bakuele mabue a tshiamu tshia mpawungi mu nshingu. Newikale umue wa ku balombodi banene ba mu ditunga.

Danyele 5:29

Diakamue Baltazare kutuma diyi bua bavuadike Daniyele bilamba bia lumu, bamuele mabue a tshiamu tshia mpawungi mu nshingu. Kumuvuijabu umue wa ku balombodi banene ba mu ditunga.

Danyele 5:7

Mukalenga kuela diyi dikole ne: bafike ne bena meji ba mu Babilone, benji ba majimbu, bena bilengulengu ne bamanyi ba malu a mitotu. Kubambilaye ne: — Muntu yonsu wabala tshidibu bafunda etshi, watshinjinguluila, nebamuvuadike bilamba bia lumu. Nebamuele mabue a tshiamu tshia mpawungi mu nshingu. Neikale umue wa ku balombodi banene ba mu ditunga.