Estere 1:7 - MUKANDA WA MYIDI MUKULU

⁷ Bavua banuina mu makopu a mpawungi, mikale dikopu dionsu dishilangane ne dikuabu. Mukalenga uvua mufile maluvu a mvinyo mapite bungi, uvua wabanyina bantu ne muoyi wa kalolu muakanyine mukalenga.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Bakabanuisha nvinyo mu makoho a or (dikoho ha buadi dikoho ha buadi), bakadi ne nvinyo ya bukelenge ya bungi bu muakadi bubanji bua mukelenge.

Estere 1:7 ပူးပေါင်းရင်းမြစ်များ

1 Bakalenga 10:21

Makopu a mukalenga Shelomu awu, avua anu a tshiamu tshia mpawungi. Kabidi bintu bionsu bia kudila bivua mu nzubu uvuabu babikila ne: “Ditu dia Lebanone,” bivua anu bia tshiamu tshia mpawungi menemene. Kabavua benza bintu bia tshiamu tshitoke tshia mushinga mukole to. Bualu mu tshikondu tshia Shelomu, tshiamu tshitoke tshia mushinga mukole katshivua ne lumu.

2 Kulondolola 9:20

Makopu onsu a mukalenga Shelomu, avua anu a tshiamu tshia mpawungi. Kabidi bintu bionsu bia kudila bivua mu nzubu, uvuabu binyika ne: Ditu dia Lebanone, bivua anu bia tshiamu tshia mpawungi menemene. Kabavua benza bintu bia tshiamu tshitoke tshia mushinga mukole to. Bualu mu tshikondu tshia Shelomu, tshiamu tshitoke tshia mushinga mukole, katshivua ne lumu.

Estere 1:8

Muntu yonsu uvua unua pa yende nyota. Ke muvua mukalenga muambile bena mudimu bende bonsu ne: “Bantu bandi mubikile, badie, banue, muntu yonsu muende mudiye musue.”

Estere 2:18

Pashishe mukalenga kulongoluela Estere didia dinene. Kubikilaye baneme ne balombodi ba mu bukalenga buende buonsu. Kuanyishaye bua bantu ba mu matunga avua ku bumfumu buende, kabalambudi tshitupa tshia milambu ivuabu ne bua kufuta, kuabanyinaye bantu bintu ne muoyi wa kalolu, muakanyine mukalenga.

Matayi 4:24

Mu ditunga dijima dia Siriya, kutuadijabu kuyukidilangana bualu bua Yezu. Bavua bafika kudiye ne bantu bonsu bavua kabayi bumvue bimpe, bikale ne masama ne ntatu bishilangane. Munkatshi muabu muvua bavuabu bakuate kudi diabolu, bena tshiseke, ne bena tuneke. Yezu uvua ujikija masama abu onsu.